លែងពិបាកទៀតហើយសម្រាប់បងប្អូនប្រជាពលរដ្ឋដែលធ្វើសៀវភៅគ្រួសារ ឬ សៀវភៅស្នាក់នៅរួចរាល់ហើយចង់បានលឿន ឬក៏ករណីធ្វើហើយប៉ុន្តែមានបញ្ហាយឺតយ៉ាវយូរ បងប្អូនប្រជាពលរដ្ឋអាចធ្វើការជួបឬទំនាក់ទំនងទៅកាន់ លោកនាយការិយាល័យគ្រប់គ្រងការស្នាក់នៅ ឬលោកស្នងការរងទទួលផែន នៃស្នងការដ្ឋាននគរបាលរាជធានី ខេត្ត ឬនាយកដ្ឋានស្ថិតិប្រជាពលរដ្ឋ នៃអគ្គនាយកដ្ឋានអត្តសញ្ញាណកម្ម តាមលេខទូរស័ព្ទដូចខាងក្រោម ៖
គួរបញ្ជាក់ផងដែរថា សម្រាប់បងប្អូនដែលបាត់ឬខូចសៀវភៅគ្រួសារ ឬសៀវភៅស្នាក់នៅ អាចស្នើថ្មីបានតាមរយៈ ឱ្យមេគ្រួសារ ឬអ្នកតំណាង ត្រូវដាក់ពាក្យស្នើសុំទៅនាយប៉ុស្តិ៍នគរបាលរដ្ឋបាល ឃុំ សង្កាត់ដោយភ្ជាប់ជាមួយនូវឯកសារណាមួយមានដូចខាងក្រោម៖
- ករណីបាត់ មេគ្រួសារ ឬអ្នកតំណាងត្រូវមានពាក្យបណ្តឹងអំពីមូលហេតុច្បាស់លាស់ដោយមានការបញ្ជាក់ពីនាយប៉ុស្តិ៍នគរបាលរដ្ឋបាលឃុំ សង្កាត់នៅទីកន្លែងដែលបានបាត់។
- ករណីខូចគុណភាព មេគ្រួសារ ឬអ្នកតំណាង ត្រូវមានសៀវភៅស្នាក់នៅ ឬសៀវភៅគ្រួសារសំណៅដើម។
រយៈពេលផ្តល់ជូនប្រជាពលរដ្ឋសម្រាប់សៀវភៅស្នាក់នៅមិនលើសពី១០ថ្ងៃ និងសៀវភៅគ្រួសារ មិនលើសពី១៥ថ្ងៃ (ករណីមានឯកសារភ្ជាប់គ្រប់គ្រាន់ និងត្រឹមត្រូវ)។យោងតាម សេចក្តីណែនាំលេខ០០១សណន ចុះថ្ងៃទី២២ ខែកក្កដា ឆ្នាំ២០២២ របស់អគ្គនាយកដ្ឋានអត្តសញ្ញាណកម្ម ស្តីពីបែបបទនីតិវិធីនៃការងារចុះបញ្ជី និងគ្រប់គ្រងការស្នាក់នៅ។
សម្រាប់ព័ត៌មានបន្ថែម សូមDownload កម្មវិធី GDI eServices ឬ ទាក់ទងលេខ ១២៧១ / ០១៧ ៨៩៨៩១៥ រៀងរាល់ម៉ោងធ្វើការ។ មន្ត្រីជំនាញរង់ចាំទទួល ផ្តល់ព័ត៌មាន និងដោះស្រាយជូន៕
អត្ថបទដោយ៖សម្បត្តិ សុខឡាង
