នៅអំឡុងពេលអាកាសធាតុក្តៅ បរិមាណថាមពលអគ្គិសនីប្រើប្រាស់ប្រចាំខែប្រាកដជាអាចមានការកើនឡើងខ្លាំងជាងមុនមិនខានឡើយ ដូច្នេះបងប្អូនមួយចំនួនប្រហែលជាចង់ដឹងពីវិធីងាយៗក្នុងការសន្សំសំចៃការប្រើភ្លើងអគ្គិសនីពេលខែក្តៅនេះ។ ជាមួយគ្នានោះដែរ ខាងក្រោមនេះជាវិធីសន្សំសំចៃថាមពលអគ្គិសនីដែលបងប្អូនអាចសាកល្បងបាន៖

យោងតាមការចេញផ្សាយដោយអាជ្ញាធរអគ្គិសនីកម្ពុជាបានឱ្យដឹងថា ចំណុចដែលគួរតែកាត់បន្ថយការប្រើប្រាស់នោះមានដូចជា៖

១. ការប្រើប្រាស់ឆ្នាំងដាំបាយ

២. កង្ហា

• សម្អាតកង្ហារឱ្យបានញឹកញាប់
• ជ្រើសរើសទំហំកង្ហារដែលសមល្មមនឹងតម្រូវការ
• ដកខ្សែរភ្លើងចេញពេលឈប់ប្រើ

៣. អំពូលភ្លើង

• ប្តូរប្រើអំពូលភ្លើងដែលសុីភ្លើងតិចដូចជាអំពូល LED ជាដើម
• សម្អាតអំពូល ចានអំពូល ឱ្យបានញឹកញាប់

៤. ម៉ាស៊ីនត្រជាក់

• ធ្វើការសម្អាតម៉ាស៊ីនត្រជាក់រាល់ ៦ខែម្តង
• កុំយករបស់ក្តៅចូលក្នុងបន្ទប់ម៉ាស៊ីនត្រជាក់
• កម្រិតសីតុណ្ហភាពកុំឱ្យត្រជាក់ពេក អាចត្រឹម ២៥អង្សា
• ជ្រើសរើសទំហំម៉ាស៊ីនត្រជាក់ដែលសមស្របនឹងទំហំទីតាំងឬទំហំបន្ទប់
• បិទទ្វារ និងបង្អួចនៅពេលដែលម៉ាស៊ីនត្រជាក់កំពុងដំណើរការ

៥. ឆ្នាំងអ៊ុត

• អ៊ុតខោអាចច្រើនតែម្តង កុំអ៊ុតខោអាវតិចៗច្រើនដង ហើយពេលអ៊ុតកុំបាញ់ទឹកសើមពេក
• គ្រលាស់ខោអាវមុនហាល កាត់បន្ថយកុំឱ្យមានភ្លឺច្រើនដែលធ្វើឱ្យត្រូវអ៊ុតយូរ

៦. កំសៀវដាំទឹក

• ដាំទឹកក្នុងចំណុះដែលត្រូវការប្រើ ដកភ្លើងចេញពេលទឹកពុះ
• សម្អាតកំសៀវដាំទឹកឱ្យស្អាតជានិច្ច ចៀសវាងថយចុះនៃកំដៅរបស់កំសៀវ

៧. ទូរទស្សន៍

• កុំបិទទូរទស្សន៍ដោយប្រើតេឡេ ត្រូវចុចប៊ូតុងបិទទូរទស្សន៍តែម្តង ហើយដកខ្សែរភ្លើងងចេញពេលឈប់មើល
• ដាក់ទូរទស្សន៍ឱ្យឃ្លាតពីជញ្ជាំងយ៉ាងតិច ១០ស.ម និងកន្លែងដែលមានខ្យល់ចេញចូល

៨. ទូរទឹកកក

• ដាក់ទូទឹកកកយ៉ាងតិច ១៥ស.មពីជញ្ជាំង រើសទូទឹកកកដែលសមរម្យហើយកុំក្លាហ្សេរបស់ណាមិនចាំបាច់
• ជ្រើសរើសកន្លែងដាក់ទូរទឹកកកដែលឆ្ងាយពីរបស់ដែលមានចំហាយក្តៅ ចៀសវាងបើទូទឹកកកញឹកញាប់

៩. កុំព្យូទ័រ

• បិទម៉ូនីទ័របើមិនប្រើលើសពី១០នាទី ជ្រើសរើសកុំព្យូទ័រដែលមានប្រព័ន្ធសន្សំសំចៃអគ្គិសនី
• បិទកុំព្យូទ័រនៅពេលមិនប្រើប្រាស់រយៈពេលយូរ (ច្រើនជាង២០នាទី)

១០. ម៉ាស៊ីនបោកខោអាវ

• ដាក់ខោអាវបោកឱ្យច្រើនតាមម៉ាស៊ីនកំណត់ ត្រាំខោអាវមុនដោកបោកជួយឱ្យសម្អាតបានស្អាតល្អ

សូមបញ្ជាក់ថា ដើម្បីចូលរួមកាត់បន្ថយការចំណាយទៅលើការប្រើប្រាស់អគ្គិសនី អ្នកប្រើប្រាស់ត្រូវតាមដានការប្រើប្រាស់ដោយខ្លួនឯង និងប្រើប្រាស់ដោយសន្សំសំចៃតាមរបៀបខាងលើងផងដែរ៕