គោលដៅទេសចរណ៍ថ្មីបំផុតរបស់ប្រទេសវៀណាមកំពុងទាក់ទាញភ្ញៀវទេសចរឱ្យចូលមកទស្សនាក្នុងប្រទេសរបស់ខ្លួន នោះគឺស្ពានកញ្ចក់ថ្មីដែលទើបសង់រួចរាល់ និងត្រូវបានហើយត្រូវបានគេចាត់ទុកជាស្ពានវែងជាគេនៅលើលោក ដោយបានបំបែកកំណត់ត្រាស្ពានកញ្ចក់នៅក្នុងប្រទេសចិនផងដែរ។
យោងតាមការដកស្រង់ពី Euronew ដែលចុះផ្សាយកាលពីថ្ងៃទី៥ ខែឧសភា ឆ្នាំ២០២២ ស្ពានកញ្ចក់ថ្មើជើងថ្មីនេះមានឈ្មោះថា Bach Long គឺជាស្ពានអាកាសដែលធ្វើពីកញ្ជក់មានកម្ពស់ ១៥០ ម៉ែត្រ និង មានប្រវែង ៦៣០ ម៉ែត្រ។ ស្ពាននេះបានវ៉ាដាច់ស្ពានកញ្ចាក់នៅប្រទេសចិនដែលមានប្រវែងត្រឹមតែ ៤៣០ ម៉ែត្រប៉ុណ្ណោះ។ ស្ពានកញ្ចក់របស់វៀតណាមនេះដែរ គឺស្ថិតនៅក្នុងខេត្ត Son La ភាគពាយ័ព្យនៃប្រទេស។
ប្រភបដដែលបញ្ជាក់ថា ស្ពាននេះធ្វើឡើងពីកញ្ចក់ដែលមានឈ្មោះថា Tempered មាន ៣ ស្រទាប់ និងមានកម្រាស់ ៤០ មីលីម៉ែត្រហើយអាចផ្ទុកមនុស្សបានរហូតទៅ ៤៥០ នាក់ក្នុងពេលតែមួយផងដែរ។ ក្នុងនោះលោក Hoang Manh Duy ជាអ្នកនាំពាក្យមកពីក្រុមហ៊ុនប្រតិបត្តិការស្ពានបានឱ្យដឹងថា “ ពេលលលោកអ្នកឈរពីលើស្ពាន លោកអ្នកអាចគយគន់សម្រស់ធម្មជាតិនៅខាងក្រោម” ។
សូមជម្រាបថា បន្ទាប់ពីការធ្លាក់ចុះភ្ញៀវទេសចរ ដោយសារកូវីត១៩ និងបិទប្រទេសអស់រយៈពេលពីរឆ្នាំកន្លងទៅនេះ ប្រទេស វៀណាមកំពុងស្វែងរកការទាក់ទាញភ្ញៀវទេសចរណ៍ត្រឡប់មកវិញ តាមរយៈស្ពានកញ្ចក់នេះ។ ក្នុងនោះដែរ អ្នកស្រុក Bui van Thach បានមានប្រសាសន៍ថា “ ខ្ញុំសង្ឃឹមថា ស្ពាននេះនឹងទាក់ទាញភ្ញៀវទេសចរជាតិ និង អន្តជាតិកាន់តែច្រើនមកកាន់តំបន់របស់យើង”៕
អត្ថបទ៖ ឌឿក ស្រីនុត រតនៈ
