មួយរយៈចុងក្រោយនេះ កម្ពុជាបានក្លាយជាទិសដៅនៃការវិនិយោគដ៏សំខាន់មួយរបស់ក្រុមហ៊ុនធំៗនៅក្នុងវិស័យឧស្សាកម្មយានយន្ដ អេឡិចត្រូនិក និងបច្ចេកវិទ្យាឌីជីថលជាដើម។ ជាក់ស្ដែងកន្លងទៅនេះក្រុមហ៊ុនធំៗដូចជា FORD របស់អាមេរិក TOYOTA របស់ជប៉ុន BYD របស់ចិន និងក្រុមហ៊ុនល្បីៗជាច្រើនទៀត បានបណ្ដាក់ទុនសាងសង់រោងចក្រផ្ទាល់នៅកម្ពុជា ដែលបានបង្កើតឱកាសការងារ និងផ្ដល់នូវចំណេះ ជំនាញ ដល់បុគ្គលិកជាជនជាតិខ្មែរជាច្រើននាក់។

យ៉ាងណាមិញថ្មីៗនេះ ក្រុមហ៊ុន SAM SN GROUP របស់អ្នកឧកញ៉ា សំ សុខនឿន បានសហការជាមួយក្រុមហ៊ុន Haitech-Haier Global Business បោះទុនវិនិយោគ បង្កើតរោងចក្រដំឡើង និងផលិតឧបករណ៍អេឡិចត្រូនិកមួយមានឈ្មោះថា KH Haitech ដើម្បីផ្គត់ផ្គង់ផលិតផលថេប្លេត (Tablet) និងកុំព្យូទ័រ នៅក្នុងទីផ្សារប្រទេសកម្ពុជា ព្រមទាំងនាំចេញទៅកាន់ទីផ្សារក្រៅប្រទេសផងដែរ។ គម្រោងវិនិយោគនេះ បង្កើតឡើងក្នុងគោលបំណងធំដើម្បីផ្គត់ផ្គង់ឧបករណ៍ឌីជីថលដែលមានគុណភាព និងតម្លៃសមរម្យ ដើម្បីគាំទ្រដល់វិស័យអប់រំ ការអភិវឌ្ឍធនធានមនុស្ស និងបរិវត្តកម្មឌីជីថលនៅកម្ពុជា។

រោងចក្រដំឡើង និង ផលិតឧបករណ៍អេឡិចត្រូនិកនេះ គឺមានទីតាំងស្ថិតនៅខណ្ឌជ្រោយចង្វារ រាជធានីភ្នំពេញ មានទុនវិនិយោគសរុបប្រមាណ ១០០ លានដុល្លារ។ ហើយនៅពេលបើកដំណើរការ ក៏នឹងបង្កើតឱកាសការងារជាច្រើនកន្លែង ជូនប្រជាជនកម្ពុជាផងដែរ។

តាមការការបញ្ជាក់របស់អ្នកឧកញ៉ា សំ សុខនឿន មកកាន់ Business Cambodia បានឲ្យដឹងថា គម្រោងរោងចក្រ KH Haitech ខាងលើនេះ គឺមានអគាររោងចក្រធំៗចំនួន ៤ ។ ដោយក្នុងនោះមានអគារោងចក្រដំឡើង និងផលិត Tablet ចំនួន ១, អគាររោងចក្រដំឡើង និងផលិតកុំព្យូទ័រយូរដៃ (Laptop) ចំនួន ១, អគាររោងចក្រដំឡើង និងផលិតកុំព្យូទ័រលើតុ (Desktop) ចំនួន ១ និងអគាររោងចក្រសម្រាប់ ស្ដុកទំនិញ និងបណ្ដុះបណ្ដាលបុគ្គលិក ចំនួន ១។ ខណៈអគាររោងចក្រនីមួយៗ មានតម្លៃចន្លោះពី ១០ លានដុល្លារ ទៅ ២៥ លានដុល្លារ។ 

