កំឡុងវ័យ៣៥ឆ្នាំ ការសម្រេចបានទ្រព្យសម្បិត្តរាប់លានដុល្លារ មិនមែនជារឿងងាយស្រួលនោះទេ។ បើតាមអ្វីដែលលោកDrockធ្លាប់បាន ធ្វើបទម្ភាសន៍របស់លោកជាមួយសារព័ត៌មាន Business Insider បានចុះផ្សាយថា ការដែលអាច ក្លាយជាសេដ្ឋីក្នុងវ័យ៣៥ឆ្នាំនេះដោយសារតែលោកបានទទួលមេរៀន៥យ៉ាងពីម្តាយរបស់លោក ទាក់ទិននឹងក្បួនចាត់ចែងហិរញ្ញវត្ថុ។ លោកDrockក៏បានលើកឡើងថា "ម៉ាក់គឺបុគ្គលដែលមានឥទ្ធិពលផ្នែកហិរញ្ញវត្ថុខ្លាំងបំផុតក្នុងជីវិតលោក"។ ដោយឡែកម្តាយរបស់លោកDrockដែលជាអ្នកជំនួញមួយរូបបានចែករំលែកគន្លឹះសំខាន់ៗ៥យ៉ាងដល់រូបលោកថា៖
១.ខំបង្កើតចំណូលច្រើនច្រក
ម្តាយរបស់គាត់តែងតែធ្វើការងារដោយឯករាជ្យរហូតដល់គាត់មានអាយុ៥០ឆ្នាំ លើជំនួញ ដើម្បីបង្កើនចំណូលអាជីវកម្មគ្រប់ផ្លូវ។
២.វិនិយោគលើអចលនទ្រព្យ
ការប្រើប្រាស់អចលនទ្រព្យក្នុងការបង្កើនចំណូលអកម្មក៏ជាចំណុចមួយដ៏គួរអោយទាក់ទាញក្នុងវិស័យជំនួញ។ ម្តាយរបស់លក់បានបង្រៀនអោយលោកចេះទិញលក់ជួល លើអចលនទ្រព្យតាំងពីឆ្នាំ២០០៩ មកម្ល៉េះ។
៣.វិនិយោគលើផ្សារហ៊ុន
ផ្សារហ៊ុនបានក្លាយជារឿងពេញនិយមរបស់អ្នកជំនួញតូចធំផលចំណេញនៅក្នុងផ្សារហ៊ុនរបស់លោកបានមកពីការទិញភាគហ៊ុនរបស់ក្រុមហ៊ុនធំមួយដែលលោកបានទទួលការណែនាំពីម្តាយរបស់លោកបានធ្វើឱ្យលោកទទួលបានផលចំណេញយ៉ាងច្រើនលើសលប់។
៤.រៀនជំនាញថ្មីៗ
រៀនជំនាញថ្មីៗ តាមអ្វីដែលម្តាយធ្លាប់អនុវត្តន៍ឲ្យខ្លួនបានឃើញថា ម្តាយរបស់លោកតែងតែរៀនអ្វីថ្មីៗជានិច្ច មិនថាជំនាញអ្វីនោះទេគឺតែងតែច្បិចយកបន្តិចៗជានិច្ចនៅលើជំនាញនោះ។
៥.អត់ធ្មត់
មួយនេះពិតជាសំខាន់ណាស់ ព្រោះគ្រប់រឿងរ៉ាវគឺត្រូវការពេលវេលាដើម្បីកសាង អ្នកមិនអាចចង់បានផលពីអ្វីមួយភ្លាមៗនោះទេមិនថាជំនួញក្តីរឿងជីវិតក្តី៕
អត្ថបទដោយ ពីង ជូអេង ( ត្រចៀកកាំ )
