ផ្សារកូនកាំ.បិតចុះកិច្ចព្រមព្រៀងនាំសាច់ជ្រូកអត់ក្លិន ឬជ្រូកសរីរាង្គមកលក់លើទីផ្សារ ខណៈមានការព្រួ.យបារម្ភខ្លាំងចំពោះសាច់បង្ក.ក
Srey NuthFEBRUARY 6 2024

“ផ្សារ​កូនកាំបិត” ​បានចុះកិច្ចព្រមព្រៀងជាមួយ​កសិដ្ឋានជ្រូកអត់ក្លិន ដើម្បីនាំយកសាច់ជ្រូកសរីរាង្គ​មក​ផ្គត់ផ្គង់លើទីផ្សារ​​ ក្នុងរាជធានីភ្នំពេញ ស្របពេលដែល​ប្រជាពលរដ្ឋនៅទូទាំង​ប្រទេស​មានកង្វល់កាន់តែខ្លាំងឡើងជុំវិញសាច់បង្កក នាំចូលពីបរទេស ។

 

Photo 2024 02 06 10 38 48 (3)

 

ពិធីចុះកិច្ចព្រមព្រៀង​បានធ្វើឡើង​នៅឯផ្សារ​កូនកាំបិត ​សាខា​បុរីប៉េង​ ហួត បឹង​ស្នោរ រាជធានីភ្នំពេញ រវាង​លោក ឡាង សេងហ៊ង ម្ចាស់ផ្សារ​កូនកាំkបិត និង​លោក វ៉ើយ វណ្ណៈ ម្ចាស់កសិដ្ឋាន​ទំនប់ច្រកកែស នៅស្រុកដងទង់ ខេត្តកំពត ដែលជាអ្នកផ្គត់ផ្គង់ជ្រូកអត់ក្លិន ឬជ្រូកសរីរាង្គ ។

 

Photo 2024 02 06 11 03 14

 

លោក ឡាង សេងហ៊ង មានប្រសាសន៍ថា៖ “ខ្ញុំពិតជា​មានសេចក្ដីរីករាយ ដែលបាននាំសាច់ជ្រូកចិញ្ចឹមតាមស្តង់ដារសរីរាង្គ មានគុណភាពខ្ពស់ និងរសជាតិប្លែក​សម្រាប់​អតិថិជន ។ ទន្ទឹមនឹងនេះប្រព័ន្ធ​នៃ​ការចិញ្ចឹមជ្រូក​អត់ក្លិននេះមានភាពសាមញ្ញ ហើយកសិករអាច​ពឹងផ្អែក​លើខ្លួនឯងស្ទើរតែ ១០០%​ ក្នុងការ​ចិញ្ចឹម ដោយវត្ថុធាតុដើមអាចរកក្នុងស្រុកបាន​ ។ ផ្សារកូនកាំបិត ក៏ដូចជាបងប្អូនអតិថិជនយើង មានមោទនភាពដែលជាចំណែកមួយក្នុងការជួយដល់កសិករខ្មែរយើងទាំងការ​ចិញ្ចឹមសត្វ ការ​ដាំដុះ និងការ​កែច្នៃកសិផល​”។

 

Photo 2024 02 06 10 57 12

 

យោងតាម លោក វ៉ើយ វណ្ណៈ បានឲ្យដឹងថា ជ្រូកអត់ក្លិនជាជ្រូកដែលចិញ្ចឹមបែបធម្មជាតិ​ មិនបង្ក​ឲ្យ​មានក្លិន​មិនល្អនៅជុំវិញ​កសិដ្ឋាន និងការ​ផ្ដល់ចំណីធម្មជាតិ​សុទ្ធសាធ​ ។ លោកបានបន្ថែមថា សាច់ជ្រូក​នេះ​មានខ្លាញ់ស្ដើង សាច់ហាម់ណែន មានពណ៌រាងផ្កាឈូក និង​ មានរសជាតិឆ្ងាញ់ ខុសប្លែកពីជ្រូកដែលផ្ដល់ចំណីពីរោង​ចក្រ ។

 

លោក វ៉ើយ វណ្ណៈ មានប្រសាសន៍ថា៖ “​ការ​ចុះកិច្ចព្រមព្រៀងនៅថ្ងៃនេះ ពិតជា​ឱកាស​ដ៏រំភើប ដែលខ្ញុំ​អាចសម្រេចបាននូវបំណង​នាំ​ជ្រូកធម្មជាតិ មានសុវត្ថិភាព សម្រាប់អ្នកទទួលទាន ។ ខ្ញុំសង្ឃឹមថា ប្រជាពលរដ្ឋ​កម្ពុជានឹង​គាំទ្រ​ចំពោះ​សាច់ជ្រូក​ប្រភេទនេះកាន់តែខ្លាំងឡើង” ។

 

Photo 2024 02 06 11 08 17 (2)

 

