កាលពីពេលព្រឹកមិញនេះ រដ្ឋាភិបាលវៀតណាមបាននិយាយថា ក្រុមហ៊ុន SpaceX របស់លោក Elon Musk គ្រោងមកវិនិយោគនៅប្រទេសខ្លួនក្នុងទំហំទឹកប្រាក់ ១៥ ពាន់លានដុល្លារក្នុងប្រទេសខ្លួនឆាប់ៗខាងមុខនេះ។ នេះបើតាមការដកស្រង់ចេញពីសារព័ត៌មាន CNA ។
ប្រភពដដែលបានបន្តឱ្យដឹងបន្តទៀតថា ការប្រកាសខាងលើគឺបានធ្វើឡើងបន្ទាប់ពីកិច្ចប្រជុំនៅទីក្រុងញ៉ូយកជាប្រធានាធិបតីវៀតណាម To Lam និងលោក Tim Hughes ដែលជាអនុប្រធានជាន់ខ្ពស់របស់ក្រុមហ៊ុន SpaceX។
លោកប្រធានាធិបតី To Lam ក៏បាននិយាយថារដ្ឋាភិបាលវៀតណាមកំពុងពិចារណាលើសំណើ ការវិនិយោគ របស់ក្រុមហ៊ុន SpaceX ។ យ៉ាងណាមិញ មកដល់នាពេលនេះរដ្ឋាភិបាលវៀតណាមមិនបានបញ្ជាក់ទេថា តើការវិនិយោគរបស់ក្រុមហ៊ុន SpaceX នឹងត្រូវធ្វើនៅកន្លែងណាទេ ហើយនៅពេលណាឬទេ។
ជាមួយគ្នានោះដែរ លោក Hughes ដែលជាអនុប្រធានជាន់ខ្ពស់របស់ក្រុមហ៊ុន SpaceX ក៏បានបញ្ជាក់ថា ការដាក់ពង្រាយសេវាកម្មអ៊ីនធឺណិតរបស់ក្រុមហ៊ុន SpaceX នៅក្នុងប្រទេសវៀតណាម គឺមានគោលបំណងជាចម្បងដើម្បីផ្តល់ផលប្រយោជន៍ដល់ការអប់រំ និងការពារគ្រោះមហន្តរាយផងដែរ៕
