ភ្នំពេញ៖ ថ្ងៃទី ៣០ខែ កក្កដា ឆ្នាំ២០២៤ ដឹកនាំដោយលោកស្រី Waraporn Osathapan (លោកស្រី វៈរ៉ាផន អូសាក់ថាផាន់) អគ្គនាយករងជាន់ខ្ពស់ ក្រុមហ៊ុនស្យាមគូបូតា និង លោក Doan Chinh (លោក ស៊ន ជីញ) អគ្គនាយករងក្រុមហ៊ុនមិត្តហ្វូន បានចុះហត្ថលេខាលើអនុស្សារណៈនៃការយោគយល់គ្នា(MoU)លើកិច្ចសហការដើម្បីផ្តល់សេវាកម្មជូនប្រជាកសិករកម្ពុជាឲ្យបានកាន់តែប្រសើរឡើង ។ ការសហការគ្នានេះមានគោលបំណងជាយុទ្ធសាស្រ្តដើម្បីជំរុញការធ្វើអាជីវកម្ម និងកិច្ចសហប្រតិបត្តិការបំពេញឲ្យគ្នាទៅវិញទៅមកលើផ្នែកទីផ្សាររបស់ក្រុមហ៊ុនទាំងពីរ ដោយផ្តោតសំខាន់គឺលើការអភិវឌ្ឍន៍កម្មវិធីទូរសព្ទដៃគូបូតាដើម្បីផ្តល់សេវាកម្មកាន់តែប្រសើរដល់អតិថិជនគូបូតា។ Viettel Group ក្នុងនាមជាក្រុមហ៊ុននាំមុខគេក្នុងទីផ្សារទូរគមនាគមន៍នៅក្នុងតំបន់អាស៊ីអាគ្នេយ៍ និងជាប់ចំណាត់ថ្នាក់លេខមួយក្នុងប្រទេសកម្ពុជាជាមួយនឹងបណ្តាញសេវាទូរសព្ទដៃមិត្តហ្វូន បានដើរតួនាទីយ៉ាងសំខាន់ក្នុងកិច្ចសហប្រតិបត្តិការនេះ។ យោងតាមទិន្នន័យរបស់យើង កសិករជាច្រើនកំពុងតែប្រើប្រាស់ទូរស័ព្ទដៃក្នុងជីវិតប្រចាំថ្ងៃរបស់ពួកគេ ហើយនិន្នាការនេះនៅតែបន្តកើនឡើង។
លោកស្រី Waraporn Osathapan (លោកស្រី វៈរ៉ាផន អូសាក់ថាផាន់) បានមានប្រសាសន៍ថាក្រុមហ៊ុនស្យាមគូបូតាកបានផ្តោតយកចិត្តទុកដាក់យ៉ាងខ្លាំងក្នុងការផ្តល់សេវាកម្ម និងការផ្តល់អត្ថប្រយោជន៍ពិសេសផ្សេងៗ ជូនអតិថិជនរបស់ខ្លួនតាមរយៈការចូលជាសមាជិកគូបូតា តាមគម្រោងថែរទាំអតិថិជន (CRM) ដែលក្នងនោះមាន គម្រោង អតិថិជនគូបូតា VIP ដែលបានផ្តល់អត្ថប្រយោជន៍ជូនដល់អតិថិជនចាស់និងអតិថិជនថ្មី ។ ហើយនិងកម្មវីធីទូរសព្ទដៃគូបូតាផ្តល់ជាចំណេះដឹងនិងវិធីថែទាំគ្រឿងចក្របានយ៉ាងមានប្រសិទ្ធភាព។ នៅក្នុងកិច្ចសហប្រតិបត្តិការនេះ យើងបានផ្តោតសំខាន់លើការផ្តល់សេវាកម្មឲ្យបានកាន់តែប្រសើរជូនដល់អតិថិជនដូចជា ការធ្វើរឲ្យកាន់តែប្រសើរឡើងនូវប្រព័ន្ធសេវាទូរសព្ទជូនដល់អតិថិជនគូបូតា រួមជាមួយនិងការផ្តល់កញ្ចប់សេវាអ៊ិនធើណែត Wi-Fi និងសេវាកម្មអ៊ីនធើណែតដែលមានល្បឿនលឿននិងមានស្ថេរភាពជាពិសេសជូនដល់អតិថិជនគូបូតាប្រចាំប្រទេសកម្ពុជា។
កិច្ចសហប្រតិបត្តិការនេះ នឹងនាំទៅរកការអភិវឌ្ឍន៍ផ្នែកបច្ចេកវិទ្យា និងការអភិវឌ្ឍន៍ផ្នែកសេវាកម្មសំខាន់ៗ ដែលនឹងផ្តល់អត្ថប្រយោជន៍យ៉ាងធំធេងជូនដល់កសិករនៅក្នុងប្រទេសកម្ពុជា។
Media Contact: SIAM KUBOTA Co., Ltd. Email : ratchawan.t@kubota.com