iPhone 15 នឹងដាក់លក់នៅប្រទេសវៀតណាមចាប់ពីថ្ងៃទី ២៩ ខែកញ្ញា ឆ្នាំ ២០២៣ ជាមួយនឹងម៉ូដែលតម្លៃខ្ពស់បំផុតគឺ ៤៦.៩ លានដុង (១,៩៥០ ដុល្លារ) ដែលនឹងដាក់លក់នៅតាមហាងនានាក្នុង Apple Store Online ។ នេះបើតាមការចុះផ្សាយរបស់ VNEXPRESS ថ្មីៗនេះ។
ទូរសព្ទដៃ iPhone 15, 15 Plus, 15 Pro, និង 15 Pro Max នៅក្នុងប្រទេសវៀតណាមមានតម្លៃចាប់ពី ២២.៩៩ លានដុងប្រមាណជា ៩៥០ដុល្លារ (មានអង្គផ្ទុកទិន្នន័យ 128 GB) ដល់ ៤៦.៩៩ លានដុង (Pro Max, 1 TB) ខណៈអ្នកទិញ Apple Store Online អាចបញ្ជាទិញជាមុនបានត្រឹមតែពីរគ្រឿងប៉ុណ្ណោះក្នុងមួយម៉ូដែល។ ទន្ទឹមនឹងនេះដែរ ការបញ្ជាទិញជាមុនចាប់ផ្តើមនៅថ្ងៃទី ២២ ខែកញ្ញា ប៉ុន្តែដោយសារការដឹកជញ្ជូនមានបញ្ហាយឺតយ៉ាវ ត្រូវលើកទៅថ្ងៃទី ២៩ ខែកញ្ញាវិញ។
គួរជម្រាបផងដែរថា ការបញ្ជាទិញជាមុនចាប់ផ្តើមនៅថ្ងៃទី ២២ ខែកញ្ញា ហើយការដឹកជញ្ជូនលើកដំបូងនឹងធ្វើឡើងនៅថ្ងៃទី ២៩ ខែកញ្ញា៕