–DAIKIN គឺជាក្រុមហ៊ុនម៉ាស៊ីនត្រជាក់ឈានមុខគេរបស់ប្រទេសជប៉ុនក្នុងការផ្តល់នូវដំណោះស្រាយគុណភាពខ្យល់នៅក្នុងអគារ។ ឆ្នាំនេះ DAIKIN បានចូលរួមការតាំងពិព័រណ៍ CAMBUILD 2024 ដែលជាពិព័រណ៍ខ្នាតអន្តរជាតិលំដាប់លេខ ១ នៅកម្ពុជា សម្រាប់វិស័យអគារ ការសាងសង់ និង វិស្វកម្ម M&E ដែលបានរៀបចំឡើងធំជាងរាល់ឆ្នាំ និងមានភាពលេចធ្លោ ដែលផ្តោតទៅលើជំនួញធុរៈកិច្ច B2B ផ្តល់ឱកាសឲ្យម្ចាស់ពិព័រណ៍ និងអ្នកចូលរួមទស្សនា អាចបង្កើតទំនាក់ទំនង និងភាពជាដៃគូជាមួយគ្នា។ ព្រឹត្តិការណ៍នេះបានប្រព្រឹត្ដឡើងនៅថ្ងៃទី 11-13 ខែកញ្ញា ឆ្នាំ 2024 វេលាម៉ោង 10 ព្រឹក រហូតដល់ម៉ោង 6 ល្ងាច នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ។
DAIKIN AIRCONDITIONING (Cambodia) Co,.Ltd. ជាក្រុមហ៊ុនលក់ និងផ្ដល់សេវាកម្ម HVAC (Heating, Ventilation, and Air Conditioning) លេខ 1 ក្នុងប្រទេសកម្ពុជា ។ ដើម្បីនាំមុខក្នុងការលក់ និងការផ្ដល់សេវាកម្មទៅកាន់អតិថិជន DAIKIN បានយកចិត្តទុកដាក់ក្នុងការផ្តល់ជាដំណោះស្រាយ និងសេវាកម្មប្រកបដោយវិជ្ជាជីវៈជូនទៅកាន់អតិថិជន និងប្តេជ្ញានាំមកនូវបច្ចេកវិទ្យាថ្មីៗ និងធ្វើឲ្យគុណភាពខ្យល់កាន់តែមានភាពប្រសើរឡើងសម្រាប់ប្រជាជនកម្ពុជាទាំងអស់គ្នា ។ Daikin ត្រូវបានគេស្គាល់ថាជាក្រុមហ៊ុនជប៉ុនមានអាយុកាល 100 ឆ្នាំដែលមានជំនាញក្នុងការផលិតម៉ាស៊ីនត្រជាក់ប្រកបដោយគុណភាពខ្ពស់។ នៅក្នុងឆ្នាំនេះ យើងមានមោទនភាពក្នុងការតាំងបង្ហាញអំពីម៉ាស៊ីនត្រជាក់ និងបច្ចេកវិទ្យាថ្មីៗ របស់យើងទៅកាន់ទីផ្សារកម្ពុជាដែលកំពុងតែមានភាពរីកចម្រើន ដើម្បីបំពេញសេចក្តីត្រូវការរបស់អតិថិជនទូទាំងប្រទេស រួមមានទាំងប្រភេទម៉ាស៊ីនត្រជាក់សម្រាប់លំនៅដ្ឋាន និងអគារពាណិជ្ជកម្ម ឲ្យទទួលបាននូវខ្យល់ត្រជាក់ប្រកបដោយផាសុកភាព សន្សំសំចៃថាមពល និងមានភាពងាយស្រួល ដោយមុខងារឆ្លាតវៃជាច្រើនរបស់ DAIKIN។
ក្នុងនោះផងដែរ Daikin បានបង្ហាញម៉ាស៊ីនត្រជាក់សេរ៊ីថ្មីៗជាច្រើនដូចជា ម៉ាស៊ីនត្រជាក់ប្រភេទជាប់ជញ្ជាំង ម៉ាស៊ីនត្រជាក់ជាប់ពិដាន KIRIU និង ប្រព័ន្ធ VRV System ។ ផលិតផលទាំងអស់នេះត្រូវបានរចនាឡើងដើម្បីផ្តល់នូវផាសុកភាព និងខ្យល់ត្រជាក់បរិសុទ្ធ ជាមួយនឹងការបំពាក់ដោយបច្ចេកវិទ្យាទំនើបៗដែលមានប្រសិទ្ធភាពក្នុងការកម្ចាត់មេរោគ មិនតែប៉ុណ្ណោះក៏ផ្តល់នូវសោភ័ណ្ឌភាពដ៏ប្រណិតសម្រាប់ផ្ទះ និងអគារលោកអ្នកផងដែរ។
ស្តង់របស់យើងទទួលបានការចូលទស្សនាយ៉ាងច្រើនសន្ធឹកសន្ធាប់ពីសំណាក់អ្នកចូលរួម ដែលពួកគេចង់ទទួលបាននូវបទពិសោធន៍ថ្មីៗ អំពីម៉ាស៊ីនត្រជាក់ Daikin ដែលជាម៉ាកដ៏ល្បីរបស់ប្រទេសជប៉ុន ។ ដូច្នេះហើយ ស្តង់របស់ Daikin បានស្វាគមន៍យ៉ាងកក់ក្តៅដល់អ្នកចូលរួមទស្សនា ក្នុងការផ្ដល់ព័ត៌មាន ចំណេះដឹងអំពីម៉ាស៊ីនត្រជាក់ ព្រមទាំងមានការផ្តល់ជូនជាវត្ថុអនុស្សាវរីយ៍ផងដែរ។
យើងខ្ញុំសូមថ្លែងអំណរគុណចំពោះការទទួលស្វាគមន៍យ៉ាងកក់ក្តៅ ពីគណៈគ្រប់គ្រង និងក្រុមការងាររៀបចំព្រិត្តិការណ៍ពិព័រណ៍ CAMBUILD 2024 លើសពីនេះទៅទៀត យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះអតិថិជន ដៃគូរ និងភ្ញៀវកិត្តិយសទាំងអស់ដែលបានចំណាយពេលវេលាដ៏មានតម្លៃ មកទស្សនាស្តង់របស់យើងខ្ញុំ។ ការគាំទ្រ និងការចាប់អារម្មណ៍ដ៏លើសលប់របស់លោកអ្នកចំពោះផលិតផលរបស់យើងពិតជាបានធ្វើឱ្យការតាំងពិព័រណ៍នេះទទួលបានជោគជ័យសម្រាប់ Daikin ។ ជាមួយនឹងម៉ាស៊ីនត្រជាក់ Daikin គ្រប់គេហដ្ឋានទាំងអស់នឹងទទួលបានគុណភាពខ្យល់បរិសុទ្ធ កាត់បន្ថយការបំពុលបរិស្ថាន និងកម្តៅផែនដី ដែលអាចចូលរួមចំណែកក្នុងការការពារបរិស្ថានសម្រាប់អនាគតយើងទាំងអស់គ្នា។ មិនថាអ្នកកំពុងស្វែងរកម៉ាស៊ីនត្រជាក់ប្រើប្រាស់នៅផ្ទះ អគារ ឬអាជីវកម្មរបស់អ្នក Daikin គឺជាជម្រើសដ៏ស័ក្ដសមបំផុតសម្រាប់លោកអ្នក៕
