ចាប់ពីពេលនេះតទៅ សម្រាប់អ្នកប្រើ iPhone និង iPad ម៉ូឌែលចាស់ៗដែល Apple បានចាត់ទុកជាវត្ថុ បុរាណប្រហែលជាមិនអាចបើក App Facebook និង Youtube បានទៀតនោះទេព្រោះតែ ទូរស័ព្ទទាំងនេះគឺមិនអាចតម្លើង iOS បានទៀត។ នៅខាងក្រោមនេះជាទូរស័ព្ទ iPhone និង iPad ម៉ូឌែល ដែលមិនអាចបើកបាន៖

·       iPad ដែលមិនអាចបើក App Youtube

សម្រាប់ iPad ដែលមិនអាចបើក យូធូប បានវិញមានម៉ូឌែល Air 2 និង iPad mini 44 ទោះជាអ្នកប្រើប្រាស់មិនអាចទាញយកកម្មវិធីបានទៀតក្តី តែអ្នកប្រើទូរស័ព្ទដៃឬ iPad ម៉ូឌែល ចាស់ៗទាំងនេះ អាចចូលប្រើ YouTube តាមរយៈវេបសាយ m.youtube.com លើ Browse ប៉ុន្តែអ្នកប្រើប្រាស់មិនអាចទទួលបានបទពិសោធន៍នៃការអាប់ឌែតមុខងារថ្មីៗ ដែលមាន ដូចនៅលើយូធូបធម្មតាឡើយ។

·       iPhone ដែលមិនអាចបើក App Youtube

យោងតាមការចុះផ្សាយរបស់វេបសាយ MacRumor បានឲ្យដឹងថាទូរស័ព្ទiPhone ស៊េរីចាស់ៗ ដែលនឹងមិនអាចបើកដំណើរការ App Youtube សម្រាប់ Version ថ្មីនេះមានដូចជា iPhone 6s, iPhone 6 Plus, iPhone 7, iPhone 7 Plus, iPhone SE ជំនាន់ទីមួយ ហើយiPhone ស៊េរីចាស់ៗក្រោមiPhone 6 រឹតតែមិនអាចដំណើរApp យូធូបបានឡើយ។ គួរបញ្ជាក់ផងដែរថាiPhone ចាស់ៗដែលបានរៀបរាប់ខាងទោះជាមិនអាចបើកដំណើរការ App YouTube តទៅទៀតលែងបានពិតមែនប៉ុន្តែអ្នកប្រើប្រាស់អាចបើក YouTube តាមBrowser ដោយចូលទៅកាន់m.youtube.com។

·       iPhone ដែលមិនអាចបើក App Facebook

ជាមួយគ្នានោះដែរ យោងតាមគេហទំព័រ MacRumor បានឲ្យដឹងថាទូរស័ព្ទម៉ូឌែលចាស់ៗចំនួន៣ ដែលមានដូចជា៖ iPhone 5s, iPhone 6, iPhone 6 Plus គឺអាចនឹងលែងមានវាសនា បានបើក App Facebook មើលបានទៀតនោះទេ។ ដោយនៅក្នុងនោះសម្រាប់ iPhone 6 Plus គឺអាចមើលបានតិចតួចប៉ុន្តែដំណើរការគឺយឺតណាស់។

យ៉ាងណាមិញ សម្រាប់ទូរស័ព្ទ iPhone ដែលអាចបើកហ្វេសប៊ុកមើលបានគឺសម្រាប់តែ iOS 15 ឡើងតែប៉ុណ្ណោះចំពោះ iOS ដែលក្រោមនឹងគឺមិនបើក App Facebook ទៀតទេនោះទេ។

សូមរំលឹកផងដែរថា សម្រាប់ស៊េរី iPhone 11 Pro Max ចុះក្រោមទៅគឺ ក្រុមហ៊ុន Apple បានចាត់ទុកជាវត្ថុបុរាណហើយ៕