ឪពុកម្តាយជាគ្រូទី១ រីឯសាលារៀនជាថ្នាលបណ្តុះបណ្តាលទី២ សម្រាប់កុលបុត្រកុលធីតាគ្រប់រូបក្នុងការកសាងអនាគតដ៏រុងរឿង។ ដោយមើលឃើញពីសារៈសំខាន់នេះ សាលាអន្តរជាតិគ្រីនហ្វៀល (Greenfield International School) បានបង្កើតសិក្ខាសាលាមួយស្តីអំពី «ស្វែងយល់អំពីអាថ៌កំបាំងចិញ្ចឹមកូនៗ ប្រកបដោយទំនុកចិត្ត និងរីករាយ!» ក្រោមប្រធានបទ “គ្រួសារមានសុភមង្គល និងជោគជ័យ” នៅវេលាម៉ោង ៩:០០ព្រឹក ថ្ងៃទី ០៨ ខែ វិច្ចិកា ឆ្នាំ ២០២៥។

សិក្ខាសាលាខាងលើប្រព្រឹត្តឡើងក្រោមអធិបតេយ្យភាពរបស់លោក លី ចាន់ណារិទ្ធ ដែលជានាយកប្រតិបត្តិនៃ សាលាអន្តរជាតិគ្រីនហ្វៀល (Greenfield International School) និងវាគ្មិនកិត្តិយសលោកស្រី Karen Robinson ដែលជាគ្រូបណ្តុះបណ្តាល និងជាអ្នកផ្តល់យុទ្ធសាស្ត្រអាជីវកម្មអន្តរជាតិ រួមទាំងមាតាបិតា និងអាណាព្យាបាល របស់សិស្សានុសិស្សទាំងអស់។

ឆ្លៀតក្នុងឱកាសនោះ លោក លី ចាន់ណារិទ្ធ បានលើកឡើងយ៉ាងដូច្នេះថា៖ «ជាទូទៅនៅពេលដែលមនុស្សគ្រប់រូបនិយាយអំពីធនធានមនុស្ស គឺផ្តោតទៅលើតែក្នុងសាលាមួយមុខគត់។ គាត់គិតថា ការអប់រំគឺចាប់ផ្តើមពីក្នុងសាលាទៅ។ ពេលដែលដាក់កូននៅក្នុងសាលាគឺ ដឹងតែចេះ ដឹងតែជោគជ័យ ដឹងតែកូនក្លាយជាធនធានដ៏ល្អហើយ»។ លោកបានបន្តទៀតថា «ប៉ុន្តែតាមពិត ប្រសិនបើយើងមើលឲ្យបានធំទៅដល់ការវិវត្តន៍អំពីកុមារវិញ ការណ៍ដែលយើងត្រៀមចង់បានធនធានដ៏ល្អសម្រាប់ក្រុមគ្រួសាររបស់យើង សម្រាប់សង្គមជាតិរបស់យើង សម្រាប់ពិភពលោករបស់យើង គឺផ្តើមចេញតាំងពីផែនការក្នុងការយកកូនមកម្ល៉េះ»។

ជាមួយគ្នានេះ លោកស្រី Karen Robinson បានធ្វើការចែករំលែកអំពីអាថ៌កំបាំងចិញ្ចឹមកូនៗប្រកបដោយទំនុកចិត្ត និងរីករាយ ដោយផ្តោតទៅលើគន្លឹះសំខាន់ៗដូចជា៖

·      -ថាតើពាក្យសម្ដីអាចមានឥទ្ធិពលដល់ភាពជឿជាក់ និងអាកប្បកិរិយារបស់កូនៗដូចម្តេចខ្លះ

·     - របៀបគាំទ្រគ្នាទៅវិញទៅមក និងបង្កើតភាពចុះសម្រុងក្នុងគ្រួសារ

·      -វិធីសាស្រ្ត ១០ យ៉ាង ដើម្បីចិញ្ចឹមកូនឲ្យមានភាពសប្បាយរីករាយ ជោគជ័យ និងមានសីលធម៌ល្អ

·      -វិធីបង្កើតបរិយាកាសគ្រួសារឲ្យកាន់តែមានសេចក្តីសុខ សុភមង្គល និងមានគោលដៅ

·      -វិធីដឹកនាំគ្រួសារដោយក្ដីស្រឡាញ់ ជាជាងការដាក់សម្ពាធ។

គួរជម្រាបផងដែរថា សាលាអន្តរជាតិគ្រីនហ្វៀល (Greenfield International School) មានផ្តល់ជូនកម្មវិធីសិក្សាចំនួន ៣ ភាសា រួមមានដូចជា ភាសាខ្មែរ អង់គ្លេស និងភាសាចិន។ ចំពោះកម្មវិធីសិក្សាជាតិស្របតាមក្រសួងអបរំ ខណៈកម្មវិធីសិក្សាអន្តរជាតិមានការទទួលស្គាល់ដោយ Cambridge (ខេមប្រ៊ីជ) ផ្ទាល់តែម្តង និងបើកទទួលសិស្សានុសិស្សចាប់ពីអាយុ ២ឆ្នាំឡើងទៅ។

បច្ចុប្បន្នសាលាអន្តរជាតិគ្រីនហ្វៀល (Greenfield International School) ពង្រីកខ្លួន ២ បានទីតាំងមកហើយ ទីតាំងទី១ នៅសាខាឫស្សីកែវ និងទីតាំងទី ២ នៅសាខាមានជ័យ។ អ្វីដែលកាន់តែពិសេស ប្រសិនបើលោក លោកស្រី ចុះឈ្មោះចូលរៀនឲ្យកូនៗឥឡូវនេះនឹងទទួលបានការបញ្ចុះតម្លៃពិសេសរហូតដល់ ២៥% រយៈពេល ៥ឆ្នាំពេញ និងបញ្ចុះតម្លៃ ១៥% រហូតដល់ថ្នាក់ទី ១២។

សម្រាប់ព័ត៌មានលម្អិតអំពីការចុះឈ្មោះចូលរៀន

សាខាឫស្សីកែវ៖ ០៨៩ ៧៧៧ ១៣៨ / ០៩៨ ៧៧៧ ១៣៨ / ០៦៨ ៧៧៧ ១៣៨

សាខាមានជ័យ៖ ០៩៩ ៧៧៧ ១៣៨ / ០៨៧ ៧៧៧ ១៣៨ / ០៦៦ ៧៧៧ ១៣៨៕