FIAT គឺជាក្រុមហ៊ុនលក់រថយន្តដ៏ធំបំផុតមួយរបស់ប្រទេសអ៊ីតាលី ដែលបង្កើតឡើងក្នុងឆ្នាំ ២០០៧ជាមួយនឹងទ្រព្យសម្បត្តិសរុបជាង ១៩២ លានដុល្លារសហរដ្ឋអាមេរិក។ ទន្ទឹមនឹងនេះ ក្រុមហ៊ុន FIAT នាពេលថ្មីៗនេះ បានបង្ហាញម៉ូដែលថ្មីរបស់ខ្លួនគឺ Fiat Topolino ខណៈដែលរថយន្តនេះសាកថ្មម្តងជិះបានជិត៨០គីឡូ។

យោងតាមគេហទំព័រ MOTORTREND កាលពីពេលថ្មីៗនេះបានឱ្យដឹងថា  Fiat Topolino ត្រូវបាន​បំពាក់​ដោយ​ម៉ូទ័រ​កម្លាំង ៨សេះ ដែល​មាន​ល្បឿន​អតិបរមា ៤៥គីឡូម៉ែត្រក្នុងមួយម៉ោង។ វាត្រូវបានបំពាក់ដោយកញ្ចប់ថ្ម ៥.៥kWh ដោយសាកថ្មម្តងជិះបាន ៧៦គីឡូម៉ែត្រ។ ស្របគ្នានេះដែលក្រុមហ៊ុនបានប្រកាសនៅតម្លៃជាក់លាក់នៅឡើយទេ ប៉ុន្តែវាបានកំពុងដាក់ជួលក្នុងតម្លៃ ២៧ដុល្លារក្នុងមួយខែ ជាមួយនឹងការទូទាត់មុន ៤១១៦ដុល្លារ។

គួរជម្រាបផងដែរថា រថយន្តអគ្គិសនីដ៏តូចច្រឡឹងមួយនេះផលិតឡើងក្នុងគោលបំណងកាត់បន្ថយការកកស្ទះចរាចរណ៍នៅទីក្រុង ហើយងាយស្រួលសម្រាប់អ្នកធ្វើដំណើរជិតៗ៕