នាសម័យថ្មីនេះយុវជនមានតម្រូវការជាចំាបាច់ ក្នុងការអភិវឌ្ឍន៍ខ្លួនផ្នែកភាសាដើម្បីទទួលបានឱកាសល្អៗនៅក្នុងសង្គម។ ក្នុងនោះនៅស្រុកខ្មែរយើងសង្កេតឃើញថាភាសាចិននិងអង់គ្លេសគឺត្រូវបានគេប្រើប្រាស់យ៉ាងច្រើន ហើយក៏មានតម្រូវការខ្ពស់នៅពេលដែលដាក់ពាក្យបំពេញការងារផងដែរ។

ដូច្នេះសម្រាប់បងប្អូនដែលចង់រៀនភាសាបន្ថែម ដើម្បីយកទៅប្រើការបាន ​បងប្អូនអាចសម្លឹងមើលសាលាបង្រៀនភាសា មានស្តង់ដារអប់រំខ្ពស់ តម្លៃសមរម្យទាំង៦ខាងក្រោមនេះបាន៖

១. សាលាបញ្ញាសាស្ត្រ អន្តរជាតិ PUC

ជាសាលាចាស់វស្សាឈានមុខគេមួយនៅកម្ពុជា ផ្តោតលើការបង្រៀនភាសាអង់គ្លេស ដោយមានលោកតា បណ្ឌិត កុល ផេង អតីតទេសរដ្ឋមន្ត្រីក្រសួងអប់រំ យុវជន និងកីឡាជាបិតាស្ថាបនិក។ បញ្ញាសាស្រ្តគឹជាដែលមានអប់រំចំណេះដឹងទូទៅ​និងចំណេះដឹងភាសាអង់គ្លេសទូទៅសម្រាប់កុមាររហូតដល់​សាកលវិទ្យាល័យ មានចក្ខុវិស័យវែងឆ្ងាយក្នុងការអប់រំសិស្ស និស្សិតឲ្យមានសមត្ថភាពខ្ពស់ មានលក្ខណៈនិងចរិយាសម្បត្តិប្រកបដោយសីលធម៌និងគុណធម៌។

២. មជ្ឈមណ្ឌលភាសា អេ អាយ អាយ AII

ជាមជ្ឍមណ្ឌលសិក្សាមានឈ្មោះបោះសំឡេងមួយក្នុងចំណោមសាលាជាច្រើននៅកម្ពុជា ដែលមានអ្នកឧកញ៉ាវេជ្ជបណ្ឌិត គួច ម៉េងលី ជាស្ថាបនិក។ មជ្ឍមណ្ឌលភាសានេះមានបង្រៀនភាសាចិននិងអង់គ្លេសសម្រាប់មនុស្សពេញវ័យ​ ដែលមានការអប់រំតាមលក្ខណៈស្តង់ដារអាមេរិក និងមានសាខាជាច្រើននៅភ្នំពេញ។

៣. មជ្ឍមណ្ឌលសិក្សា ACE

សាលានេះមានបង្រៀនភាសា​អង់គ្លេស​សម្រាប់​កុមារ ចាប់ពី​អាយុ ៨​ឆ្នាំ ដល់​១៥​ឆ្នាំ ភាសា​អង់គ្លេស​ទូទៅ និង​ភាសា​អង់គ្លេស​សម្រាប់​ការសិក្សា​នៅ​បរទេស សម្រាប់និស្សិតស​មហាវិទ្យាល័យ និង​អ្នកជំនួញ និង​វគ្គ​ត្រៀមប្រលង​តេស្ត IELTS សម្រាប់​ទៅ​សិក្សា​នៅ​បរទេសផងដែរ​។​

៤. សាលា Stanford American School

សាលាមួយនេះមានថ្នាក់សិក្សាក្រៅម៉ោង ថ្នាក់ភាសាអង់គ្លេសទូទៅ ថ្នាក់ជំនាញស្តាប់និងនិយាយភាសាអង់គ្លេស ថ្នាក់ភាសាចិនទូទៅ និងថ្នាក់សន្ទនាភាសាចិន រួមទាំងថ្នាក់សន្ទនាភាសាថៃនិងមានតម្លៃសមរម្យផងដែរ។

៥. វិទ្យាស្ថានអន្តរជាតិ CAM-ASEAN

វិទ្យាសា្ថនមានបង្រៀនថ្នាក់ភាសាចិននិង ភាសាអង់គ្លេសទាំងពេញម៉ោងនិងក្រៅម៉ោង​ ថ្នាក់ពីចម្ងាយនិងក្នុងថ្នាក់ផ្ទាល់។ សាលានឹងមានកម្មវិធីពិសេស សម្រាប់ទាំងសិស្សចាស់និងថ្មី ដែលចុះឈ្មោះសិក្សាវគ្គថ្មីភាសាអង់គ្លេសសម្រាប់គោលបំណងវិជ្ជាជីវៈ និងការធ្វើកិច្ចការផ្សេងៗដូចជាការធ្វើបទបង្ហាញ ការសន្ទនា ឫការនិយាយជាសាធារណៈជាដើមដើម្បីអោយសិស្ស-និស្សិតអាចបង្ហាញសមត្ថភាព។

៦. មជ្ឃមណ្ឌលសិក្សា Spring Education

មជ្ឍមណ្ឌលសិក្សាមួយនេះមានបង្រៀនភាសាអង់គ្លេសនិងភាសាចិន​ ទាំងពេញម៉ោងនិងក្រៅម៉ោង ដែលការបង្រៀននិងផ្សាភ្ជាប់និងការអនុវត្តន៍ផ្សេងៗ មានដូចជាការធ្វើបទបង្ហាញ ការនិយាយជាសាធារណៈ កម្មវិធីសិក្សានៅខាងក្រៅនិងរបៀបធ្វើទំនាក់ទំនងជាដើម។

ដូច្នេះប្រសិនបើបងប្អូនមានចំណាប់អារម្មណ៍បងប្អូនអាចចូលទៅកាន់គេហទំព័រ Facebook ផេករបស់សាលានីមួយៗ ដើម្បីសាកសួរព័ត៌មានលម្អិតអំពីការសិក្សាភាសាអង់គ្លេស ឬភាសាចិនទៅតាមតម្រូវការរបស់បងប្អូនបាន៕

អត្ថបទដោយ៖ ពីង ជូអេង