ជាដំណឹងដ៏រីករាយមួយសម្រាប់ប្រិយមិត្តដែលនិយមពេញចិត្តរថយន្តរបស់ក្រុមហ៊ុន Lexus ជាពិសេសបងប្អូនដែលស្រលាញ់ឡានប្រភេទ Sedan កាត់ស្ព័រ ត្រូវប៉ាន់តែម្តង ដោយពេលនេះក្រុមហ៊ុន Lexus បានបញ្ចេញរថយន្តស៊េរីថ្មីរបស់ខ្លួនមួយទៀតហើយគឺរថយន្ត Lexus ES ឆ្នាំ២០២៥ត្រៀមចេញលក់នៅទីផ្សារសហរដ្ធអាមេរិកនៅខែខាងមុខនេះហើយ។

យោងតាមការចុះផ្សាយលើគេហទំព័រ AUTO EVOLUTION បានឱ្យដឹងថា រថយន្ត Lexus ES ស៊េរីឆ្នាំ 2025 អាចប្រើបានជាមួយកម្លាំងម៉ាស៊ីនចំនួន ៣ ដោយទី១ប្រភេទ ES 350 ដំណើរការដោយម៉ាស៊ីនសុាំងចំណុះ ៣,៥លីត្រ V6 ដែលអាចផ្តល់កម្លាំងសរុបបានចំនួន ៣០២សេះ។ មួយទៀតប្រភេទ ES 300h ដំណើរការដោយម៉ាស៊ីន ៤ ស៊ីឡាំង ចំណុះ ២.៥ លីត្រ អាចបង្កើតកម្លាំងបានរហូតដល់ទៅ ២០៣ សេះ។ និងចុងក្រោយប្រភេទ ES 250 AWD មានម៉ាស៊ីន ៤ ស៊ីឡាំង ចំណុះ ២.0 លីត្រ ដែលដំណើរការស្របគ្នាជាមួយម៉ូទ័រអេឡិចត្រិចអាចបង្កើតកម្លាំងបានរហូតដល់ទៅ ២៤៧ សេះ។

បើនិយាយអំពីតម្លៃវិញ Lexus ES ឆ្នាំ ២០២៥ មានតម្លៃចាប់ផ្តើមពី ៤៣,១៩០ដុល្លារ សម្រាប់ម៉ូដែលមូលដ្ឋាន ហើយ ES 350 F Sport Handling ជាមួយនឹងកញ្ចប់ Black Line Special Edition មានតម្លៃចាចាប់ផ្តើមពី ៤៩,៦៥០ (តម្លៃនៅបរទេស) ។

សរុបមក Lexus ES ស៊េរីឆ្នាំ ២០២៥គឺជារថយន្តដ៏ប្រណិត និងប្រកបដោយផាសុកភាព ដែលផ្តល់នូវជម្រើសជាច្រើននៃកម្លាំងម៉ាស៊ីន។ កញ្ចប់ Black Line Special Edition បន្ថែមភាពទាក់ទាញនៃរចនាប័ទ្មកីឡាទៅនឹងម៉ូដែល ES 350 F Sport Handling ៕