កាលពីព្រឹកមិញនេះ សម្តេចមហាបវរធិបតី ហ៊ុន ម៉ាណែត បានផ្តល់កិត្តិយសដ៏មហាខ្ពង់ខ្ពស់បំផុត ពិសារអាហារពេលព្រឹកពិភាក្សាលើវិស័យផលិតជីសរីរាង្គ(ជីធម្មជាតិ) ជាមួយមហាសេដ្ឋីកសិកម្ម អ្នកឧកញ៉ា ម៉ុង ឬទ្ធី ដើម្បីលក់ចែកជូនប្រជាកសិករយើងក្នុងតម្លៃទាបជាងជីនាំចូលមកពីបរទេស និងជួយជំរុញពង្រីកវិស័យទេសចរណ៍ធម្មជាតិអោយកាន់តែច្រើនបន្ថែមទៀតផងដែរ ។
ជាមួយគ្នានោះដែរ អ្នកឧកញ៉ា ម៉ុង ឬទ្ធី ក៏មានប្រសាសន៍ដែរថា ក្រោយពីបានជួបពិភាក្សារយៈពេលមួយម៉ោងដប់ប្រាំនាទីរួចមក អ្នកឧកញ៉ាមានការកោតសរសើរនិងវាយតម្លៃខ្ពស់បំផុត ចំពោះសម្តេចធិបតីឈ្លាសវៃដ៏ខ្ពង់ខ្ពស់បំផុត ស្ទើរតែគ្រប់ពាក្យទាំងអស់សម្តេចគិតគូរតែពីផលប្រយោជន៍ជាតិ និងប្រជាជន ។
ជាចុងក្រោយ អ្នកឧកញ៉ា ម៉ុង ឬទ្ធី ក៏បានថ្លែងអំណរគុណយ៉ាងជ្រាលជ្រៅបំផុត ដែលសម្តេចបានផ្តល់កិត្តិយសនាឱកាសនេះនឹងបានខិតខំប្រឹងប្រែងរកគ្រប់មធ្យោបាយ ដើម្បីអនុវត្តអោយបានតាមអនុសាសន៍របស់សម្តេច ដើម្បីបានចូលរួមចំណែកបម្រើជាតិប្រជាជន លើវិស័យកសិកម្ម កសិ-ឧស្សាហកម្ម និងទេសចរណ៍ធម្មជាតិផងដែរ៕
