ការធានារ៉ាប់រងគឺជាផ្នែកសំខាន់សម្រាប់ជីវិតរស់នៅរបស់មនុស្សពោលគឺបើអ្នកគិតគូលើការទិញសេវាធានារ៉ាប់រងមានន័យយថាអ្នកជាមនុស្សដែលគិតគូនិងខ្វល់ខ្វាយពីការរៀបចំផែនការហិរញ្ញវត្ថុសម្រាប់ជីវិតដើម្បីធានានូវស្ថេរភាពហិរញ្ញវត្ថុរបស់ខ្លួនក៏ដូចជាក្រុមគ្រួសារនាពេលអនាគត និងជាពិសេសគឺការទទួលបានសន្តិភាពផ្លូវចិត្ត (ភាពស្ងប់ចិត្ត)។

 ជុំវិញវិស័យធានារ៉ាប់រងនេះដែរ ថ្ងៃនេះ Business Cambodia សូមណែនាំក្រុមហ៊ុនធានារ៉ាប់រងទូទៅនិងធានារ៉ាប់រងអាយុជីវិតធំៗ៥នៅកម្ពុជា សម្រាប់ជាជំនួយដល់បងប្អូនក្នុងការជ្រើសរើសក្រុមហ៊ុនធានារ៉ាប់រងនៅឆ្នាំ២០២៣

១. AIA

 AIA Cambodia គឺជាក្រុមហ៊ុនធានារ៉ាប់រងអាយុជីវិតដ៏ធំដែលកំពុងប្រតិបត្តិសេវាធានារ៉ាប់រងជូនប្រជាជនកម្ពុជា។ AIA Cambodia ជាបុត្រសម្ព័ន្ធដែលជាកម្មសិទ្ធិទាំងស្រុងរបស់ AIA Group Limited (“AIA” or the “Group”) ដែលជាក្រុមហ៊ុនធានារ៉ាប់រងអាយុជីវិត ចុះបញ្ជីជាសាធារណៈឯករាជ្យធំបំផុតប្រចាំតំបន់អាស៊ី និងជាក្រុមហ៊ុនធានារ៉ាប់រងអាយុជីវិតធំជាងគេនៅទូទាំងពិភពលោកដោយយោងតាមទីផ្សារមូលធននីយកម្មហើយជាក្រុមហ៊ុនធានារ៉ាប់រងដែលមានអាយុកាលជាង១០០ឆ្នាំមកហើយ។

 បច្ចុប្បន្នក្រុមហ៊ុនAIA Cambodia មានផលិតផលផ្ដល់ជាដំណោះស្រាយសម្រាប់ប្រជាជនកម្ពុជាដូចជា ការពារអាយុជីវិត ការពារពេលមានជម្ងឺធ្ងន់ធ្ងរ ការពារពេលមានគ្រោះថ្នាក់ និងសន្សំដើម្បីអនាគត ។ ចង់ស្វែងយល់បន្ថែមពី AIA អាចចុចនៅទីនេះ។

២. Prudential

Prudential Cambodia គឺជាក្រុមហ៊ុនធានារ៉ាប់រងអាយុជីវិត តាមរយៈការផ្តល់ជូននូវដំណោះស្រាយនៃសេវាធានារ៉ាប់រងអាយុជីវិត ដែលស្របតាមតម្រូវការអតិថិជន និងគ្រួសារនីមួយៗ ព្រូដិនសលកម្ពុជា បាននឹងកំពុងជួយប្រជាជនកម្ពុជា ក្នុងការការពារ និងគ្រប់គ្រងហិរញ្ញវត្ថុសម្រាប់ថ្ងៃអនាគតរបស់ពួកគាត់។  Prudential Cambodia ជាបុត្រសម្ព័ន្ធរបស់ក្រុមហ៊ុន Prudential plc នៅចក្រភពអង់គ្លេសដែលមានអាយុកាល១៧៥ឆ្នាំ។

