ចំពោះសិស្ស និស្សិត ដែលចង់រៀនជំនាញបន្ថែមប៉ុន្តែពុំមានលទ្ធភាពគ្រប់គ្រាន់ក្នុងការរៀននោះ ពេលនេះលេងជាបញ្ហាទៀតហើយ ដោយបងប្អូនទាំងអស់គ្នាប្រញាប់ដាក់ពាក្យរៀននៅវិទ្យាស្ថានជាតិពហុបច្ចេកទេសតេជោសែន ព្រោះជិតផុតកំណាត់ការចុះឈ្មោះរៀនហើយ។ វិទ្យាស្ថានដែលកំពុងតែប្រកាសបណ្តុះបណ្តាលជំនាញរៀនឥតគិតថ្លៃនោះមានដូចជា៖

១. ការដំឡើងបណ្តាញអគ្គិសនីក្នុងអគារ

២. សេវាកម្មថែទាំ និងជួសជុលរថយន្ត

៣. ការថែរក្សាសម្ផស្ស និងសំអាងកាយ

៤. សេវាកម្មបរិក្ខារត្រជាក់

៥. សេវាកម្មកុំព្យូទ័រ

៦. សំណង់ (ជាងកំបោរ)

៧. ការផលិតនំ

៨. ផ្សារដែក

លើសពីនេះទៅទៀត ចំពោះជំនាញទាំង៨ នេះ សម្រាប់សិស្សានុសិស្សដែលបោះបង់ការសិក្សាត្រឹមថ្នាក់ទី៩ ក៏អាចចូលរៀនបានដែរ ដោយវិទ្យាស្ថានិងផ្តល់ជូននៅកន្លែងស្នាក់ដោយឥតគិតថ្លៃ ហើយចំណែកថ្នាក់សញ្ញាបត្របច្ចេកទេសនិងវិជ្ជាជីវៈ១ (សិក្សា ១ឆ្នាំ/កម្រិត)។

សូមបញ្ជាក់ថា បើបងប្អូនសិស្សានុសិស្សដែលចង់រៀនវគ្គទាំងនេះ អាចធ្វើការទំនាក់ទំនងទៅកាន់វិទ្យាស្ថានផ្ទាល់ដែលមានទីតាំងនៅភូមិព្រែកសំរោង សង្កាត់តាខ្មៅ ក្រុងតាខ្មៅ ឬធ្វើការទំនាក់ទំនងទៅកាន់លេខទូរស័ព្ទ ០៩៩ ៧៧៧ ៣៧៧,០៩៨ ៤៤៤៤ ៩៥,០៩៣ ៥១៦ ៦៦៩,០១៦ ៤៧៥ ៥៤៤ ៕

អត្ថបទ៖ ធី ស្រីល័ក្ខ