ជាឱកាសល្អមួយសម្រាប់សិស្សានុសិស្សដែលកំពុងត្រូវការអាហារូបករណ៍បន្ទាប់ពីប្រឡងចប់បាក់ឌុប មិនថាប្រឡង ជាប់ឬធ្លាក់មធ្យមសិក្សាទុតិយភូមិនោះទេ វិទ្យាស្ថានបច្ចេកទេសឧស្សាហកម្ម កំពុងប្រកាសផ្តល់អាហារូបករណ៍ ដល់សិស្សដែលទើបចប់បាក់ឌុបឆ្នាំ២០២៥នេះ ឱ្យចូលរៀនចំនួន១០៧៤នាក់ ដោយឥតបង់ថ្លៃ លើជំនាញបច្ចេកទេសនិងវិជ្ជាជីវៈ។
សម្រាប់ឆ្នាំសិក្សា២០២៤-២០២៥ នៅវិទ្យាស្ថានបច្ចេកទេសឧស្សាហកម្ម ស្ថានបច្ចេកទេសឧស្សាហកម្ម ត្រូវការជ្រើសរើសសិស្ស-និស្សិតទាំងពីរភេទ ឱ្យចូលរៀនជំនាញបច្ចេកទេស ជាជំនាញមានតម្រូវ ទីផ្សារការងារ និងមានប្រាក់ចំណូលខ្ពស់ ជាពិសេសអាចយកជំនាញទៅបង្កើតរបរដោយខ្លួនឯង។
ចំពោះការប្រឡងនិងទទួលពាក្យគឺចាប់ពីផ្សាយដំណឹងនេះរហូតដល់ថ្ងៃទី០៦ ខែធ្នូ ឆ្នាំ២០២៤ នៅការិយាល័យអប់រំបណ្តុះបណ្តាលឬនៅច្រកចូលខាងមុខ របស់វិទ្យាស្ថាន បច្ចេកទេសឧស្សាហកម្ម ដែលមានទីតាំងស្ថិតតាមរណ្ដោយមហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ (ច្រកចូលខាងកើតរបងវត្តទឹកថ្លា)៕
សូមអានព័ត៌មានលម្អិតសម្រាប់មុខជំនាញតាមកម្រិតនីមួយៗ ដែលមាននៅក្នុងសេចក្តីប្រកាសខាងក្រោមនេះ៖
