ស្តេចយូធូបវ័យ២៦ឆ្នាំ MrBeast ម្ចាស់ឆាណែលដែលមានទស្សនាច្រើនជាងគេលើពិភពលោក ថ្មីៗនេះនៅលើបណ្តេញសង្គមផ្ទាល់ខ្លួន បានប្រកាសពីការភ្ជាប់ពាក្យជាមួយកញ្ញា Thea Booysen វ័យ២៧ឆ្នាំដែលជាតារាយូធូបល្បីម្នាក់ ជាអ្នកនិពន្ធដែលទទួលបានការសិក្សាខ្ពស់និងមានសមត្ថភាពមិនធម្មតាម្នាក់​ មិនចាញ់សេដ្ឋីយូធូប MrBeast ប៉ុន្មានឡើយ។

កញ្ញាThea Booysen បានដើមកំណើតមកពីប្រទេសអាហ្វ្រិកខាងត្បូង នាងទទួលបានការសកលវិទ្យាល័យ Stellenbosch ក្នុងប្រទេសអាហ្វ្រិកខាងត្បូងនៅឆ្នាំ២០២២ ជាកន្លែងដែលនាងបានបញ្ចប់ការសិក្សាទទួលបានសញ្ញាបត្រកិត្តិយសផ្នែកចិត្តវិទ្យា បរិញ្ញាបត្រផ្នែកច្បាប់។  

ក្នុងឆ្នាំដដែលនោះ នាងក៏បានក្លាយជាអ្នកនិពន្ធសៀវភៅ បែបយុវវ័យនិយាយអំពីចិត្តវិទ្យាសរសៃប្រសាទ​ មានចំណងជើងថា "The Marked Children”។ នៅក្នុងឆ្នាំ២០២៤ នាងបានទទួលសញ្ញាប័ត្រអនុបណ្ឌិតផ្នែកចិត្តវិទ្យាសរសៃប្រសាទ ពីសាកលវិទ្យាល័យ Edinburgh ក្នុងប្រទេសស្កុតឡែន។

ក្រៅពីមានការងារជាអ្នកផលិតមាតិកាលើយូធូប “TheaBeasty” របស់នាងដែលអាចរកចំណូលប្រមាណជិត២លានដុល្លារក្នុងមួយឆ្នាំ។ បន្ថែមពីនេះយុវតី Thea Booysen ក៏មានអាជីពជាអ្នកអត្ថាធិប្បាយកីឡាអេឡិចត្រូនិក និងជាអ្នកលេងហ្គេមអនឡាញផងដែរ។

យោងតាម Celebrity Net Worth បានបញ្ជាក់ថាគិតមកទល់ពេលបច្ចុប្បន្ននេះកញ្ញារូបស្រស់ Thea Booysen មានទ្រព្យសម្បត្តិសរុបប្រមាណ៧លានដុល្លារ ជា​ប្រាក់់ចំណូលបានមកពីការធ្វើម៉ូដែល និងការសហការជាមួយម៉ាកយីហោផ្សេងៗ៕

អត្ថបទដោយ៖ ពីង ជូអេង