«ផ្លូវចិត្តជ្រះថ្លា ជាថ្មាំព្យាបាលដ៏ល្អបំផុតសម្រាប់ជីវិត និងជាឫសគល់នៃសេចក្តីចម្រើនលើគ្រប់ការងារទាំងពួង»។ ការអប់រំចិត្ត សីល សមាធិ និងមេត្តាករុណា ជួយឲ្យយើងមានចិត្តស្ងប់ស្ងាត់ ទប់ទល់នឹងភាពតានតឹង ក្តីអស់សង្ឃឹម និងបង្កើតសង្គមសុភមង្គលឡើងវិញ ពេលស្ថិតក្នុងគ្រាដ៏លំបាក។

យ៉ាងណាមិញ ក្នុងនាមជាប្រទេសដែលកំណត់យកសាសនាព្រះពុទ្ធ ជាសាសនារបស់រដ្ឋ ផ្សារទំនើប ជីប ម៉ុង ២៧១ មេហ្គា ម៉ល មានសេចក្តីសោមន្សសរីករាយ បានបង្កើតកម្មវិធីធម្មសន្ទនាក្រោមប្រធានបទ «ផ្លូវជីវិត ផ្លូវព្រះធម៌» ដើម្បីជាជំនួយអប់រំចិត្តដល់ប្រជាជនកម្ពុជាតាមគន្លងព្រះធម៌។

កម្មវិធីធម្មសន្ទនាខាងលើ ប្រព្រឹត្តទៅក្រោមអធិបតីភាព ភិក្ខុលទ្ធធម្មោ ជា គឹមសាន និង លោកគ្រូឧបាសក សាន សុជា ជាវាគ្មិនកិត្តិយស។ ការប្រារព្ធកម្មវិធីធម្មសន្ទនានេះ ក្នុងគោលបំណងដើម្បីលើកកម្ពស់អប់រំចិត្តគំនិតបញ្ញាស្មារតីជនរួមជាតិ  ដល់ពុទ្ធិបញ្ញាញាណ ដែលគាំទ្រដល់ការអភិវឌ្ឍធនធានមនុស្សប្រកបដោយចីរភាពក្នុងសង្គម។

ដូច្នេះសូមគោរពនិមន្ត និងគោរពអញ្ជើញជាភ្ញៀវកិត្តិយសចូលរួមដោយសេរី ខណៈកម្មវិធីនឹងធ្វើឡើងនៅថ្ងៃទី ១៩ ខែ តុលា ឆ្នាំ ២០២៥ ទីតាំងនៅផ្សារទំនើប ជីបម៉ុង ២៧១ មេហ្គា ម៉ល ជាន់ទី ២ ទល់មុខហាង Kfour (Open Hall) ចាប់ពីម៉ោង ៣:០០ រសៀលដល់ម៉ោង ៥:០០ ល្ងាច៕