ភ្នំពេញ៖ ថ្ងៃទី៦ ខែវិច្ឆិកា ឆ្នាំ២០២៤ - ពិព័រណ៍វិស័យផ្គត់ផ្គង់ម្ហូបអាហា ភេសជ្ជៈសណ្ឋាគារនិងបដិសណ្ឋារកិច្ចអន្តរជាតិ CAMFOOD & CAMHOTEL 2024 រួមជាមួយព្រឹត្តិការណ៍ប្រកួតប្រជែងផ្នែកបដិសណ្ឋារកិច្ចថ្នាក់ជាតិប្រចាំឆ្នាំ បានបើកទ្វារជាផ្លូវការនាព្រឹកនេះហើយ នៅមជ្ឈមណ្ឌលសន្និបាត និងពិព័រណ៍កោះពេជ្រ (DICEC) ដែលប្រព្រឹត្តទៅរយៈពេលបីថ្ងៃ ចាប់ពីថ្ងៃទី 6 ដល់ថ្ងៃទី 8 ខែវិច្ឆិកា ។
ព្រឹត្តិការណ៍រយៈពេលបីថ្ងៃនេះនឹងមានការតាំងបង្ហាញផលិតផល សេវាកម្មបច្ចេកវិទ្យា និងសកម្មភាពដ៏រស់រវើកនៃនិន្នាការវិត្តន៍ចុងក្រោយបំផុតជាមួយ ទេពកោសល្យ និងគំនិតច្នៃប្រៃឌិត ផ្សារភ្ជាប់ឱកាសពង្រីកក៍ដូចជាស្វែងរកបណ្តាញបន្ថែមសម្រាប់អ្នកជំនាញក្នុងវិស័យហូរីកា HORECA ។
ពិធីបើកសម្ពោធ ដ៏គួរឱ្យចាប់អារម្មណ៍មួយនេះ បានក្លាយជាព្រឹត្តិការណ៍ធំជាងគេប្រចាំឆ្នាំ នៅប្រទេសកម្ពុជាសម្រាប់ឧស្សាហកម្មផ្គត់ផ្គង់ F&B និង HORECA ។ នៅក្នុងសុន្ទរកថាបើក លោកស្រី អាលីស ឡែម Alice Lem នាយកផ្នែកអភិវឌ្ឍន៍អាជីវកម្មនៃក្រុមហ៊ុនអ៊ីនហ័្វរមា Informa Markets បានលើកឡើងថា “ ការរំពឹងទុករបស់យើងសម្រាប់ព្រឹត្តិការណ៍នេះគឺខ្ពស់ ហើយយើងជឿថាវានឹងដើរតួនាទីយ៉ាងសំខាន់ក្នុងការគាំទ្រ និងជំរុញឧស្សាហកម្មរបស់យើង។ យើងរំពឹងថាការតភ្ជាប់ដែលបានបង្កើតឡើង ការចែករំលែកចំណេះដឹង និងការច្នៃប្រឌិតដែលបានបង្ហាញនឹងជៈឥទ្ធិពលយ៉ាងខ្លាំងដល់វិស័យ HORECA ជំរុញកំណើន និងឧត្តមភាពសម្រាប់ឆ្នាំខាងមុខ” ។
លោកស្រី Alice Lem បានសង្កត់ធ្ងន់បន្ថែមថា “នៅក្នុងឧស្សាហកម្មដែលកំពុងវិវឌ្ឍន៍យ៉ាងឆាប់រហ័ស ព្រឹត្តិការណ៍ប្រគួតប្រជែង ក៍ដូចជាពិព័រណ៍ខេមហ្វូត ហូថែល CAMFOOD & CAMHOTEL 2024 មានសារៈសំខាន់សម្រាប់ពង្រីកកិច្ចសហការ និងការច្នៃប្រឌិតបន្ថែមអោយស្របតាមបច្ចេកវិទ្យាសម័យថ្មី។ យើងលើកទឹកចិត្តអ្នកក្នុងវិស័យឱ្យចូលរួមយ៉ាងច្រើនកុះករ ។
ព្រឹត្តិការណ៍នេះត្រូវបានគាំទ្រដោយពេញទំហឹងដោយក្រសួងទេសចរណ៍ និងក្រសួងពាណិជ្ជកម្មកម្ពុជា រួមទាំង សមាគមឧស្សាហកម្មឈានមុខគេ រួមមាន សហព័ន្ធទេសចរណ៍កម្ពុជា (CTF) សមាគមសណ្ឋាគារកម្ពុជា (CHA) សមាគមភោជនីយដ្ឋានកម្ពុជា (CRA) សមាគមចុងភៅកម្ពុជា (CCS)។ ), Academy of Culinary Arts Cambodia (ACAC), វិទ្យាស្ថានម្អូបអារហាកម្ពុជា (PIE) និងសមាគមស្ប៉ា និងសុខភាពកម្ពុជា (CSWA)។
