Nike គឺជាក្រុមហ៊ុនផលិតសម្លៀកបំពាក់កីឡាដ៏ល្បីឈ្មោះ១ នៅលើពិភពលោក គិតត្រឹមឆ្នាំ២០២៣ក្រុមហ៊ុន Nike មានទ្រព្យសម្បត្តិសរុបប្រមាណជា ៣៦,៨ ពាន់លានដុល្លារ ឯណោះ យីហោនេះដែរ ត្រូវបានគេចាត់ទុកថា ជាម៉ាកយីហោដ៏មានតម្លៃបំផុត ក្នុងចំណោមស្លាកយីហោដែលមានកេរ្ត៍ឈ្មោះល្បីល្បាញផ្សេងៗទៀតជុំវិញពិភពលោក។

ជាមួយគ្នានោះដែរ បច្ចុប្បន្ននេះក្រុមហ៊ុនផលិតសម្លៀកបំពាក់ល្បី Nike ក៏មានរោងចក្រនៅខ្មែរដើម្បីផលិតផលសម្លៀកបំពាក់ធ្វើការនាំចេញផងដែរ។ រោងចក្រដែលទទួលខុសត្រូវក្នុងការផលិតរបស់ក្រុមហ៊ុន Nike គឺមានឈ្មោះថាម៉ាវ៉ល ហ្កាមិន (Muvel Giman) ដែលមានផ្ទៃដីសរុបចំនួន ៥១ហិកតាដែលមានដើមទុនវិនិយោគប្រមាណ ២៥០លាន ដុល្លារ (ដោយមិនគិតថ្លៃដី) បានចាប់ផ្តើមដំណើរការជាលើកដំបូងនៅថ្ងៃទី០៨ ខែកញ្ញា ឆ្នាំ២០២០ ជាប្រភេទ រោងចក្រកាត់ដេរសំលៀកបំពាក់ អាវរងា និងខោកីឡា ម៉ាកល្បីៗគឺ Nike។

សូមបញ្ជាក់ថា បច្ចុប្បន្ននេះក្រៅពីទទួលផលិតសម្លៀកបំពាក់ Nike រោងចក្រម៉ាវ៉ល ហ្កាមិន ក៏ទទួលផលិតដូចជា ប៉ូឡូ , លូលូឡម៉ុន (LULULEMON) ដើម្បីផលិតផលនាំចេញទៅសហរដ្ឋអាមេរិក និងអឺរ៉ុប មានបរិមាណនាំចេញ ៤២ ៩៥២០២៨ កំផ្លេ ដែលមានទំហំទឹកប្រាក់នាំចេញរហូតដល់ទៅ ៤២៧.៦៣១ ០១៧ដុល្លា/ឆ្នាំ៕

អត្ថបទ៖ ធី ស្រីល័ក្ខ