កាលពីថ្មីៗនេះ យើងបានដឹងហើយថាក្រុមហ៊ុន Apple ទើបតែបញ្ចេញ iOS 26 ឱ្យប្រើប្រាស់ជាផ្លូវការហើយនៅក្នុងនោះយើងបានសង្កេតឃើញថាមានអ្នកប្រើប្រាស់ iPhone ជាច្រើននៅលើពិភពលោកបានចាប់អារម្មណ៍នៅ iOS ថ្មីនេះជាខ្លាំងដោយសារតែវាមានការផ្លាស់ប្តូរប្លែកខុសពី Version មុនទាំង icon កម្មវិធី(App) និង UI ផងដែរ។

ជាមួយគ្នានោះដែរ ថ្វីត្បិតតែក្រុមហ៊ុន Apple បានបញ្ចេញ iOS 26 សម្រាប់អ្នកប្រើទូរស័ព្ទ iPhone ទូទាំងពិភពលោកឱ្យអាប់ដេតទាំងអស់គ្នាយ៉ាងណាក៏ដោយ។ ប៉ុន្តែនៅក្នុងនោះសម្រាប់អ្នកដែលប្រើទូរស័ព្ទម៉ូដែលចាស់ៗដូចជា៖ iPhone XS, iPhone XS Max, iPhone XR និងiPhone ម៉ូឌែលចាស់ៗជាងនេះក៏មិនអាចដំឡើងទៅ iOS 26 បានឡើយ។

យ៉ាងណាមិញសម្រាប់អ្នកដែលប្រើប្រាស់ iPhone ដែលអាចអាប់ដេត iOS 26 នេះបាន គឺចាប់ពីទូរស័ព្ទ iPhone 11 រហូតដល់ iPhone 17 Pro Max ផងដែរ។

ចំពោះមុខងារថ្មីនៅក្នុង iOS 26 គឺមានចំណុចពិសេសៗរួមមាន អាចកំណត់សម្គាល់បុគ្គលដែលកំពុងវាយអក្សរផ្ញើសារ សម្រាប់ការជជែកក្នុងក្រុម និងការបកប្រែលើ iMessage, FaceTime និងការហៅទូរសព្ទ​ដែលអាចដាក់រូបនិងកំណត់សម្គាល់បានសូម្បីតែអ្នកមិនប្រើប្រាស់ iPhone ក៏ដោយ។ បន្ថែមពីនោះវាក៏មានមុខងារថ្មីៗស្ទើរគ្រប់កម្មវិធីលើទូរស័ព្ទដៃ iPhone ដែលអាចដំឡើង iOS26 បានថែមទៀតផង៕