FWD Group Holdings Limited (“FWD Group” ឬក្រុមហ៊ុន “FWD”) នៅថ្ងៃនេះបានប្រកាសពីកិច្ចសហការជាមួយដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ ដើម្បីជួយលើកកម្ពស់ចំណេះដឹងហិរញ្ញវត្ថុនៅក្នុងប្រទេសកម្ពុជា។
គំនិតផ្តួចផ្តើមនេះនឹងផ្តល់ការបណ្តុះបណ្តាលទៅដល់អ្នកដែលបំពេញការងារផ្នែកសារព័ត៌មានច្រើនជាង 100 នាក់ ព្រមទាំងការប្រកាសបើកការប្រកួតផលិតមាតិកា ក្នុងគោលបំណងលើកកម្ពស់ការយល់ដឹងពីការរៀបចំផែនការហិរញ្ញវត្ថុឱ្យបានកាន់តែទូលំទូលាយក្នុងសហគមន៍។ កិច្ចសហការនេះត្រូវបានប្រកាសនៅថ្ងៃនេះក្នុងជំនួបធុរកិច្ចអាហារថ្ងៃត្រង់របស់សហគមន៍ធុរកិច្ចក្នុងស្រុកនៅរាជធានីភ្នំពេញ។
ជំនួបនេះគឺជាផ្នែកមួយនៃដំណើរទស្សនកិច្ចរបស់គណៈប្រតិភូមកកាន់ប្រទេសកម្ពុជាដឹកនាំដោយ The Hon Mr John KC Lee, GBM, SBS, PDSM, PMSM នាយកប្រតិបត្តិ នៃតំបន់រដ្ឋបាលពិសេសហុងកុង នៃសាធារណរដ្ឋប្រជាមានិតចិន ដែលរៀបចំដោយក្រុមប្រឹក្សាអភិវឌ្ឍន៍ពាណិជ្ជកម្មហុងកុង (Hong Kong Trade Development Council)។ ប្រធានក្រុមប្រឹក្សាភិបាលរបស់ក្រុមហ៊ុន Pacific Century Group លោក Richard Li Tzar Kai ក៏ជាសមាជិកចូលរួមក្នុងគណៈប្រតិភូធុរកិច្ចនេះដែរ។
លោក ជីម គង់ហ៊ុយ អគ្គនាយកក្រុមហ៊ុន FWD Cambodia បានមានប្រសាសន៍ថា៖ «យើងខ្ញុំពិតជាមានក្តីសោមនស្សរីករាយណាស់ក្នុងកិច្ចសហការជាមួយដេប៉ាតឺម៉ង់ប្រព័ន្ធផ្សព្វផ្សាយ និងសាគមនាគមន៍នៃសាកលវិទ្យាល័យភូមិន្ទភ្នំពេញ ដើម្បីជួយលើកកម្ពស់ចំណេះដឹងក្នុងការរៀបចំផែនការហិរញ្ញវត្ថុរយៈពេលវែងនៅក្នុងសហគមន៍កម្ពុជា។»
លោកបានបន្ថែមទៀតថា៖ «តាមរយៈកិច្ចសហការជាមួយនឹងស្ថាប័នដែលទទួលបានការទទួលស្គាល់ខ្ពស់ដូចជាដេប៉ាតឺម៉ង់ប្រព័ន្ធផ្សព្វផ្សាយ និងសាគមនាគមន៍ យើងខ្ញុំមានជំនឿចិត្តថាអ្នកសារព័ត៌មាន និងអ្នកបង្កើតមាតិកាដែលចូលរួមនៅក្នុងកម្មវិធីនេះ នឹងប្រើប្រាស់ជំនាញ ជាមួយនឹងភាពច្នៃប្រឌិតដើម្បីនាំយកនូវគោលគំនិតនៃចំណេះដឹងហិរញ្ញវត្ថុសម្រាប់ការប្រើប្រាស់ក្នុងជីវិតរស់នៅប្រចាំថ្ងៃ។»
ក្រុមហ៊ុនធានារ៉ាប់រងអាយុជីវិត FWD បានចាប់ផ្តើមអាជីវកម្មនៅក្នុងទីផ្សារកម្ពុជា ក្នុងឆ្នាំ 2021 ជាមួយប្រតិបត្តិការអាជីវកម្មបែបឌីជីថល ការកាត់បន្ថយការប្រើប្រាស់ក្រដាស និងបច្ចេកវិទ្យាខ្ពស់។ ក្រុមហ៊ុនធានារ៉ាប់រងអាយុជីវិត FWD Cambodia ទទួលបានពានរង្វាន់ «ក្រុមហ៊ុនធានារ៉ាប់រងអាយុជីវិតថ្មីដែលរីកចម្រើនរហ័សជាងគេបំផុតក្នុងប្រទេសកម្ពុជាក្នុងឆ្នាំ 2023» ពី International Finance Awards។
ដេប៉ាតឺម៉ង់ប្រព័ន្ធផ្សព្វផ្សាយ និងសាគមនាគមន៍ នៃសាកលវិទ្យាល័យភូមិន្ទភ្នំពេញ ត្រូវបានបង្កើតឡើងក្នុងឆ្នាំ 2001 និងជាគ្រឹះស្ថានបណ្តុះបណ្តាលផ្នែកទំនាក់ទំនង សារព័ត៌មាន និងប្រព័ន្ធផ្សព្វផ្សាយដំបូងគេក្នុងប្រទេសកម្ពុជា។
អំពី FWD Group
ក្រុមហ៊ុន FWD ជាក្រុមហ៊ុនធានារ៉ាប់រងអាយុជីវិតឈានមុខគេមួយក្នុងតំបន់អាស៊ីដែលមានអតិថិជនច្រើនជាង 13 លាននាក់ក្នុងទីផ្សារចំនួន 10 ដោយក្នុងនោះរួមមានទីផ្សារដែលរីកចម្រើនរហ័សបំផុតក្នុងពិភពលោកលើវិស័យធានារ៉ាប់រងផងដែរ។ ក្រុមហ៊ុន FWD បានបង្កើតឡើងក្នុងឆ្នាំ 2013 និងផ្តោតទៅលើចក្ខុវិស័យក្នុងការផ្តល់បទពិសោធន៍ថ្មីលើសេវាធានារ៉ាប់រង។ ក្រុមហ៊ុនតែងយកអតិថិជនជាគោល ប្រើប្រាស់បច្ចេកវិទ្យាឌីជីថល និងផ្តោតការយកចិត្តទុកដាក់បំផុតក្នុងការនាំយកនូវផលិតផលដែលមានភាពច្នៃប្រឌិត ងាយស្រួលយល់ និងបទពិសោធន៍សេវាធានារ៉ាប់រងដែលមានភាពសាមញ្ញជូនដល់អតិថិជន។ សម្រាប់ព័ត៌មានបន្ថែមសូមចូលទៅកាន់ www.fwd.com។