លោក ឌិន សុមេធារិទ្ធ ប្រធានសហព័ន្ធទេសចរណ៍កម្ពុជាបានចែករំលែកការយល់ដឹងដ៏មានតម្លៃអំពីការរីកចម្រើន និងសក្តានុពលរបស់ឧស្សាហកម្មថា “វិស័យបដិសណ្ឋារកិច្ច និងផ្នែកធ្វើម្ហូបរបស់កម្ពុជាកំពុងជួបប្រទះនឹងកំណើនដែលមិនធ្លាប់មានពីមុនមក ដែលជំរុញដោយកំណើនទេសចរណ៍ និងការពង្រីកទីផ្សារក្នុងស្រុក។ ការតាំងពិព័រណ៍នេះជាយុទ្ធសាស្ត្រ ដើម្បីទាញយកទុនលើការបង្កើនការវិនិយោគលើហេដ្ឋារចនាសម្ព័ន្ធទេសចរណ៍ និងបង្កើនកិត្យានុភាពផ្សព្វផ្សាយ ក៍ដូចជាជម្រុញនិងពង្រឹងជំនាញធ្វើ ម្ហូបនិងជំនាញបដិសណ្ឋារកិច្ចលើឆាកអន្តរជាតិ»។
នៅក្នុងសុន្ទរកថាបើក របស់ឯកឧត្តម ប៉ាក់ សុខុម រដ្ឋលេខាធិការ ក្រសួងទេសចរ បានថ្លែងដោយសង្កត់ធ្ងន់លើ តួនាទីសំខាន់របស់ព្រឹត្តិការណ៍នេះក្នុងការជំរុញវិស័យទេសចរណ៍កម្ពុជា។ លោកបានលើកឡើងពីអំណាចនៃបទពិសោធន៍ធ្វើម្ហូបចម្រុះ ដើម្បីលើកកម្ពស់វិស័យទេសចរណ៍ និងជំរុញការផ្លាស់ប្តូរវប្បធម៌។ អ្នកតាំងពិព័រណ៍ជាង 150 កំពុងបង្ហាញការច្នៃប្រឌិតចុងក្រោយបំផុតរបស់ពួកគេទៅកាន់អ្នកជំនាញក្នុងឧស្សាហកម្មចំនួន 12,000 ដែលរំពឹងថានិងមកទស្សនា។ វិសាលភាពនៃព្រឹត្តិការណ៍នេះត្រូវបានពង្រីកបន្ថែមទៀតដោយការបង្ហាញរួមគ្នាជាយុទ្ធសាស្រ្តចំនួនបី មានដូចជា ៖
- វិស័យផ្គត់ផ្គង់បរិក្ខា គ្រាប់កាហ្វេរ ម្ហូបអាហា និងភេសជ្ជៈ
- ឱកាសក្លាយជាអ្នកចែកចាយ ឬដៃគូរអាជីវកម្ម ឬទិញសិទ្ធិផ្តាច់មុខក្នុងវិស័យ F&B និងផ្នែកបដិសណ្ឋារកិច្ច។ ម៉ាកយីហោយីហោ អន្តរជាតិ និងក្នុងស្រុកស្រុកល្បីៗនឹងបង្ហាញគំរូអាជីវកម្មនិងផលិតផលរបស់ពួកគេ ខណៈដែលអ្នកជំនាញក្នុងឧស្សាហកម្មចែករំលែកការយល់ដឹងអំពីការគ្រប់គ្រង និងយុទ្ធសាស្ត្រពង្រីកអាជីវកម្ម។
- បច្ចេកវិទ្យាកែច្នៃអាហារទំនើប ដំណោះស្រាយវេចខ្ចប់ និងឧបករណ៍ផ្ទះបាយ
ពិព័រណ៍បច្ចេកទេសនេះភ្ជាប់ក្រុមហ៊ុនផ្គត់ផ្គង់ផលិតក៍ដូចជាសេវាកម្ម ជាមួយអ្នកជំនាញផ្នែកសេវាកម្មម្ហូបអាហារ សណ្ឋាគារ ហាងកាហ្វេរ ផ្សារទំនើប អ្នកចែកចាយបន្ត ជាមួយ ការច្នៃប្រឌិតចុងក្រោយបង្អស់ក្នុងការផលិត និងការអភិរក្សអាហារកម្ពុជា។
ចំណុចសំខាន់នៃការតាំងពិពណ៌គឺការប្រកួតប្រជែងធ្វើម្ហូបថ្នាក់ជាតិ ដែលបង្ហាញពីទម្រង់ចំនួន ៧ ដែលរុញច្រាន ភាពច្នៃប្រឌិតធ្វើម្ហូបអោយកាន់តែប្រសើរឡើងរួមមាន សិល្បៈតុបតែងនំប៉័ង ការប្រកួតឆ្លាក់រូបផ្លែឈើនិងបន្លែ ការប្រកួតតុបតែងនំ ការប្រកួតចំអិនគុយទាវភ្នំពេញ សាច់គោក្នុងប្រអប់អាថកំបាំង ការប្រកួតចំអិនមាន់ turkey អាមេរិច ការប្រកួតចំអិនអារហាបួស រួមជាមួយការប្រកួតបដិសណ្ឋារកិច្ចថ្នាក់ជាតិ ៤ ប្រភេទទៀតដែលបង្ហាញពីសិល្បៈនៃសេវាកម្មដ៏ល្អឥតខ្ចោះរួមមានការប្រកួត រៀបចំតុរអាហា និងការលើកភេសជ្ជៈ ការប្រកួតតុបតែងគ្រែ និងតុបតែងផ្កា ជាដើម។
