ភ្នំពេញ ១៩ កក្កដា ២០២៤ - Connex Information Technologies ដែលជាអ្នកផ្តល់ដំណោះស្រាយ ICT ដ៏ឈានមុខបានប្រកាសអំពីការតែងតាំងជាភ្នាក់ងារចែកចាយផ្តាច់មុខដំបូងនៅកម្ពុជាសម្រាប់ Seagate Technology ដែលជាអ្នកច្នៃប្រឌិតនៃការផ្ទុកទិន្នន័យទំហំធំ។ កិច្ចព្រមព្រៀងនេះបានសម្គាល់ឱ្យឃើញនូវចំណុចដ៏សំខាន់សម្រាប់ក្រុមហ៊ុនក៏ដូចជាប្រទេសកម្ពុជានៅក្នុងវិស័យបច្ចេកវិទ្យាព័ត៌មានផងដែរ។

តាមរយៈការតែងតាំងនេះ Connex IT នឹងចែកចាយឧបករណ៍ផ្ទុកទិន្នន័យផ្ទាល់ខ្លួននិងនិងឧបករណ៍ផ្ទុកហ្គេមរបស់ Seagate, ឧបករណ៍ផ្ទុកទិន្នន័យដែលភ្ជាប់បណ្តាញ (NAS), ដំណោះស្រាយវិភាគវីដេអូ និងរូបភាពនៅកម្ពុជាដោយផ្តល់ឱ្យអាជីវកម្មនិងអ្នកប្រើប្រាស់នូវការចូលប្រើយ៉ាងងាយស្រួលទៅនឹងដំណោះស្រាយផ្ទុកទិន្នន័យទំនើបរបស់ Seagate។

Seagate Technology គឺជាអ្នកដឹកនាំសកលក្នុងការផ្ទុកទិន្នន័យទំហំធំដោយបានបង្កើតបច្ចេកវិទ្យាផ្ទុកទំនើបអស់រយៈពេលជាង ៤៥ ឆ្នាំ។ ផលិតផលរបស់ Seagate គ្របដណ្តប់លើឧបករណ៍ ប្រព័ន្ធ និងចាប់ពីសេវាកម្ម edge to cloud ឡើងទៅ។

លោក Eranga Wickrmasinghe បានចូលរួមក្នុងការចេញមតិ អំពីការតែងតាំងនេះថា កិច្ចព្រមព្រៀងនេះនឹងរួមចំណែកដល់ការអភិវឌ្ឍទីផ្សារបច្ចេកវិទ្យាព័ត៌មាននៃប្រទេសកម្ពុជាឱ្យបានដំណើរការរីកចំរើនឈានដល់កំរិតពិភពលោក។

"ជាមួយនឹងបទពិសោធន៍ឧស្សាហកម្មជាងមួយទសវត្ស ConnexIT ជាភ្នាក់ងារចែកចាយដែលអាចទុកចិត្តបាននិងមានតម្លៃបន្ថែមដែលបំរើដល់ការទទួលយកបច្ចេកវិទ្យាទំនើប។ យើងមានមោទនភាពក្នុងការធានានូវ Seagate នៅទីនេះ និងណែនាំផលិតផលនិងដំណោះស្រាយបច្ចេកវិទ្យាដ៏ទំនើបរបស់ Seagate ទៅកាន់អ្នកប្រើប្រាស់និងអាជីវកម្មនៅកម្ពុជាដោយជួយដឹកនាំការច្នៃប្រឌិត។"

លោកស្រី Joyce Lim នាយកដ្ឋានលក់ថ្នាក់តំបន់ ASEAN របស់ Seagate បាននិយាយថា៖ "យើងមានសេចក្តីរីករាយក្នុងការមាន Connex IT ជាភ្នាក់ងារចែកចាយដែលមានសិទ្ធិផ្តាច់មុខនៅកម្ពុជា។ Seagate បានប្តេជ្ញាចិត្តផ្តល់ឱ្យអាជីវកម្មនិងអ្នកប្រើប្រាស់នៅកម្ពុជាមានទំនុកចិត្តក្នុងការផ្ទុកទិន្នន័យច្រើនជាងមុន និងដោះស្រាយតម្លៃរបស់វា។ ជាមួយនឹងការស្ម័គ្រចិត្តនិងបណ្តាញទូលំទូលាយរបស់ Connex IT រួមជាមួយនឹងជំនាញឧស្សាហកម្មរបស់ Seagate អ្នកប្រើប្រាស់និងអាជីវកម្មនឹងអាចដោះស្រាយតម្រូវការគ្រប់គ្រងទិន្នន័យរបស់ពួកគេបានយ៉ាងងាយស្រួល។" https://www.connexit.biz/KH