ថ្ងៃចុងសប្ដាហ៍ចង់ដើរលេងកាត់ស្ត្រេសនៅកន្លែងដែលស្អាតៗ បែបធម្មជាតិចាប់ពីពេលនេះមិនចាំបាច់ចុះទៅតាមខេត្តនោះទេ ដើរតែជាយៗក្រុងយកទៅណាមិនអស់។ បើមិនទាន់បានទៅណា អាចទៅលំហែខួរក្បាល នៅកៀកៗក្រុងទេ ជិះមិនដល់មួយម៉ោងផងដល់ហើយ ។
ថ្ងៃនេះ Business Cambodia នឹងលើកយកកន្លែងដើរលេង ៤ កន្លែងនៅកៀកៗក្រុងមានទេសភាពស្អាតបែបធម្មជាតិ៖
១. Home Chamkar
HOME Chamkar គឺជាភោជនីយដ្ឋាន និងហាងកាហ្វេមួយ ដែលមានទីតាំងស្ថិតនៅ ភូមិស្វាយជ្រំ ឃុំស្វាយជ្រំ ស្រុកខ្សាច់កណ្ដាល ខេត្តកណ្ដាល មានចម្ងាយ ២ គីឡូម៉ែត្រពីកំពង់ចម្លងអរិយក្សត្រ។ ក្រៅពី Coffee និង អាហារ Home Chamkar មានបរិយាកាសបរិសុទ្ធល្អ ទេសភាពស្រស់បំព្រង អាហារដែលមានអនាម័យខ្ពស់ សេវាកម្មល្អ មានកន្លែងអង្គុយក្បែរមាត់ទឹក មើលទេសភាពទីក្រុងភ្នំពេញពីត្រើយម្ខាង និងបានដាំដុះដំណាំហូបផ្លែ និងបន្លែច្រើនប្រភេទសម្រាប់ជូនភ្ញៀវដែលបានមកស្រស់ស្រូបអាហារនៅក្នុងភោជនីយដ្ឋាន។ សម្រាប់ព័ត៌មានបន្ថែមអាចទាក់ទាងតាមរយៈpage HOME Chamkar ឬទាក់ទងតាមរយៈលេខទូរស័ព្ទ ០១៧ ៩៣៧ ៧០០៨/០១០ ២៦៦ ០០៨។
២. Amarak Farm កសិដ្ឋាន អមរៈ
កសិដ្ឋាន អមរៈ មានទីតាំងស្ថិតនៅភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។ នៅទីនោះមានសេវាកម្មមួយគ្រប់យ៉ាងដូចជាទីតាំង BBQ and picnic , ហាងកាហ្វេ , អាគារ និង បន្ទប់ស្នាក់នៅ ហាងហែលទឹក, ស្ទួចត្រី, ជិះកង់ សួនកុមារ , តារាងបាល់, រោងបន្លែដាំដុះ, ការបង្រៀនបច្ចេកទេសដាំដុះ និងបោះតង់ ជាដើម ហើយអាហារមានបែបអ៊ឺរ៉ុប និងបែបខ្មែរ ផងដែរ។ សម្រាប់ព័ត៌មានបន្ថែមអាចទាក់ទងតាមរយៈ Page Amarak Farm កសិដ្ឋាន អមរៈ ឬទាក់ទងតាមលេខទូរស័ព្ទ ០៩៧ ៩៧៩ ៧៧៦៧។
៣.ភោជនីដ្ឋាន ជំនោរកោះនរា
ជំនោកោះនរា គឺមានបរិយាកាសបែបធម្មជាតិ ដែលនេះគឺទីតាំងល្អបផុតសម្រាបការជួបជុំ ។ ភោជនីដ្ឋាន នេះមានទីតាំងស្ថិតនៅភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។ ប្រសិនបើលោកអ្នកចង់បានព័ត៌មានបន្ថែមអាចទាក់ទងតាមរយៈលេខទូរស័ព្ទ ០៦៩ ៣៣៦ ៩៦៩ ឬតាមរយៈpage ភោជនីដ្ឋាន ជំនោរកោះនរា។
៤. រមណីយដ្ឋាន ភូមិផ្កាត្រកួន
រមណីដ្ឋាន ភូមិផ្កាត្រកួន មានទេសភាពស្រស់ស្អាតបែបធម្មជាតិ អាចនិយាយបានថាអោយតែមកដល់គឺអារម្មណ៍ស្រស់ស្រាយអស់ទុក្ខកង្វល់។ ទៅដល់ទីនោះលោកអ្នកថតរូប អង្គុយកញ្ចុះក្បែរមាត់ទឹក ជាមួយបរិយាកាសបែបធម្មជាតិ ខ្យល់អាកាសបរិសុទ្ធ និងអាចជិះទា និងកាយ៉ាកបានម៉ាសប្បាយ។ ភូមិផ្កាត្រកួន មានទីតាំងនៅ ភូមិឫស្សីជ្រោយ ឃុំស្វាយប្រទាល ស្រុកស្អាងខេត្តកណ្តាល។ សម្រាប់ព័ត៌មានបន្ថែមអាចទាក់ទាងតាមរយៈpage ភូមិផ្កាត្រកួន-Phumi Phka Trokoun ឬទាក់ទងតាមរយៈលេខទូរស័ព្ទ ០១៥ ៦៧៣ ៧៦៧ ៕
អត្ថបទដោយ៖ ឌឿក ស្រី នុត