អ្នកឧកញ៉ាបន្ដថា គម្រោងរោងចក្រដំឡើង និងផលិតឧបករណ៍អេឡិចត្រូនិកនេះ បច្ចុប្បន្នកំពុងដំណើរការចាក់ដី ដើម្បីបុកគ្រឹះសាងសង់ ហើយគម្រោងនេះក៏គ្រោងបញ្ចប់ការសាងសង់ និងបើកដំណើរការយ៉ាងយូរនៅពាក់កណ្ដាលឆ្នាំ ២០២៨ ខាងមុខ។ នៅពេលបើកដំណើរការ រោងចក្រ KH Haitech ក៏នឹងបង្កើតឱកាសការងារបានចំនួន ៨៨០ កន្លែងឯណោះ។ ជាក់ស្ដែងក្នុង ១ រោងចក្រគឺមានខ្សែច្រវាក់ផលិតកម្ម (Production line) ចំនួន ៤ ខណៈខ្សែច្រវាក់ផលិតកម្មនីមួយៗត្រូវការបុគ្គលិកចំនួន ២២០ នាក់។

អ្នកកឧកញ៉ា សំ សុខនឿន បានគូសបញ្ជាក់បន្ថែមថា ការបង្កើតរោងចក្រ ដំឡើង និងផលិត Tablet, Laptop និង Desktop នេះ មិនមែនផលិតឡើង សម្រាប់តែផ្គត់ផ្គង់តែនៅក្នុងទីផ្សារប្រទេសកម្ពុជានោះទេ ប៉ុន្ដែក្រុមហ៊ុននឹងនាំចេញ ទៅកាន់ទីផ្សារនៃប្រទេសក្នុងតំបន់អាស៊ាន ទាំងអស់ផងដែរ។ 

ទាក់ទងដំណើរការដំឡើង និងឈានដល់ការផលិតផ្ទាល់នៅកម្ពុជា រោងចក្រ KH Haitech គឺមានសមត្ថភាពផលិតបានចំនួន ៧៥ ០០០ គ្រឿងសម្រាប់ឆ្នាំទី ១ និង ១ លានគ្រឿង សម្រាប់ឆ្នាំទី ២ ឡើងទៅ ដើម្បីផ្គត់ផ្គង់តម្រូវការទីផ្សារ។ ខណៈផលិតផលទាំងអស់នឹងដាក់លក់នៅក្នុងតម្លៃចាប់ពី ១៥៥ ដុលារ ទៅដល់ ៦៥០ ដុល្លារ។ សម្រាប់ព័ត៌មានបន្ថែមសូមទាក់ទងទៅកាន់លេខទូរស័ព្ទ៖ 076 35 38 902 (English) / 076 35 62 331 (ភាសាខ្មែរ) Email : info@khhaitech.com.kh ឬហ្វេសប៊ុកផេក KH Haitech Co., Ltd ។ 

ជាមួយគ្នានេះដែរ យើងសូមនាំប្រិយមិត្ដមកដឹងពីចំណុចពិសេសៗមួយចំនួននៃ Tablet និងកុំព្យូទ័ របស់ក្រុមហ៊ុន KH Haitech ដែលនឹងត្រូវដំឡើង និងផលិតនៅកម្ពុជា ខាងមពេលខាងមុខ។

១. ថេប្លេត KH Haitech ម៉ូឌែល T16-A ៖  ដំណើរការដោយ កម្មវិធី Android 16 មានអេក្រង់ 10.95 អ៊ិញ RAM 8 GB ទំហំផ្ទុក 128 GB  និងមានថ្ម 700 mAh។ កាមេរ៉ា មុខក្រោយទំហំ 5.0 MP/13.0 MP ហើយអាចប្រើបានស៊ីមពីរ Call ដូចទូរស័ព្ទដៃក៏បាន ប្រើ Internet ក៏បាន ភ្ជាប់ WiFi ក៏បាន ប្រើ Bluetooth ក៏បាន។

ពិសេសជាងនេះទៅទៀត ថេប្លេត KH Haitech អាចប្រើប្រាស់ កម្មវិធី Words Excels Power Point និងកម្មវិធីផ្សេងទៀត ដូចនិងកុំព្យូទ័របាន។ ថេប្លេត KH ម៉ូឌែល T16-A ប្រភេទនេះពិតជាល្អសាកសមសម្រាប់សិស្ស និងនិស្សិតសាកលវិទ្យាល័យ សម្រួលដល់ការសិក្សា និងថាមពលថ្មផ្ទុកបានធំ ប្រើបានពេញមួយថ្ងៃ ។