លោក វ៉ើយ វណ្ណៈ បានបន្តថា ការ​ចិញ្ចឹម​ជ្រូកអត់ក្លិនចំណាយពេល​យូរជាង​ជ្រូក​ឲ្យចំណីពីរោងចក្រ ដែល​មាន​ផ្ដល់សារជាតិជំរុញការ​លូតលាស់​របស់ជ្រូក ពោលគឺរហូតដល់ទៅជាង ៦ ខែ ទម្រាំជ្រូកអាចឈានដល់ទម្ងន់ ១០០ គីឡូ បើធៀប​នឹង​ជ្រូកប្រើចំណីរោងចក្រដែលចំណាយពេលត្រឹម ៤ ខែ ទៅ ៤ ខែកន្លះប៉ុណ្ណោះ” ។

 

ផ្សារ​កូនកាំបិត បានបើក​ដំណើរការ​ចាប់​ពីឆ្នាំ ២០១៩ ហើយបច្ចុប្បន្ន មាន ៣ សាខា​នៅភ្នំពេញ នៅបុរីប៉េងហួតបឹងស្នោរ នៅផ្សារទួលសង្កែ និង​នៅជិត​វត្តទួលអស់លោក ដែលមានគោលដៅ​ជួយផ្ដល់ទីផ្សារ​កសិផលខ្មែរ និង​ផ្ដល់អាទិភាពខ្ពស់បំផុត​ចំពោះ​ផលិតផល​ក្នុង​ស្រុក ។

 

Photo 2024 02 06 11 12 38

 

លោក ឡាង សេងហ៊ង មានប្រសាសន៍ថា ផ្សារកូនកាំបិត​​ផ្ដោត​សំខាន់បំផុតលើសុវត្ថិភាពចំណីអាហារ​សម្រាប់អ្នកទទួលទាន ដោយតម្រូវឲ្យ​រាល់ផលិតផលទាំងអស់​គោរពតាមស្តង់ដារ​សុវត្ថិភាពចំណីអាហារ​​ និងកសិកម្មល្អ​របស់កម្ពុជា ។

 

លោក​បានបន្តថា​​ផលិតផលបន្លែ សាច់ ផ្លែឈើ គ្រឿងទេស និង​ផលិតផលកែច្នៃ​ នៅផ្សារ​កូនកាំបិត មានប្រមាណ ១០០០ មុខ ហើយ ៩០% ជាផលិតផលក្នុងស្រុក ហើយផលិតផលនាំចូលមានខ្ទង់ប្រមាណ ១០% ប៉ុណ្ណោះ ។

 

Photo 2024 02 06 11 08 17

 

អំពីផ្សារ​កូនកាំបិត

 

ផ្សារ​កូនកាំបិត​ត្រូវបានបង្កើតឡើង​នៅឆ្នាំ ២០១៩ ដោយផ្ដោត​សំខាន់ លើស្តង់ដារ​សុវត្ថិភាពចំណីអាហារ ហើយ​បច្ចុប្បន្ន​មាន ៣ សាខា ក្នុងរាជធានីភ្នំពេញ ។​

 

  • ផ្សារកូនកាំបិតទី ១ (ជិតផ្សារធំទួលសង្កែ) ផ្ទះលេខ ៥៦ ផ្លូវ ០៤ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ។ ទំនាក់ទំនង៖ ០៦៩ ៩០៩ ៥៩៧/ ០៨៥ ៧៧៩ ១៩១។ ផែនទី៖ https://goo.gl/maps/3Tij8cdRdECj1H6p6

 

  • ផ្សារកូនកាំបិតទី ២ (បឹងសាឡាងថ្មី ឫស្សីកែវ) ផ្ទះលេខ ៥១C ផ្លូវ ៩០៧ សង្កាត់ទួលសង្កែ ខណ្ឌឫស្សីកែវ រាធានីភ្នំពេញ។ ទំនាក់ទំនង៖ ០៧០ ៥៣៣ ៨១៣/០៩២ ៩៤១ ៤៦០។ ផែនទី៖ https://goo.gl/maps/gFxZwVVbDxfKcVZy9

 

  • ផ្សារកូនកាំបិតទី ៣ (បុរី ប៉េង ហួតបឹងស្នោ) ។ ផ្ទះលេខ ២៩៣ ផ្លូវប៉ូឡារីស សង្កាត់និរោធ ខណ្ឌច្បារអំពៅ រាធានីភ្នំពេញ។ ទំនាក់ទំនង៖ ០៨៥ ២៥៧ ៦០១/០៩៦ ៣៩៤ ៥៨៥១ ។ ទីតាំង៖ https://maps.app.goo.gl/kGy4z3ktmeLV3GFU9

 

Photo 2024 02 06 11 18 45

 

Photo 2024 02 06 11 19 52

 

Photo 2024 02 06 11 19 40

Srey Nuth

អត្ថបទសរុប៖ 402

អត្ថបទពេញនិយមប្រចាំខែ
អត្ថបទថ្មីៗ
Footer Background
ស្វែងយល់អំពីពួកយើង
sam.businesscambodia@gmail.com
អត្ថបទផ្សេងៗ
ទំនាក់ទំនងមកពួកយើង
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia