រាជធានីភ្នំពេញ ៖ ភោជនីយដ្ឋានដ៏ល្បីឈ្មោះមួយគឺ ភោជនីយដ្ឋាន Kanpai បានសម្ពោធបើកដំណើរការជាផ្លូវការនៅសាខាទី២របស់ខ្លួននៅរាជធានីភ្នំពេញ ដែលមានទីតាំងនៅក្នុងសណ្ឋាគារ ហូលីដេយ៍ (Holiday Hotel ) កាលពីថ្ងៃទី ០៦ ធ្នូ ២០២៥ ។
ការបើកដំណើរការជាផ្លូវការសាខាទី២នេះ ធ្វើឡើងបន្ទាប់ពី សាខាទី១របស់ភោជនីយដ្ឋាន Kanpaiសាខាទី ១នៅ តំបន់បឹងកេងកង ទទួលបានជោគជ័យយ៉ាងត្រចះត្រចង់ និងមានការគាំទ្រយ៉ាងច្រើនពីសំណាក់ប្រជាពលរដ្ឋនៅកម្ពុជា ។
យោងតាមសេចក្ដីប្រកាសព័ត៌មានរបស់ភោជនីយដ្ឋាន Kanpai បានឱ្យដឹងថា ការបើកសម្ពោធសាខាថ្មីនេះ នឹងនាំមកនូវបទពិសោធន៍ថ្មី រសជាតិដើម ដែលត្រូវបានកែលម្អថ្មីទាំងស្រុង ក្នុងសាខាថ្មីនេះ ដោយនៅតែរក្សាអត្តសញ្ញាណដ៏ពិសេសរបស់ខ្លួន ផ្ដល់ជូននូវស្រាបៀរ Craft Beer ដ៏ល្បីល្បាញ ព្រមទាំងមុខម្ហូប BBQ ម្ហូបចិន និងម្ហូបតៃចិនរសជាតិដើម ។ អ្វីដែលកាន់តែពិសេសនោះ សាខាថ្មីនេះក៏មានបំពាក់នូវ បន្ទប់ខារ៉ាអូខេ ឯកជន ដោយឥតគីតថ្លៃ ដែលស័ក្តិសមបំផុតសម្រាប់ការជួបជុំមិត្តភក្ដិ ក្រុមគ្រួសារ ឬការពិភាក្សាការងារក្នុងបរិយាកាសរីករាយ ។
ដើម្បីអបអរសាទរនូវការបើកសម្ពោធសាខាទី២នៃភោជនីយដ្ឋាន Kanpai អតិថិជននឹងទទួលបានការពិសាស្រាបៀរដោយឥគិតថ្លៃ ដោយគ្រាន់តែបង្ហាញបណ្ណផ្សព្វផ្សាយ ( Flyer ) នឹងទទួលបានស្រាបៀរ Craft មួយកែវ ។
គួរបញ្ជាក់ថា Kanpai Kanpai @Holiday គឺជាសាខាទី២ ដែលបើកបន្តពីភាពជោគជ័យនៃសាខាទី១ ដែលមានទីតាំងនៅតំបន់ បឹងកេងកង (BKKបើត ផ្លូវ ៣៥២)។ សាខាទី១ ទទួលបានការគាំទ្រយ៉ាងខ្លាំងពីសំណាក់អតិថិជនចំពោះរសជាតិស្រាបៀរផលិតដោយផ្ទាល់ និងម្ហូបតៃវ៉ាន់ដ៏ឈ្ងុយឆ្ងាញ់។ ការពង្រីកសាខាថ្មីនេះ បង្ហាញពីការប្តេជ្ញាចិត្តរបស់ Kanpai ក្នុងការនាំយកនូវរសជាតិ និងសេវាកម្មដ៏ល្អឥតខ្ចោះជូនដល់អតិថិជនកាន់តែទូលំទូលាយ។
សម្រាប់អតិថិជនដែលចង់អញ្ជើញមកកាន់ភោជនីយដ្ឋាន Kanpai សាខាទី២ អាចស្វែងរកព័ត៌មានលម្អិត
• ទីតាំង៖ https://maps.app.goo.gl/G9ct1mBqc4heMfCDA
• ម៉ោងបើកដំណើរការ៖ ១៤:០០ រសៀល – ០១:០០ រំលងអាធ្រាត្រ
• កាលបរិច្ឆេទបើកសម្ពោធ៖ ថ្ងៃទី ០៦ ខែធ្នូ ឆ្នាំ ២០២៥
• លេខទូរស័ព្ទកក់កន្លែង៖ ០១៦ ៥៣៨ ៩៩៩
