បងប្អូនដែលលេងបណ្ដាញសង្គមFacebook របស់ឯកឧត្តមបណ្ឌិតម៉ុង ឫទ្ធី ប្រាកដជាបានឃើញហើយពីទិដ្ឋភាពផ្សេងៗក្នុងតំបន់កសិឧស្សាហកម្មម៉ុង ឫទ្ធី មានទីតាំងភូមិសំរោងជើងភ្នំ ឃុំសែនដី ស្រុកសំរោងទង ខេត្តកំពង់ស្ពឺ (Yamamoto Circuit Cambodia) ដែលមានសួនសត្វ តំបន់លំនៅឋាន កសិកម្មជាដើម ហើយកាលពីថ្មីៗឯកឧត្តមក៏កំពុងសាងសង់ផ្លូវឡូរី ក្នុងគោលបំណងទាក់ទាញទេសចរមកកម្សាន្ដ។
ផ្លូវឡូរីនេះ បានចាប់ផ្ដើមពីដើមខែមករាឆ្នាំ២០២៤ប្រើពេល៦ខែបានសាងសង់ផ្លូវឡូរី២ខ្សែ ទៅមកសរុបប្រវែង9.200ម៉ែត្រ ស្ថានីយ៍ទី១ និងទី២ ព្រមទាំងមានរូងក្រោមដី៣កន្លែង បានសាងសង់រួចរាល់ជាស្ថាពរ និងបានស្ថាបនាតំឡើងឡូរីបានចំនួន៣០គ្រឿងផងដែ ឡូរីទាំងអស់ប្រើដោយថាមពលកកើតឡើងវិញ(អាគុយ) ។
ផ្លូវឡុរីនេះ នឹងបើកទទួលភ្ញៀវទេសចរណ៍ជាតិ អន្តរជាតិអោយមកជិះលេងកម្សាន្ត ក្រោយថ្ងៃទី២០ខែកក្កដាឆ្នាំ២០២៤ ហើយឡូរីនេះ ក៏ត្រូវបានរំពឹងទុកថា នឹងចូលរួមចំណែកទាក់ទាញភ្ញៀវទេសចរណ៍ជាតិ និងអន្តរជាតិអោយមកចូលលេងកម្សាន្តក្នុងតំបន់នោះ។