បច្ចុប្បន្ន មានមេរោគគ្រោះថ្នាក់មួយឈ្មោះ Anatsa Trojan បានបង្ហាញខ្លួនឡើងវិញនៅលើទូរស័ព្ទ Android។ វាលាក់ខ្លួននៅក្នុងកម្មវិធីឈ្មោះ “Document Reader – File Viewer” ដែលធ្លាប់មាន ៥០,០០០ ដោនឡូដ នៅលើ Google Play Store។

ទោះបីវាមានរូបរាងដូចជា App ធម្មតាក៏ដោយ តែវាត្រូវបានបង្កើតឡើងដើម្បីចូលលួចទិន្នន័យក្នុងទូរស័ព្ទអ្នកប្រើប្រាស់។ បន្ទាប់ពីអ្នកបានដំឡើងវាលើទូរស័ព្ទដៃរួចហើយ កម្មវិធីនេះនឹងបង្ហាញសារ “Scheduled Maintenance” ដើម្បីឲ្យអ្នកប្រើប្រាស់គិតថា App នេះសុវត្ថិភាព ប៉ុន្តែនៅពីក្រោយវាកំពុងលួចព័ត៌មានធនាគារដូចជា ឈ្មោះអ្នកប្រើ, លេខសម្ងាត់ និងព័ត៌មានហិរញ្ញវត្ថុផ្សេងៗ។

គួរជម្រាបផងដែរថា ប្រសិនបើអ្នកមានកម្មវិធី “Document Reader” សូមលុបចេញពីទូរស័ព្ទដៃភ្លាម, Scan ទូរស័ព្ទ ដោយ Google Play Protect ឬ app antivirus និងប្តូរពាក្យសម្ងាត់ ហើយពិនិត្យសកម្មភាពគណនីធនាគារ មុនត្រូវបានក្រុម Hacker ចូលយកលុយរបស់អ្នកអស់ពីកុង៕

អត្ថបទដោយ៖ កាន់ ដារ៉ា (ស្មេរពនេចរ) សៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម  https://t.me/BusinessCambodiaBook