រាជធានីភ្នំពេញ, ថ្ងៃទី 17 ខែតុលា 2025 - Dairy Queen® Cambodia មានមោទនភាពក្នុងការប្រកាសអំពីការចុះហត្ថលេខាលើអនុស្សរណៈនៃការយោគយល់ (MOU) ជាមួយអង្គការ Pour un Sourire d’Enfant (PSE Cambodia) ក្នុងគោលបំណងជួយផ្គត់ផ្គង់ភាពខ្វះខាតរបស់កុមារនៃអង្គការ PSE ឱ្យកាន់តែប្រសើរឡើង។

 

ការសហការនេះនឹងបរិច្ចាគប្រាក់ចំនួន 40 លានរៀល ឬស្មើនឹង $10,000 ដោយផ្អែកលើការទិញ DQ® Blizzard® ដែលក្នុង ការ៉េមប្លីហ្សាដ  ១ កែវស្មើនឹងទឹកប្រាក់ $0.30 ដើម្បីគាំទ្រ់ PSE ក្នុងវិស័យអប់រំ, អាហារ, សុខភាព និងការបណ្តុះបណ្តាលវិជ្ជាជីវៈសម្រាប់កុមារដែលកំពុងមានភាពខ្វះខាត។ យុទ្ធនាការនេះនឹងធ្វើឡើងព្រមទាំងដាក់បង្ហាញនៅគ្រប់បណ្តាហាងរបស់ Dairy Queen Cambodia នៅទូទាំងប្រទេស។

 

តាមរយៈលោក Michael Chick អ្នកដឹកនាំជាន់ខ្ពស់ និងអគ្គនាយករងនៃក្រុមហ៊ុន Express Food Group (EFG) បានឱ្យដឹងថា "ថ្ងៃនេះ ពួកយើងមានសេចក្ដីរំភើបក្នុងការសហការជាមួយ PSE តាមរយៈយុទ្ធនាការ ' Blizzard® 1, ក្តីស្រលាញ់ 1' ។ រាល់ការទិញ Blizzard® មួយ មានអត្ថន័យយ៉ាងខ្លាំង — វាជួយផ្តល់ជំនួយលើការអប់រំ, អាហារ, សុខភាព និងការបណ្តុះបណ្តាលវិជ្ជាជីវៈសម្រាប់កុមារដែលកំពុងរងគ្រោះនិងមានភាពខ្វះខាតនៅក្នុងសហគមន៍របស់យើង។ ការសហការដ៏មានអត្ថន័យនេះបង្ហាញពីការប្តេជ្ញារួមគ្នារបស់យើងក្នុងការបង្កើតការផ្លាស់ប្តូរដែលនឹងធ្វើឡើងក្នុងរយៈពេលវែង។"

 

លោកស្រី មករា ម៉ែន អ្នកដឹកនាំ ជាន់ខ្ពស់ផ្នែកអប់រំ បានថ្លែងថា៖

"ការសហការនេះជាមួយ Dairy Queen Cambodia ម្ពុជា គឺជាឧទាហរណ៍ដ៏ល្អមួយដែលអាជីវកម្មអាចចូលរួមក្នុងការជួយលើកស្ទួយសហគមន៍។ អ្វីដែលធ្វើឱ្យយើងកាន់តែចងចាំនោះគឺការបត់ក្រដាសបេះដូងចំនួន ១,០០០សន្លឹកដែលបង្ហាញពីក្តីស្រលាញ់របស់កុមារ PSE ទៅកាន់អតិថិជនរបស់ Dairy Queen។ បេះដូងទាំងនេះ ជាសញ្ញានៃសេចក្ដីស្រឡាញ់ និងការតភ្ជាប់រវាងកុមារនិងសហគមន៍។ ពួកយើងមានការរំភើបសម្រាប់ការសហការក្នុងរយៈពេលយូរអង្វែងដើម្បីជួយគាំទ្រកុមារនៃ PSE។"

 

នៅថ្ងៃទី 14 ខែតុលា ឆ្នាំ 2025 Dairy Queen Cambodia  និងអង្គការ Pour un Sourire d’Enfant (PSE) បានរៀបចំពិធីចុះហត្ថលេខាលើអនុស្សរណៈនៃការយោគយល់ (MOU) ដោយផ្លូវការដើម្បីសម្គាល់ការចាប់ផ្តើមនៃការសហការដ៏មានអត្ថន័យក្នុងគោលបំណងគាំទ្រកុមារនៅកម្ពុជា។

