ឱកាសល្អបានមកដល់ទៀតហើយ! សម្រាប់បងប្អូនដែលកំពុងស្វែងរកវគ្គសិក្សាដែលអាចផ្តល់ជំនាញមួយច្បាស់លាស់ រៀនចប់អាចចេញធ្វើការឬ ចេញរកស៊ីបាន ពេលនេះជាតិពហុបច្ចេកទេសអង្គរ - NPIA ដែលស្ថិតនៅក្នុងខេត្តសៀមរាប បានបើកវគ្គបង្រៀនថ្មីសម្រាប់យុវជនមកពីគ្រួសារក្រីក្រ រៀនដោយឥតគិតថ្លៃ លើជំនាញ៩មុខ រៀនចេះអាចរកការងារធ្វើបាន មានចំណូលជួយគ្រួសារ។

ក្នុងនោះមានជំនាញចំនួន៩ ដែលជ្រើសសិស្សឱ្យចូលរៀនប្រមាណជាង២០០០​ នាក់ដូចជា៖

១. សេវាកម្មបរិក្ខារត្រជាក់ក្នុងគេហដ្ឋាន៖​៤៨០នាក់​

២. ការដំឡើងបណ្តេញអគ្គិសនីក្នុងអគារ៖៤៨០នាក់

៣. ការថែទាំនិងជួសជុលរថយន្ត៖៤២០នាក់

៤. ធុរកិច្ចភេសជ្ជៈ៖៣០០នាក់

៥. ការផលិតនំ៖៣០០នាក់

៦. ការងារ កំបោរ៖១៨០នាក់

៧. ការដំឡើងនិងថែទាំកាមេរ៉ាសុវត្ថិភាព៖​១២០នាក់

៨. សេវាកម្មកុំព្យូទ័រ៖​៦០នាក់

៩. ការរចនាកា្រហ្វិកដោយកុំព្យូទ័រ៖៦០នាក់

ចំពោះលក្ខខណ្ឌនៃការសិក្សាវគ្គនេះ យុវជនដែលមកពីគ្រួសារក្រីក្រ (បណ្ណក្រីក្រ ១ , ក្រីក្រី ២ ឬបណ្ណគ្រួសារងាយរងហានិភ័យ ទទួលបានប្រាក់ឧបត្ថម្ភប្រចាំខែចំនួន ២៨០,០០០រៀល/ខែ និងសិក្សាឥតគិតថ្លៃ។ បងប្អូនដែលជាពលករចំណាក់ស្រុក ត្រូវបានផ្ដល់អត្ថិភាព ចុះឈ្មោះចូលរៀនដោយពុំមានបង់ប្រាក់។ ត្រូ​វមានអាយុចាប់ពី ១៥ ឆ្នាំឡើងទៅ និងមានអត្តសញ្ញាណបណ្ណខ្មែរ ឬសំបុត្រកំណើត។

ដូច្នេះសម្រាប់បងប្អូនដែលមានចំណាប់អារម្មណ៍រៀននិងត្រូវការព័ត៌មានលម្អិត សូមទំនាក់ទំនងទៅកាន់លេខ៖ 077 489 398, ០93 403 852, 087 527 876 ឬចូលទៅកាន់គេហទំព័រ ៖ www.npia.edu.kh ដើម្បីស្វែងយល់បន្ថែម៕