ធនាគារ ប្រៃសណីយ៍កម្ពុជា(CPBank) ដែលជាធនាគារពាណិជ្ជដ៏ធំមួយនៅកម្ពុជាបានបើកដំណើរការសាខាថ្មីចំនួន ១៦ ដែលពីមុនត្រូវបានគ្រប់គ្រងដោយ គ្រឹះស្ថាន ហ្វូណន មីក្រូហិរញ្ញវត្ថុ បន្ទាប់ពីទទួលបានការអនុញ្ញាតពីធនាគារជាតិនៃកម្ពុជា (NBC) ដើម្បីបំប្លែងសាខាទាំងនោះទៅជាសាខារបស់ CPBank។

សាខាទាំង ១៦ នេះត្រូវបានសម្ពោធដាក់ឱ្យដំណើរការជាផ្លូវការនៅថ្ងៃទី ៥ ខែតុលា ឆ្នាំ ២០២៦ ដែលធ្វើឱ្យបណ្តាញសាខាសរុបរបស់ CPBank កើនឡើងដល់ ៨០ ទីតាំងនៅទូទាំងប្រទេស។ ហើយសាខាថ្មីទាំង ១៦ ដែលត្រូវបានសម្ពោធដាក់ឱ្យដំណើរការជាផ្លូវការនៅថ្ងៃនេះ រួមមាន៖

១. សាខាស្រុកបរសេដ្ឋ – មានទីតាំងស្ថិតនៅ ឃុំស្វាយរំពារ ស្រុកបរសេដ្ឋ ខេត្តកំពង់ស្ពឺ។

២. សាខាស្រុកបន្ទាយមាស – មានទីតាំងស្ថិតនៅ ឃុំទូកមាសខាងលិច ស្រុកបន្ទាយមាស ខេត្តកំពត។

៣. សាខាស្រុកជីក្រែង – មានទីតាំងស្ថិតនៅ ឃុំគោកធ្លកក្រោម ស្រុកជីក្រែង ខេត្តសៀមរាប។

៤. សាខាស្រុកឆ្លូង – មានទីតាំងស្ថិតនៅ ឃុំឆ្លូង ស្រុកឆ្លូង ខេត្តក្រចេះ។

៥. សាខាស្រុកក្រគរ – មានទីតាំងស្ថិតនៅ ឃុំក្បាលត្រាច ស្រុកក្រគរ ខេត្តពោធិ៍សាត់។

៦. សាខាស្រុកក្រឡាញ់ – មានទីតាំងស្ថិតនៅ ឃុំកំពង់ថ្កូវ ស្រុកក្រឡាញ់ ខេត្តសៀមរាប។

៧. សាខាស្រុកគិរីវង់ – មានទីតាំងស្ថិតនៅ ឃុំព្រះបាទជាន់ជុំ ស្រុកគិរីវង់ ខេត្តតាកែវ។

៨. សាខាស្រុកកំពង់ត្របែក – មានទីតាំងស្ថិតនៅ ឃុំប្រាសាទ ស្រុកកំពង់ត្របែក ខេត្តព្រៃវែង។

៩. សាខាស្រុកកំពង់ត្រឡាច – មានទីតាំងស្ថិតនៅ ឃុំឈូកស ស្រុកកំពង់ត្រឡាច ខេត្តកំពង់ឆ្នាំង។

១០. សាខាស្រុកមង្គលបូរី – មានទីតាំងស្ថិតនៅ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។

១១. សាខាស្រុកមោងឫស្សី – មានទីតាំងស្ថិតនៅ ឃុំគារ ស្រុកមោងឫស្សី ខេត្តបាត់ដំបង។

១២. សាខាស្រុកព្រៃឈរ – មានទីតាំងស្ថិតនៅ ឃុំជ្រៃវៀន ស្រុកព្រៃឈរ ខេត្តកំពង់ចាម។

១៣. សាខាស្រុកព្រៃកប្បាស – មានទីតាំងស្ថិតនៅ ឃុំព្រៃល្វា ស្រុកព្រៃកប្បាស ខេត្តតាកែវ។

១៤. សាខាស្រុកសូទ្រនិគម – មានទីតាំងស្ថិតនៅ ឃុំដំដែក ស្រុកសូទ្រនិគម ខេត្តសៀមរាប។

១៥. សាខាស្រុកស្នួល – មានទីតាំងស្ថិតនៅ ឃុំស្នួល ស្រុកស្នួល ខេត្តក្រចេះ។

១៦. សាខាស្រុកស្រីសន្ធរ – មានទីតាំងស្ថិតនៅ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម។

គួរ​បញ្ជាក់ផងដែរធនាគារ ប្រៃសណីយ៍កម្ពុជាបានសម្រេចទិញយកភាគហ៊ុន១០០%របស់គ្រឹះស្ថានមីក្រូហិរញ្ញវត្ថុ ហ្វូណន ភីអិលស៊ី កាលពីឆ្នាំ២០១៧ ហើយការសម្ពោធសាខាចំនួន១៦សាខាព្រមគ្នាក្នុងថ្ងៃតែមួយនេះគឺជាបំប្លែងអតីតសាខា គ្រឹះស្ថានមីក្រូហិរញ្ញវត្ថុ ហ្វូណន ភីអិលស៊ីឲ្យមកជាសាខាធនាគារ ប្រៃសណីយ៍ពេញលេញ។

ទាក់ទងនឹងធនាគារ ប្រៃសណីយ៍កម្ពុជានេះដែរ សម្រាប់បងប្អូនដែលចង់ប្រើប្រាស់សេវាធនាគារ ដូចជា សេវាប្រាក់បញ្ញើ សេវាកម្ចី អាចទាក់ទងទៅផេក CPBank ឬទាក់ទងទៅលេខទូរស័ព្ទ 070 200 002៕