ធនាគារពាណិជ្ជមួយចំនួននៅក្នុងប្រទេសចិនបានដំឡើងពីចំណាត់ធ្លាក់ហានិភ័យដល់អតិថិជនរបស់ខ្លួនចំពោះការវិនិយោគផលិតផលមាសរបស់ខ្លួន។ នេះបើយោងតាមការចុះផ្សាយរបស់វេបសាយKitco ដែលជាវេបសាយតែងតែងតាមដានវិភាគលើហាងឆេងមាស។

បើយោងតាមការចុះផ្សាយរបស់Kitco បានឲ្យដឹងថាការវិនិយោគលើមាសពេលនេះគឺត្រូវបានចាត់ទុកថាមានហានិភ័យខ្ពស់ជាពិសេសគឺមាសពិតប្រាកដ( Physical gold)។

ធនាគាររបស់ចិនមួយចំនួនមិនលើកទឹកចិត្តឲ្យអតិថិជនរបស់ខ្លួនវិនិយោគលើមាសពិតប្រាកដឡើយព្រោះវាមានហានិភ័យខ្ពស់។ មិនតែប៉ុណ្ណោះធនាគារក៏ឈប់បើកគណនីជួញរសម្រាប់ផលិតមាសពិតប្រាកដនេះផងដែរ។ ហើយចំពោះអតិថិជនដែលមានស្រាប់គឺត្រូវបិទមិនឲ្យមានជម្រើសច្រើនក្នុងការវិនិយោគ។

 គួរបញ្ជាក់ផងដែរតម្លៃមាសគឺតែងតែប្រែប្រួលដោយសារតែកត្តាសកលដូចជាភាពតានតឹងផ្នែកភូមិសាស្រ្តនយោបាយ គោលនយោបាយហិរញ្ញវត្ថុនិងការរំពឹងទុកនៃការប្រែប្រួលអតិផរណាជាដើម។ដូច្នេះមុននឹងវិនិយោគលើមាសបងប្អូនត្រូវគិតលើកត្តាទាំងប៉ុន្មាននេះ៕