បន្ថែមលើភាពរំភើបនោះ មេចុងភៅដ៏ឆ្នើមបំផុតរបស់កម្ពុជាចំនួន ១២ នាក់នឹងបង្ហាញពីជំនាញធ្វើម្ហូបរបស់ពួកគេតាមរយៈការចំអិនផ្ទាល់ រួមមានមេចុងភៅ ឈ្មោះ អ៊ឹម វណ្ណា, ហ៊ាប សុធី, ឆន ស៊ីដេត, ឡេង វាសនា, ទៀង សុខវណ្ណរតនា, មុត សេង, ផល ចំរើន, អ៊ុយ វណ្ណៈ, ផាត់ គឹមហុង, ឆន ម៉ុល, ព្រំ រដ្ឋា និង មុន្នី សម្បត្តិ។ ការចំអិនម្ហូបទាំងនេះនឹងចែករំលែកបច្ចេកទេសប្រកបដោយភាពច្នៃប្រឌិត ជាមួយផលិតផលក្នុងស្រុកដ៏មានសក្ខានុពលយ៉ាងពិសេស។
លោកអ្នកក៍មានឱកាសជួបផ្ទាល់ជាមួយអ្នកផ្គត់ផ្គង់អន្តរជាតិ មកពីប្រទេសវៀតណាម កូរ៉េ ឥណ្ឌា សិង្ហបុរី សហរដ្ឋអាមេរិក អ៊ីតាលី ចិន ថៃ ម៉ាឡេស៊ី ដើម្បីបង្កើតវេទិកាដែលមិនអាចប្រៀបផ្ទឹមបានសម្រាប់ការផ្លាស់ប្តូរវប្បធម៌ និងការច្នៃប្រឌិតថ្មីនៅក្នុងវិស័យបដិសណ្ឋារកិច្ច សំខាន់ៗចំនួន 3 - បរិក្ខារអាហារ អាហារ និងភេសជ្ជៈ និងបដិសណ្ឋារកិច្ច និងលក់ដុំ លក់រាយជាដើម ។
ភាពជោគជ័យនៃព្រឹត្តិការណ៍ដ៏សំខាន់នេះកើតមានបានដោយស្ថិតនៅលើការគាំទ្រពីអ្នកឧបត្ថម្ភធំៗមានដូចជា LSH Cambodia, Camko Brothers (CBC) Cellcard, Aldrisela Coffee Machines, LOKA Japanese Food & Beverage, USA Poultry & Egg Export Council, KSLM Investment, និង UNIDO-Capfish project.
CAMFOOD & CAMHOTEL 2024 បានរំលេចចេញជាកត្តាជំរុញសម្រាប់យុគសម័យថ្មីនៃការច្នៃប្រឌិតធ្វើម្ហូប និងឧត្តមភាពបដិសណ្ឋារកិច្ច។ ព្រឹត្តិការណ៍នេះផ្តល់នូវវេទិកាដែលមិនអាចប្រៀបផ្ទឹមបានសម្រាប់ម្ចាស់អាជីវកម្មក្នុងការតភ្ជាប់ សហការ និងស្វែងរកនិន្នាការ និងបច្ចេកវិទ្យាចុងក្រោយបង្អស់ និង បង្ហាញពីបេតិកភណ្ឌផ្នែកធ្វើម្ហូបដ៏សម្បូរបែបរបស់ព្រះរាជាណាចក្រ រហូតដល់ការបំផុសគំនិតដល់អនាគតមេចុងភៅ និងអ្នកជំនាញផ្នែកបដិសណ្ឋារកិច្ច ជាដើម។ CAMFOOD & CAMHOTEL 2024 គឺជាសញ្ញាបង្ហាញនៃវឌ្ឍនភាព និងជាសក្ខីភាពនៃ បដិសណ្ឋារកិច្ចដ៏រស់រវើករបស់កម្ពុជា។
សម្រាប់ព័ត៌មានបន្ថែមអំពី CAMFOOD & CAMHOTEL 2024 សូមចូលទៅកាន់គេហទំព័រ https://www.camfoodhotel.com/ ។
សម្រាប់ពត៌មានបន្ថែមសូមទាក់ទង ៖
Ms. Vichera
Event Manager
T: +855 87 786 007
