ហ្វេនឃើញហើយរំភើប! ស្ងាត់ៗ Ford បញ្ចេញនូវរថយន្តម៉ូដែលថ្មី មាឌធំ រាងកាច អាចប្រើសាំងក៏បាន សាកថ្មក៏បាន
THATSORNA NOVMAY 15 202411.3 K views

ជាដំណឹងដ៏រីករាយមួយសម្រាប់ប្រិយមិត្តដែលតែងតែគាំទ្រនៅរថយន្តរបស់អាមេរិក ជាពិសេសបងប្អូនដែលកំពុងស្វែងរករថយន្តណាដែលមានមាឌធំ រាងកាច ហើយស្អាត ខណៈពេលនេះត្រូវប៉ាន់តែម្តង រថយន្ត Ford អាមេរិកបានបង្ហាញម៉ូដែលថ្មី គឺ Ford Equator ស៊េរីឆ្នាំ២០២៥ រួមជាមួយនឹង Equator Sport ដែលជាបងប្អូនបង្កើតរបស់ខ្លួនចេញហើយនៅប្រទេសចិន រាងអេម សង្ហារខ្លាំង អាចប្រើសាំងក៏បាន សាកថ្មក៏បាន។​

2024 Ford Edge L Main

យោងតាមការចុះផ្សាយរបស់វេបផ្សាយរថយន្តដ៏ល្បីរបស់ CARSCOOPS កាលពីម្សិលមិញនេះបានឱ្យដឹងថា រថយន្តស៊េរីថ្មី​ Equator និង Equator Sport នឹងត្រូវបានផ្តល់ជូនជាប្រភេទ Plug-in Hybrid ជាលើកដំបូង។ ដោយការផ្លាស់ប្តូរនេះបានធ្វើឡើងដើម្បីឆ្លើយតបទៅនឹងតម្រូវការកើនឡើងនៃរថយន្តអគ្គិសនីនៅប្រទេសចិន ដែលបានភ្ជាប់ជាមួយចំណុចពិសេសៗជាច្រើនដូចជា៖

2025 Ford Equator Sport China 1 1024x622 1

រូបរាង​ថ្មី៖

  • Equator ទទួលបានអំពូល LED រចនាថ្មីដែលបង្កើតបានរូបរាងទំនើបជាងមុន។
  • ជម្រើសកង់យ៉ាន់បែបស្ព័រ ដែលបន្ថែមសម្រស់កាន់តែមានភាពទាក់ទាញ។
  • រថយន្ត Equator Sport មានប្រវែងសរុប ៤,៦៥ មម (១៨៤.៥ អ៊ីញ)។

2025 Ford Equator Sport Phev China 1 1024x697 1

កម្លាំងម៉ាស៊ីន៖

  • ទាំង Equator និង Equator Sport ត្រូវបានផ្លាស់ប្តូរយ៉ាងធំ ដោយបានមកជាមួយរចនាសម្ព័ន្ធ Plug-in Hybrid ថ្មីជាលើកដំបូង​​ ពោលអាចប្រើសាំងក៏បាន សាកថ្មក៏បាន។
  • ចំពោះម៉ាស៊ីន Plug-in hybrid ទាំងពីរម៉ូដែលនេះមានសាំងចំណុះ ១,៥L និងម៉ូទ័រអគ្គិសនីចំនួន ១ អាចផលិតកម្លាំង ២១៥ សេះ។
  • ចំពោះម៉ាស៊ីនសាំងវិញ មានចំណុះ ១,៥L ផលិតកម្លាំងបាន ១៦៨ សេះ និងកម្លាំងរមួល ២៦០ ញ៉ូតុនម៉ែត្រ (សម្រាប់តែម៉ូដែល Ford Equator sport ប៉ុណ្ណោះ) ។

Re Thumbnail Ford 1 1024x538

គួរជម្រាបផងដែរថា រថយន្ត Ford Equator និង Equator ត្រូវបានគេរំពឹងទុកថា នឹងដាក់លក់ជាផ្លូវការនៅចុងឆ្នាំ២០២៤ ក្នុងទីផ្សារប្រទេសចិន៕

 

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia