ផែនដីនឹងទទួលបាន "ព្រះច័ន្ទទីពីរ" នៅចុងសប្តាហ៍នេះ ប៉ុន្តែវានឹងពុំមានរយៈពេលយូរនោះទេ។ នេះបើយោងតាមការឲ្យដឹងពី Space.com នាថ្ងៃទី២៦ ខែកញ្ញា ឆ្នាំ២០២៤។

អ្នកវិទ្យាសាស្ត្រមកពីស្ថានីយរុករកទីអវកាស NASA បានគណនាថា ផែនដីនឹងចាប់យក "ព្រះច័ន្ទទីពីរ" នៅថ្ងៃអាទិត្យ ទី២៩ ខែកញ្ញានេះ។ "ព្រះច័ន្ទទីពីរ" មានទម្រង់ជាអាចម៍ផ្កាយតូចឈ្មោះ 2024 PT5 ដែលជាធម្មតាវាគោចរជុំវិញព្រះអាទិត្យ ជាផ្នែកនៃអាចម៍ផ្កាយតូចមួយដែលដើរតាមគន្លងផែនដី។

ក្នុងនោះ យោងតាមទិន្នន័យចុងក្រោយបំផុតដែលបានមកពីប្រព័ន្ធ Jet Propulsion Laboratory Horizons របស់ NASA ការចាប់យកបណ្តោះអាសន្ននូវ "ព្រះច័ន្ទទីពីរ" នឹងចាប់ផ្តើមនៅម៉ោង 15:54 EDT (1954 UTC) នាថ្ងៃអាទិត្យនេះ (ប្រហែលម៉ោង ០២:៥៤ AM ក្នុងថ្ងៃបន្ទាប់នៅកម្ពុជា) ហើយនឹងបញ្ចប់នៅម៉ោង 11:43 EDT (1543 UTC) (ប្រហែលម៉ោង ១០:៤៣ PM នៅកម្ពុជា) នាថ្ងៃទី២៥ ខែវិច្ចិកា ឆ្នាំ២០២៤។

គួរជម្រាបផងដែរថា ដៃគូចម្បងបំផុតមិនអាចខ្វះគ្នាបានរបស់ភពផែនដី គឺព្រះច័ន្ទ ដែលបានស្ថិតនៅជុំវិញផែនដីរបស់យើងអស់រយៈពេលប្រហែល ៤ពាន់លានឆ្នាំមកហើយ ចាប់តាំងពីការកកើតក្នុងប្រព័ន្ធព្រះអាទិត្យ។ ចំណែកឯព្រះច័ន្ទទីពីរ ដែលជាអាចម៍ផ្កាយនេះ នឹងក្លាយជាការជាប់គាំងបណ្តោះអាសន្នធ្វើដំណើរជុំវិញភពផែនដី ខណៈអ្នកវិទ្យាសាស្ត្រហៅព្រឹត្តិការណ៍នេះ “mini-moon ឬព្រះច័ន្ទតូច”៕

អត្ថបទដោយ៖ កាន់ ដារ៉ា (ស្មេរពនេចរ) សៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម    https://t.me/BusinessCambodiaBook