រយៈពេលប៉ុន្នានឆ្នាំចុងក្រោយនេះយើងសង្គេតឃើញថា អគារខ្ពស់ៗជាច្រើនដែលកំពុងរះ សន្លឹមទាំងក្នុងរាធានីភ្នំពេញនឹងតាមបណ្ដាលខេត្តនានាផងដែរ។ ជាក់ស្ដែងបច្ចុប្បន្ននេះកម្ពុជាមានអគារកម្ពស់លើស ៤០ ជាន់សរុប ៥២ អគារ។ នេះបើយោងតាមការលើកឡើងរបស់ឯកឧត្តម ឡៅ ទិព្ធសីហា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណ។
ថ្លែងក្នុងកិច្ចពិភាក្សាតុមូល ស្តីពី «ស្ថានភាពទីផ្សារអចលនទ្រព្យនៅកម្ពុជា» ដែលរៀបចំឡើង ដោយរាជបណ្ឌិត្យសភាកម្ពុជា កាលពីថ្ងៃទី២៣ ខែមិថុនា ឆ្នាំ២០២៣កន្លងទៅនេះ ឯកឧត្តមបានមានប្រសាសន៍យ៉ាងដូច្នេះថា “គិតមកពេលនេះ នៅកម្ពុជាមានអគារចាប់ពីកម្ពស់ ៥ ជាន់ឡើងទៅនៅកម្ពុជា គឺមានចំនួន ២ ៥៨៦ អគារ ក្នុងនោះនៅរាជធានីភ្នំពេញ មានចំនួន ១ ៧១១ អគារ ខេត្តព្រះសីហនុ ៩៩០ អគារ បន្ទាយមានជ័យ ១៤២អគារ ខេត្តផ្សេងទៀត ៤៣ អគារ។ សម្រាប់អគារដែលខ្ពស់បំផុតចាប់ពី ៤០ ជាន់ឡើងទៅ មានចំនួន ៥២ អគារ”។
ក្នុងនោះឯកឧត្តមក៏បានបន្ថែមថា “ចំពោះបុរីលំនៅឋាន និងបណ្ដុំលំនៅឋានមានលក្ខណៈជាបុរី មានចំនួន ៥៧៤គម្រោង។ សំណង់លំនៅឋានប្រភេទល្វែងមានចំនួន ៤ម៉ឺនខ្នងក្នុងរយៈពេល៥ខែនេះ”។
បើតាមការបញ្ជាក់របស់ឯកឧត្តម “សម្រាប់រាជធានីភ្នំពេញ ទីក្រុង និងទីប្រជុំជន មានតម្រូវការប្រមាណ ៨០ម៉ឺនលំនៅឋាន បើគិតជាមធ្យមមានតម្រូវការលំនៅឋាន ប្រមាណជាង ៥ម៉ឺនលំនៅឋានក្នុង១ឆ្នាំ”៕
អត្ថបទដោយ៖ ឌឿក ស្រីនុត