បច្ចុប្បន្នក្រុមហ៊ុន Prudential Cambodia  មានផលិតផលដូចជា ធានាអនាគតកូនអ្នក ធានាអនាគតគ្រួសារអ្នក ធានាសុខភាពគ្រួសារអ្នក និងPRU សន្សំជាដើម។ ចង់ស្វែងយល់បន្ថែមពី Prudential Cambodia សូមចុចនៅទីនេះ។

៣. Forte

 ក្រុមហ៊ុន Forte ស្ថិតនៅក្នុងក្រុមហ៊ុនធានារ៉ាប់រងទូទៅនិងក្រុមហ៊ុនធានារ៉ាប់រងអាយុជីវិតផង។ Forte ត្រូវបានបង្កើតឡើងនៅឆ្នាំ១៩៩៩នៅប្រទេសកម្ពុជា ហើយក៏ជាក្រុមហ៊ុនធានារ៉ាប់រងដែលឈានមុខមួយផងដែរ។ បច្ចុប្បន្ន Forte មានសេវាធានារ៉ាប់រងសម្រាប់បុគ្គលនិងគ្រួសារ ដូចជា ការធ្វើដំណើរ ធានារ៉ាប់រងរថយន្ត សុខភាព គ្រោះថ្នាក់ ធានារ៉ាប់រងគេហរដ្ឋាននិងសន្សំជាមួយនិងធានារ៉ាប់រង ហើយក៏មានធានារ៉ាប់រងក្នុងអាជីវកម្មជាច្រើនទៀត។  ស្វែងយល់បន្ថែមពី Forte សូមចុចនៅទីនេះ។

៤. Manulife  

 ក្រុមហ៊ុន Manulife Cambodia គឺជាក្រុមហ៊ុនធានារ៉ាប់រងអាយុជីវិត ហើយជាបុត្រសម្ព័ន្ធរបស់ក្រុមហ៊ុន Manulife របស់កាណាដាដែលមានអាយុកាល១៣៦ឆ្នាំមកហើយ។ បច្ចុប្បន្នផលិតផលរបស់ Manulife ដែលផ្ដល់ជូនប្រជាជនកម្ពុជា មានដូចជាគម្រោងសន្សំ គម្រោងសុខភាព គម្រុងការពារអាយុជីវិត គម្រោងសម្រាប់អាជីវកម្មនិងគម្រោងឌីជីថលជាដើម។ ចង់ស្វែងយល់បន្ថែមពី Manulife សូមចុចនៅទីនេះ។

៥. Infinity

ក្រុមហ៊ុនធានារ៉ាប់រងទូទៅ អ៊ីនហ្វីនីធី ភីអិលស៊ី បង្កើតឡើងនៅឆ្នាំ ២០០៧ ដោយក្រុមហ៊ុន រ៉ូយ៉ាល់គ្រុប ដែលជាក្រុមហ៊ុនវិនិយោគដ៏ស្ទាត់ជំនាញ និងមានការអភិវឌ្ឍជាក្រុមហ៊ុនពហុផលិតផលនៅក្នុងប្រទេសកម្ពុជា។ សព្វថ្ងៃនេះ អ៊ីនហ្វីនីធី គឺជាក្រុមហ៊ុនផ្តល់សេវាធានារ៉ាប់រងទូទៅធំជាងគេលំដាប់ថ្នាក់លេខ២ នៅក្នុងស្រុក ដែលក្នុងនោះមានការគាំទ្រពីក្រុមហ៊ុនធានារ៉ាប់រងពិភពលោកលំដាប់ថ្នាក់ A នៅជាដៃគូ។

 បច្ចប្បន្នក្រុមហ៊ុនធានារ៉ាប់រង Infinity មានសេវាធារ៉ាប់រងបុគ្គល ដូចជាធានារ៉ាប់រងរថយន្តឯកជន  គេហដ្ឋាននិងរបស់របរក្នុងផ្ទះ និងការធ្វើដំណើរក្រៅប្រទេសជាដើមនិងធានារ៉ាប់រងក្នុងអាជីវកម្មផងដែរ។ ចង់ស្វែងយល់ពី Infinity សូមចុចនៅទីនេះ។