២. ថេប្លេត KH Haitech ម៉ូឌែល T17-A៖ មាន RAM 8GB  តែទំហំផ្ទុកធំរហូតដល់ 256GB ទៅ 512GB ឯណោះ។ ដំណើរការដោយ កម្មវិធី Android 16 មានអេក្រង់ធំរហូតដល់ 11.97 អ៊ិញ ចំណែកថ្មមានទំហំផ្ទុកបានធំរហូតដល់ 8000 mAh ។ កម្រិត Camera មុខក្រោយ 8.0 MP/13.0 MP ជាពិសេសអាចប្រើបានស៊ីមពីរ Call បានដូចទូរស័ព្ទដៃក៏បាន ប្រើ Internet ក៏បាន ភ្ជាប់ WiFi ក៏បាន ប្រើ Bluetooth ក៏បាន។

លើសពីនេះទៅទៀត អាចប្រើប្រាស់ កម្មវិធី Words Excels Power Point និងកម្មវិធីផ្សេងទៀត ដូចកុំព្យូទ័របានទៀតផង។ ថេប្លេតពហុមុខងារបែបនេះ គឺ ថេប្លេត KH ម៉ូឌែល T17-A របស់ក្រុមហ៊ុន KH Haitech-Haier Global Business ។ ថេប្លេត KH ម៉ូឌែល T17-A ប្រភេទនេះពិតជាល្អសាកសមសម្រាប់និស្សិត ឬអ្នកបំពេញការងារការិយាល័យ ឬអ្នកជំនាញតែម្តង និងថាមពលថ្មផ្ទុកបានធំ ប្រើបានពេញមួយថ្ងៃ ។

៣. កុំព្យ័ទ័រយូរដៃ (K Haitech Laptop)៖ ត្រូវបានរចនាឡើងយ៉ាងយកចិត្តទុកដាក់បំផុតដើម្បីជួយជម្រុញសក្ដានុពលការងារឱ្យដល់កម្រិតអតិបរមា ដោយរួមបញ្ចូលគ្នានូវប្រព័ន្ធដំណើរការដែលមានសមត្ថភាពខ្ពស់ដើម្បីចូលរួមចំណែកជម្រុញការផ្លាស់ប្តូរផ្នែកប្រព័ន្ធឌីជីថលនៅក្នុងប្រទេសកម្ពុជា។  KH Laptop មានប្រព័ន្ធដំណើរការមានសមត្ថភាពខ្ពស់ រូបរាងស្រាល ស្អាត និងមានភាពទាន់សម័យ។ មានប្រព័ន្ធសុវត្ថិភាពខ្ពស់ដែលលោកអ្នកអាចទុកចិត្តបាន និងមានកម្លាំងថ្មប្រើប្រាស់បានយូរ ងាយស្រួលយកតាមខ្លួន។

៤. កុំព្យូទ័រលើតុ (K Haitech Desktop)៖ ត្រូវបានរចនានិងបង្កើតឡើងដើម្បីផ្តល់នូវប្រសិទ្ធភាពខ្ពស់សមស្របទៅនិងទម្រង់ការងារប្រចាំថ្ងៃរបស់លោកអ្នក។ មិនថាលោកអ្នកកំពុងគ្រប់គ្រងអាជីវកម្ម រៀបចំកន្លែងធ្វើការនៅផ្ទះ ឬផ្តោតលើការសិក្សាឌីជីថលនោះទេ កុំព្យូទ័រ K Haitech គឺជាដៃគូរដ៏ល្អបំផុតក្នុងការដោះស្រាយបច្ចេកវិទ្យារបស់លោកអ្នក។ កុំព្យូទ័រលើតុ K Hitech សាកសមសម្រាប់ការប្រើប្រាស់ តាមស្ថាប័នរដ្ឋ ការិយាល័យ សហគ្រាស ក្រុមហ៊ុន និងអាជីវកម្មបង្កើតថ្មីជាដើម៕