ក្រុមហ៊ុនម៉ាឡេស៊ី ចង់វិនិយោគសាងសង់ផ្លូវដែកល្បឿនលឿននៅខ្មែរ ខណៈរដ្ឋបង្ហាញទីតាំងកំពុងសិក្សាទាំងនេះ
Bunthoeun KoemMARCH 10 2023303 views

ក្រុមហ៊ុន China Railway Group Limited (CREC) របស់ប្រទេសម៉ាឡេស៊ី បានបង្ហាញនូវចំណាប់អារម្មណ៍លើការ​វិនិយោគលើគម្រោងដឹកជញ្ជូនសាធារណៈរបស់កម្ពុជា។ ចំណាប់អារម្មណ៍នេះធ្វើឡើងនៅជំនួបរវាងឯកឧត្តម តូច ចាន់កុសល រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន និងគណៈប្រតិភូក្រុមហ៊ុន CREC កាលពីថ្ងៃទី០៩ ខែមីនា ឆ្នាំ២០២៣។

នៅក្នុងជំនួបខាងលើ ក្រុមហ៊ុន CREC បានបញ្ជាក់ថា ខ្លួនចង់វិនិយោគលើគម្រោងសាងសង់ផ្លូវដែកល្បឿនលឿន (High-Speed Train) នៅកម្ពុជា ខណៈដែលរាជរដ្ឋាភិបាលកំពុងកំណត់ទិសដៅក្នុងការដោះស្រាយការកកស្ទះ និងជំរុញកាត់បន្ថយចំណា​យ​​​លើការប្រើប្រាស់សេវាដឹកជញ្ជូន។

335248100 461154202813711 1316212140998869521 N

នៅក្នុងឱកាសនោះឯកឧត្តម តូច ចាន់កុសល ក៏បានបង្ហាញពីទីតាំងកំពុងសិក្សាផងដែរ រួមមាន៖ គម្រោងសាងសង់ផ្លូវដែកល្បឿនលឿន (High-Speed Train) ពិសេសលើប្រព័ន្ធខ្សែផ្លូវរថភ្លើងដែលមានស្រាប់ភ្នំពេញ- ប៉ោយប៉ែត និងភ្នំពេញ-ក្រុងព្រះសីហនុ និងគម្រោងខ្សែផ្លូវរថភ្លើងថ្មីប៉ោយប៉ែត-សៀមរាប-ភ្នំពេញជាដើម ការសិក្សាគម្រោងផ្លូវរថភ្លើងទីក្រុង (Phnom Penh Urban Light Rail) គម្រោងប្រព័ន្ធប្រតិបត្តិការរថភ្លើងស្វ័យប្រវត្តិ (AGT) និងការសិក្សាផ្លូវរថភ្លើងលើអាកាសដឹកអ្នកដំណើរធុនស្រាល (Monorail) ជាដើម។

ជាមួយគ្នានោះដែរ​ សម្រាប់រថភ្លើងល្បឿនលឿនភ្នំពេញ-ប៉ោយបែតវិញ តាមការសិក្សាជំហានដំបូងពីក្រុមហ៊ុនសាជីវកម្មស្ពាន និងថ្នល់ចិន (CRBC)  បានឱ្យដឹងថា គម្រោងផ្លូវនេះមានប្រវែងសរុបប្រមាណ ៣៨២គីឡូម៉ែត្រ គ្រោងចាយទុនវិនិយោគប្រមាណជាង ៤ពាន់លានដុល្លារ ដោយរួមបញ្ចូលទាំងក្បាល និងទូរថភ្លើងសម្រាប់ដំណើរការ និងប្រើប្រាស់រយៈពេលសាងសង់ប្រមាណ ៤ឆ្នាំ ខណៈបច្ចុប្បន្នរដ្ឋាភិបាលកំពុង់ស្វែងរកក្រុមហ៊ុនអភិវឌ្ឍន៍ដើម្បីសាងសង់ផ្លូវនេះ៕ 

323464809 904799197436389 2816587849667950826 N

អត្ថបទដោយ៖ ឌឿក ស្រី នុត

 

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia