កាលពីថ្ងៃទី ១៤ ខែវិច្ឆិកា ឆ្នាំ២០២៦ បុរី រ៉ូស (Borey Rose) ដែលជាក្រុមហ៊ុនអភិវឌ្ឍន៍អចលនទ្រព្យល្បីឈ្មោះមួយនៅកម្ពុជា បានរៀបធំពិធីបើកការដ្ឋានបុកគ្រឹះសាងសង់ និងបើកលក់ជាផ្លូវការនូវ គម្រោងលំនៅឋានថ្មីទី ៣ របស់ខ្លួន មានទីតាំងស្ថិតនៅតំបន់ឈូកវ៉ា២ ភាគខាងលិចរាជធានីភ្នំពេញ បន្ទាប់ពីក្រុមហ៊ុនទទួលបានជោគជ័យលើគម្រោងទី ១ និងគម្រោងទី ២ ដែលមានអតិថិជនជាច្រើនបានចូលរស់នៅ និងប្រកបអាជីវកម្ម។

តាមការលើកឡើងពីលោក ហៀង ម៉េងគួង ស្ថាបនិក និងជាអគ្គនាយកក្រុមហ៊ុន បុរី រ៉ូស បានឲ្យដឹងថា មូលហេតុដែលក្រុមហ៊ុនសម្រេចអភិវឌ្ឍន៍គម្រោងទី ៣ របស់ខ្លួននៅតំបន់ឈូកវ៉ា ២ ដោយសារតែតំបន់នេះមានសក្ដានុពលខ្ពស់សម្រាប់ការរស់នៅ និងប្រកបអាជីវកម្មគ្រប់ប្រភេទ។ ជាក់ស្ដែងតំបន់ឈូកវ៉ា ២ បានហ៊ុមព័ទ្ធទៅដោយផ្លូវក្រវាត់ក្រុងទី៣ មហាវិថីសហព័ន្ធរុស្ស៊ី និងផ្លូវធំៗជាច្រើនផ្សេងទៀត ដែលងាយស្រួលក្នុងការចេញ-ចូលក្នុងក្រុង និងទៅបណ្ដាខេត្ដផ្សេងៗ។
ក្រៅពីនោះ ឈូកវ៉ា ២ ក៏ជាតំបន់ដែលមានមនុស្សរស់នៅច្រើនស្រាប់ ព្រមទាំងមានប្រព័ន្ធហេដ្ឋារចនាសម្ព័ន្ធសំខាន់ៗជាច្រើនដូចជា៖ ផ្សារ សាលារៀន និងមន្ទីរពេទ្យ ដែលបង្កភាពងាយស្រួលសម្រាប់ការរស់នៅរបស់អតិថិជន។ ដោយសារកត្ដាទាំងនេះហើយ ក៏នឹងធ្វើឲ្យតម្លៃផ្ទះនៅក្នុងគម្រោងទី៣ នឹងបន្ដកើនឡើងតម្លៃណាពេលអនាគតផងដែរ។ លោក ហៀង ម៉េងគួង បានសង្កត់ធ្ងន់ថា “សម្រាប់អតិថិជន ដែលទិញផ្ទះនៅក្នុងគម្រោងទី៣ របស់បុរី រ៉ូស គឺប្រៀបបាននិងកំពុងសន្សំទ្រព្យឲ្យខ្លួននាពេលអនាគតដូចគ្នា”។
សូមជម្រាបផងដែរថា គម្រោងថ្មីទី៣ នេះក្រុមហ៊ុនបុរី រ៉ូស បានធ្វើការសាងសង់តែ ៨៩ ផ្ទះប៉ុណ្ណោះ និងមានប្រភេទផ្ទះចំនួន ៣ ដូចជា៖ ហ្សបហៅស៍ A (Shop House A) ហ្សបហៅស៍ B (Shop House B) និងវីឡាកូនកាត់ (Link Villa) ដោយប្រភេទផ្ទះនីមួយៗ ត្រូវបានរៀបចំ និងសាងសង់ឡើងយ៉ាងសម្រិតសម្រាំង ដើម្បីឆ្លើយតបទៅនឹងតម្រូវការរស់នៅបែបស៊ីវីល័យ ទំនើប និងមានសុវត្ថិភាពខ្ពស់ ព្រមទាំងផ្តល់នូវឱកាសវិនិយោគអចលនទ្រព្យដែលទទួលបានផលចំណេញខ្ពស់នាពេលអនាគត។ ចំពោះតម្លៃវិញ គឺក្រុមហ៊ុនដាក់លក់ចាប់ពី ៦ ម៉ឺនដុល្លារជាងឡើងទៅ កាន់តែពិសេសសម្រាប់ការបង់រំលស់គឺចាប់ផ្ដើមត្រឹមតែ ២៦៨ ដុល្លារប៉ុណ្ណោះក្នុង ១ ខែ។
ដូច្នេះសម្រាប់លោកអ្នកដែលកំពុងស្វែងរកផ្ទះក្នុងក្ដីស្រមៃសម្រាប់ការរស់នៅ និងបង្កើតសុភមង្គលគ្រួសារ អាចអញ្ជើញមកកាន់គម្រោងទី៣ នៃបុរី រ៉ូស បាន ឬអាចសាកសួរព័ត៌មានលម្អិតតាមរយៈលេខទូរស័ព្ទ៖ 070 370 002 | 095 370 002 ឬហ្វេសប៊ុកផេក Borey Rose៕






