យោងតាមការចុះផ្សាយរបស់ Forbes បានឱ្យដឹងថា បច្ចុប្បន្ននេះមានការបោកប្រាស់លើបច្ចេកវិទ្យាប្រភេទថ្មីមួយ ដែលវាយប្រហារអ្នកប្រើប្រាស់បណ្ដាញសង្គមទំនាក់ទំនងនៅជុំវិញពិភពលោក ជាពិសេសគឺនៅលើ Gmail និង app ពេញនិយមផ្សេងទៀត។
ការវាយប្រហារនោះ ត្រូវបានលេចរូបរៀងឡើងជាទម្រង់រូបភាព ឬ ជាលីងចូលទៅកាន់ហ្វាស់រូបភាព ដែលមានភ្ជាប់ជាមួយនឹងហ្វាល់ SVG (Scalable Vector Graphics) ដែលជាប្រភេទរូបភាពអាចផ្ទុក នូវបញ្ហាដែលបង្កប់ដោយជនអនាមិក។
SVG ជាប្រភេទឯកសារ ឧទាហរណ៍ដូចជា image.svg វាជាហ្វាល់រូបភាព តែមិនធម្មតាឡើយ ព្រោះវាអាចផ្ទុកនូវ Web Page ដែលមានន័យថា បើសិនជាយើងចុចលើរូបភាពនោះ វានឹងនាំយើងទៅកាន់គេហទំព័រមួយផ្សេងទៀតដែលអាចផ្ទុកនូវមេរោគ។
រូបភាពដែលគេប្រើសម្រាប់ល្បួងអ្នកប្រើប្រាស់ឱ្យចុច អាចជា ឡូហ្កូ , រូបភាពផ្សព្វផ្សាយពីការចាប់រង្វាន់ ឬរូបភាពផ្សេងៗ ដែលមានខ្លឹមសារបង្ហាញអំពីការចំណេញ ឬធ្វើឱ្យរំភើប ដើម្បីឱ្យអ្នកមើលចុចចូលទៅ និងនាំទៅកាន់គេហទំព័រងងឹត។
គួរជម្រាបផងដែរថា សូមកុំចុចលើរូបភាពណាមួយ បើអ្នកមិនស្គាល់ប្រភពនៃសារដែលផ្ញើមកកាន់អ្នកច្បាស់ ព្រោះការចុចតែមួយឃ្លីកវាអាចនឹងនាំអ្នកទៅកាន់គេហទំព័រមិនល្អ អាចឱ្យពួក ហេកឃ័រ មានឱកាសចូលគ្រប់គ្រងឧបករណ៍ និងពត៌មានរបស់អ្នក។ ហើយសូមចាំផងថា ហ្វាល់រូបភាព ដែលត្រឹមត្រូវ និងត្រូវប្រើជាទូទៅគឺ .jpg , .png និង .gif។
ឧទាហរណ៍ រូបភាពដូចក្នុង email ខាងក្រោម៖
