“ផ្សារបច្ចេកវិទ្យាខ្មែរ” (Khmer Tech Market) គឺជាថ្នាលប្រមូលផ្ដុំ អ្នកធ្វើការងារឯករាជ្រ ឬ Freelancer ជំនាញៗជាច្រើន ក្នុងការផ្ដល់ដំណោះស្រាយឌីជីថល សម្រាប់អាជីវកម្ម ការបំពេញការងារ និងសកម្មភាពសេដ្ឋកិច្ច-សង្គម។ អ្វីដែលពិសេសនោះគឺ “ផ្សារបច្ចេកវិទ្យាខ្មែរ” (Khmer Tech Market) មានជំនាញប្រមាណជាង ៦០០ សម្រាប់ផ្ដល់ជូនអ្នកដែលមានជំនាញផ្នែកបច្ចេកវិទ្យា វិទ្យាសាស្រ្ត និងវិស្វកម្ម អាចធ្វើការចុះឈ្មោះដើម្បីបង្កើតគណនីជា “អ្នកផ្គត់ផ្គង់” (Provider)។ “អ្នកផ្គត់ផ្គង់” ដែលអាចប្រើប្រាស់ “ផ្សារបច្ចេកវិទ្យាខ្មែរ” មានដូចជា៖ ក្រុមហ៊ុន និង អ្នកធ្វើការឯករាជ្យ (Freelancer) ដែលជានិស្សិត, អ្នកកំពុងបំពេញការងារ, អ្នកគ្មានការងារ។
“ផ្សារបច្ចេកវិទ្យាខ្មែរ” (Khmer Tech Market) មានមុខងារសំខាន់ៗដូចជា៖ មុខងារបង្ហោះសេវាកម្ម និងបង្ហោះការងារ, មុខងារផ្គូផ្គង, មុខងារ Filter, មុខងារ Rating System, មុខងារ Chat និង មុខងារ Notification។ ក្រៅពីមុខងារសំខាន់ៗទាំងអស់នេះ “ផ្សារបច្ចេកវិទ្យាខ្មែរ” (Khmer Tech Market) បានផ្ដល់អត្ថប្រយោជន៍ដល់អ្នកប្រើប្រាស់ជាច្រើនដូចជា៖ មិនមានការបង់ប្រាក់ប្រចាំខែ, មិនមានការបង់ប្រាក់សមាជិកភាព, បង្ហោះសេវាកម្ម និងការងារ ដោយគ្មានដែនកំណត់ និងឥតគិតថ្លៃ និងងាយស្រួលប្រើប្រាស់ ទាំងសម្រាប់អ្នកផ្គត់ផ្គង់ និងអ្នកមានតម្រូវការ។
ជាមួយគ្នានេះ “ផ្សារបច្ចេកវិទ្យាខ្មែរ” (Khmer Tech Market) ត្រូវបានអភិវឌ្ឍន៍ក្នុងគោលបំណងសំខាន់ ២ រួមមាន៖ ទី១. ដើរតួជាថ្នាលឌីជីថលដំបូងគេនៅកម្ពុជា ដែលអនុញ្ញាតឱ្យមានការផ្គូផ្គង រវាងផ្នែកតម្រូវការ និងផ្នែកផ្គត់ផ្គង់ លើសេវាកម្មបច្ចេកវិទ្យា វិទ្យាសាស្រ្ត និងវិស្វកម្ម ដើម្បីផ្ដល់គុណតម្លៃបន្ថែមដល់អ្នកដែលមានទេពកោសល្យក្នុងស្រុក, និងទី២. ដើរតួជាថ្នាលឌីជីថលសម្រាប់ការបង្កើតនូវតម្រូវការថ្មីៗ ដើម្បីផ្ដល់ឱកាសដល់អ្នកជំនាញ និងអ្នកបច្ចេកទេសផ្នែកបច្ចេកវិទ្យា វិទ្យាសាស្រ្ត និងវិស្វកម្ម នៅកម្ពុជា ដែលមានទេពកោសល្យល្អ ក្នុងការផ្សព្វផ្សាយអំពីសេវារបស់ខ្លួន និងងាយស្រួលស្វែងរកទីផ្សារ។
ផ្សារបច្ចេកវិទ្យាខ្មែរ (Khmer Tech Market) នឹងធ្វើការភ្ជាប់ទំនាក់ទំនងរវាងអ្នកផ្គត់ផ្គង់ និងអ្នកមានតម្រូវការលើផ្នែកបច្ចេកវិទ្យា វិទ្យាសាស្រ្ត និងវិស្វកម្ម តាមរយៈគេហទំព័រ និងកម្មវិធីទូរស័ព្ទនៅលើ iOS & Android ដែលមានតំណភ្ជាប់ដូចខាងក្រោម៖
- គេហទំព័រ: khmertechmarket.com
- កម្មវិធីទូរស័ព្ទ Android: https://link.khmertechmarket.com/playstore
- កម្មវិធីទូរស័ព្ទ iOS: https://link.khmertechmarket.com/appstore
បណ្ដាញសង្គម “ផ្សារបច្ចេកវិទ្យាខ្មែរ” (Khmer Tech Market)៖
- Facebook Page: https://www.facebook.com/khmertechmarket
- Instagram: https://www.instagram.com/khmer_tech_market
- YouTube Channel: https://www.youtube.com/@khmertechmarket
- LinkedIn: https://www.linkedin.com/company/khmer-tech-market
- Telegram Channel: https://t.me/khmertechmarket
