គិតចាប់ពីថ្ងៃទី ០៦ ខែវិច្ឆិកា ឆ្នាំ២០២៣ រហូតមកដល់ថ្ងៃនេះ មានរយៈពេល ១ខែ ក្រុមហ៊ុនបុរី ពិភពថ្មី បានទិញផ្ទះពីអតិថិជនវិញ រហូតដល់ ៣ ៥៧១ ផ្ទះ និង បានចំណាយទឹកប្រាក់អស់ចំនួន ៣៨ ៤៥០ ០០ ដុល្លារ (សាមសិបប្រាំប៊ីលានសែសិបប្រាំម៉ឺន ដុល្លារ)។ នេះបើយោងតាមប្រកាសរបស់ក្រុមហ៊ុន និងបានចេញផ្សាយដោយអ្នកឧកញ៉ា ហុង ពីវ នៅថ្ងៃទី១៩ ខែឧសភា ឆ្នាំ២០២៥។

នៅក្នុងសេចក្ដីប្រកាសដដែលនេះក៏បានបញ្ជាក់ដែរថា ដោយសារស្ថានភាពសេដ្ឋកិច្ចជាសកលពុំទាន់ល្អនៅឡើយ ធ្វើអោយក្រុមហ៊ុនពុំមានលទ្ធភាពបន្តទៀតទេ ដូចនេះក្រុមហ៊ុនសម្រេចកែប្រែលក្ខខណ្ឌដូចខាងក្រោម៖

១-កិច្ចសន្យាទិញលក់ផ្ទះ មានលក្ខខណ្ឌទទួលទិញវិញ

ក្រុមហ៊ុនទទួលទិញផ្ទះវិញ ទៅតាមលក្ខខណ្ឌដែលបានចែងក្នុងកិច្ចសន្យា និងត្រូវទូទាត់ជាក់ស្តែងជាមួយ ប្រាក់ជំពាក់បង់ប្រចាំខែ ។

២-កិច្ចសន្យាទិញលក់ផ្ទះ គ្មានលក្ខខណ្ឌទទួលទិញវិញ

ក្រុមហ៊ុនទទួលទិញវិញ តែប្រាក់ដើម បូកបន្ថែមជាមួយ ប្រាក់បានកក់ និង ប្រាក់បានសងដើម ទូទាត់ជាក់ស្តែង ជាមួយប្រាក់ជំពាក់បង់ប្រចាំខែ ប្រាក់នៅសល់ក្រោយទូទាត់ មិនអាចលើសពី ៧ ០០០ ដុល្លារ (ប្រាំពីរពាន់ ដុល្លារ) ។ ករណីប្រាក់នៅសល់ក្រោយទូទាត់លើសពី ៧ ០០០ ដុល្លារ ក្រុមហ៊ុនទទួលទិញវិញ ត្រឹម ៧ ០០០ ដុល្លារ។

តាមការបញ្ជាក់លក្ខខណ្ឌនេះគឺ សម្រាប់តែអតិថិជនកំពុងបង់រំលស់មានផ្ទះតែមួយ និងបានទិញមុនថ្ងៃទី០៦ ខែវិច្ឆិកា ឆ្នាំ២០២៣៕