ក្នុងបរិបទនៃការប្រារព្ធពិធីនេះ កុមារចំនួនប្រហែល 250 នាក់ពីអង្គការ PSE បានចូលរួមក្នុងសកម្មភាពដោយបត់បេះដូង ជាង 1,000  ដែលបង្ហាញពីសេចក្ដីសង្ឃឹម និងការប្តេជ្ញារបស់ពួកគេចំពោះសហគមន៍។ កុមារទាំងនេះក៏បានទទួលទានការ៉េមខូន DQ ស្របជាមួយនឹងស្តង់ដារថ្មីនៃទឹកដោះគោវ៉ានីឡា នាំចូលពីប្រទេសឥណ្ឌូនេស៊ី និងចែកជូនកុមារតាមរយៈ DQ Truck នាំមកនូវអនុស្សាវរីយ៍ដ៏រីករាយ និងមានអត្ថន័យយ៉ាងជ្រាលជ្រៅ។

 

ដើម្បីបង្ហាញពីសមិទ្ធផលនៃការសហការដ៏មានអត្ថន័យនេះ បេះដូងក្រដាស ទាំងអស់នឹងត្រូវចែកជូនអតិថិជន 1,000 នាក់ដំបូងនៅក្នុងសាខា DQ ចំពោះអតិថិជនដែលទិញ Blizzard® មួយ ដោយបេះដូងនីមួយៗជាសញ្ញានៃសេចក្ដីស្រឡាញ់ ការថ្លែងអំណរគុណ និងការតភ្ជាប់រវាងកុមារនិងសហគមន៍ដែលពួកយើងរស់នៅ។

 

ព្រឹត្តិការណ៍នេះត្រូវបានបំភ្លឺដោយសុន្ទរកថាដ៏គួរឱ្យចាប់អារម្មណ៍ពីក្រុមការងារ DQ និង PSE ដែលបានបង្ហាញពីសារៈសំខាន់នៃអនុស្សរណៈនៃការយោគយល់ (MOU) និងការប្តេជ្ញារួមគ្នាចំពោះការសហការរយៈពេលវែង ដើម្បីធ្វើឱ្យអនាគតកុមារកម្ពុជា កាន់តែប្រសើរឡើង។ វាជាព្រឹត្តិការណ៍ដ៏គួរឱ្យចងចាំ ដែលបង្ហាញពីស្មារតីនៃការសហការ និងការទទួលខុសត្រូវក្នុងសង្គម។

 

អំពី Dairy Queen Cambodia

Dairy Queen Cambodia បានចូលទីផ្សារកម្ពុជា នៅឆ្នាំ 2012 តាមរយៈកិច្ចសន្យាផ្ទាល់ជាមួយ American Dairy Queen® Corporation ពីសហរដ្ឋអាមេរិក ដើម្បីនាំយីហោដែលមានឈ្មោះល្បីលើសកលមកកាន់កម្ពុជា ដោយគោរពតាមស្តង់ដារអាមេរិក។

អំពីអង្គការ PSE Cambodia

អង្គការ PSE (Pour un Sourire d’Enfant) គឺជាអង្គការមិនរកប្រាក់ចំណេញ ដែលបានដំណើរការនៅកម្ពុជា ចាប់តាំងពីឆ្នាំ 1996។ PSE ផ្តល់ការគាំទ្រដ៏គ្រប់ជ្រុងជ្រោយសម្រាប់កុមារដែលរស់នៅក្នុងភាពក្រីក្រ ដើម្បីជួយពួកគេបំបែកវដ្តនៃភាពក្រីក្រ តាមរយៈការផ្តល់អប់រំ អាហារ សុខភាព និងការបណ្តុះបណ្តាលវិជ្ជាជីវៈ។

 

សម្រាប់ព័ត៌មានបន្ថែម សូមចូលទៅកាន់៖

Facebook: https://www.facebook.com/dairyqueencambodia 

Instagram: https://www.instagram.com/dairyqueen.cambodia/ 

TikTok: https://www.tiktok.com/@dairyqueencambodia

សម្រាប់ទំនាក់ទំនងព័ត៌មាន៖

Facebook: https://www.facebook.com/dairyqueencambodia