បន្ទាប់ពីបានបើកដំណើរការស្កេនក្រយៅដៃ និងស្គេនមុខរួចមក ពេលនេះក្រុមហ៊ុនបច្ចេកវិទ្យា Apple គ្រោងនឹងផ្តល់ជូននូវការស្កេនពេញមួយតួររាងកាយបន្ថែមមួយទៀត ដើម្បីពិនិត្យសុខភាពអ្នកប្រើប្រាស់របស់ខ្លួន។ នេះបើតាមការចុះផ្សាយលើគេហទំព័រ Apple កាលពីពេលថ្មីៗនេះ។
Apple បានលើកឡើងថា "សម្រាប់ Body ID ទិន្នន័យរូបភាពអាចត្រូវបានថតដោយការស្កែនរាងកាយពីក្បាលដល់ជើង" ដោយចាប់យកតួទាំងមូលនៅក្នុងស៊ុមរូបភាពតែមួយ ឬដោយការចាប់យកស៊ុមរូបភាពជាច្រើននៃផ្នែកផ្សេងៗនៃរាងកាយដូចជា មុខ ក ចង្កេះ ជើង។ល។ ក្នុងគោលបំណងតាមដានកាយសម្បទា និងសុខភាពរបស់អ្នកប្រើប្រាស់។
ដោយមុខងារមួយនេះ មានតួរនាទីពិសេសដើម្បីអាចជួយត្រួតពិនិត្យដឹងពី ភាគរយខ្លាញ់ក្នុងខ្លួន និងការលូតលាស់របស់សាច់ដុំផងដែរ។ ប្រសិនបើក្នុងករណី រូបរាងកាយរបស់អ្នកមានបញ្ហាខុសប្លែកត្រង់កន្លែងណាមួយ វានឹងអនុញ្ញាតឱ្យអ្នកចូលប្រើឧបករណ៍មួយចំនួន ឬអនុញ្ញាតឱ្យទូរសព្ទរបស់អ្នកប្រាប់អ្នក ថាតើអ្នកគួរបារម្ភអំពីសុខភាពរបស់អ្នកឬអត់ទេ។
គួរកត់សំគាល់ផងដែរថា បន្ថែមពីលើការត្រួតពិនិត្យជាតិខ្លាញ់ និងសាច់ដុំតាមរយៈទូរសព្ទដៃ ឥឡូវនេះក្រុមហ៊ុនកំពុងខិតជិតស្វែងរកការធ្វើតេស្តជាតិស្ករដែលមិនប៉ះពាល់ដល់អ្នកជំងឺទឹកនោមផ្អែមបន្ថែមទៀតទោះលើ Apple Watch Apple របស់ខ្លួន៕
