វីដេអូរត់ក្រោមតំណក់ទឹកភ្លៀងរបស់កីឡាការិនីកម្ពុជា បូ សំណាង ក្នុងវិញ្ញាសារត់ចម្ងាយ ៥០០០ម៉ែត្រ ត្រូវបានសារព័ត៌មានកំពូលមួយរបស់អាមេរិក The News York Times ចុះផ្សាយអំពីភាពតស៊ូអត់ធ្មត់របស់នាង។
សារព័ត៌មានកំពូលមួយនេះបានសរសេរយ៉ាងដូច្នេះថា “កីឡាការិនីរត់ប្រណាំងពាក់ស្លាកលេខ៤០១បានអស់កម្លាំងយ៉ាងខ្លះបន្ទាប់ពីនាងរត់តែម្នាក់ឯង ក្រោមព្យុះភ្លៀងជុំវិញផ្លូវកីឡដ្ឋាន។ កីឡាការិនីបូ សំណាង អាយុ២០ឆ្នាំបានបញ្ចប់ការរត់ប្រណាំងដោយមិនមានជ័យជម្នះយ៉ាងណាក៏ដោយក៏ការរត់ប្រណាំងក្រោមភ្លៀងរបស់នាងនៅក្នុងព្រឹត្តិការណ៍កីឡាអាស៊ីអាគ្នេយ៍ ដែលធ្វើក្នុងឆ្នាំនេះនៅប្រទេសកម្ពុជា បានក្លាយជាកំណត់ចំណាំនៅក្នុងការប្រកួតដែលអ្នកគាំទ្រកីឡាក្រៅតំបន់ភាគច្រើនចងចាំ នៅពេលដែលវីដេអូរបស់នាងត្រូវបានផ្សព្វផ្សាយយ៉ាងទូលំទូលាយលើបណ្តាញសង្គម នាងបានក្លាយជាតារាល្បីប្រចាំប្រទេសម្នាក់។ ក្នុងបទសម្ភាសន៍មួយកញ្ញាបាននិយាយថា៖ «ខ្ញុំដឹងថាខ្ញុំនឹងមិនឈ្នះ ប៉ុន្តែខ្ញុំបានប្រាប់ខ្លួនឯងថាខ្ញុំមិនគួរឈប់ទេ»។
គួរបញ្ជាក់ផងដែរថា កីឡារការិនី ប៊ូ សំណាង ប្រកួតក្នុងវិញ្ញាសាររត់ចម្ងាយ៥ពាន់ម៉ែត្រ នារសៀលថ្ងៃទី ០៨ ខែឧសភា ឆ្នាំ២០២៣នៅក្នុងការប្រកួតកីឡា SEA Games 32 ដែលកម្ពុជាធ្វើជាម្ចាស់។ ខណៈកីឡាការិនីរូបនេះទទួលបានចំណាត់ថ្នាក់១១ ក្នុងចំណោមកីឡាការិនីទាំង១០រូបផ្សេងទៀត។ ហើយចំណាត់ថ្នាក់ខ្ពស់ជាងគេចំនួនពីរបានទៅលើវៀតណាមគឺ Nguyen Thi Oanh ដោយប្រើថេរវេលា ១៧នាទីនិង ០.៣៣វិនាទី និងPham Thi Hong Le ១៧ នាទីនិង ៦.៧២វិនាទី៕
អត្ថបទដោយ៖ ពីង ជូអេង
