រាជធានីភ្នំពេញ ថ្ងៃទី១៩ ខែមករា ឆ្នាំ២០២៥៖ មជ្ឈមណ្ឌលភាសា អេ អាយ អាយ បានបញ្ចប់ការប្រារព្ធខួប ២០ឆ្នាំ របស់ខ្លួនដោយជោគជ័យយ៉ាងត្រចះត្រចង់បំផុតជាមួយនឹងព្រឹត្តិការណ៍ទិវាគ្រួសារ(1st Family Day) និងការប្រគំតន្ត្រីសប្បុរសធម៌ (Concert for a Cause) ដែលបានធ្វើឡើងកាលពីថ្ងៃទី១៨ ខែមករា ឆ្នាំ២០២៥ កន្លងទៅនេះនៅ Sunshine Family Park ដែលមានការចូលរួមដោយព្រះវត្តមាន ព្រះនាង នរោត្តម ជេណា លោក ថេណា លោក S.A.M លោក David លោក សុខ សម្បត្តិ និង សិល្បករជាច្រើនទៀត! ព្រឹត្តិការណ៍នេះពិតបានផ្តល់នូវភាពរំភើបសប្បាយរីករាយ និងអនុស្សាវរីយ៍មិនអាចបំភ្លេចបានដល់សិស្សានុសិស្ស មាតាបិតា អ្នកអាណាព្យាបាល សិស្សស្ម័គ្រចិត្ត សប្បុរសជន និងសហគមន៍ផងដែរ។
នេះជាព្រឹត្តិការណ៍ប្រវត្តិសាស្ត្រលើកទី១ហើយ ដែលគ្រឹះស្ថានអប់រំផ្នែកភាសាបរទេសដូច Aii ដែលជាបុត្រសម្ព័ន្ធរបស់ក្រុមហ៊ុន ម៉េងលី ជេ. គួច អេឌ្យូខេសិន បានប្រារព្ធនូវការប្រគំតន្ត្រីដ៏ធំបំផុតនេះឡើងដែលប្រមូលផ្តុំនូវវត្តមានសិល្បករកំពូលៗល្បីៗរបស់កម្ពុជាសម្តែងនៅលើឆាកបែបនេះ!
អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិនៃក្រុមហ៊ុន ម៉េងលី ជេ. គួច អេឌ្យូខេសិន ក៏បានចែករំលែកសារដែលពោរពេញដោយក្តីស្រឡាញ់ការជំរុញទឹកចិត្ត និងក្តីសង្ឃឹមថា “កាលពីមុនយើងមានតែ ១ សាខា និងចំនួនសិស្សតែ ៤ នាក់ប៉ុណ្ណោះ! ប៉ុន្តែឥឡូវនេះទាំង Aii និង AIS យើងមានចំនួនសិស្សានុសិស្សជាង ២៤,០០០ នាក់ និង សាខាចំនួន ២៤! ដោយសារតែមានការគាំទ្រ និងជឿជាក់ពីសិស្សានុសិស្ស មាតាបិតា អ្នកអាណាព្យាបាល បានធ្វើឱ្យចំនួនសិស្សានុសិស្សរបស់យើងមានការកើនឡើងជារៀងរាល់ថ្ងៃ រាល់ខែ និងរាល់ឆ្នាំ។សិមិទ្ធផលដ៏អស្ចារ្យនេះផងដែរកើតឡើងបានក៏ដោយសារតែមាន គណៈគ្រប់គ្រង បុគ្គលិក លោកគ្រូអ្នកគ្រូ ទាំងអស់ដែលបានខិតខំប្រឹងប្រែង លះបង់កម្លាំងកាយចិត្ត គាំទ្រ និងចូលរួមបរិច្ចាគ គ្រប់ពេលសម្រាប់សាលារៀន និងក្រុមហ៊ុនរបស់យើង” ។
អ្នកឧកញ៉ា វេជ្ជបណ្ឌិត គួច ម៉េងលី ក៏បានបន្ថែមផងដែរថា “យើងសង្ឃឹមថា លោកអ្នកទាំងអស់គ្នានឹងបន្តចូលរួមបរិច្ចាគសម្រាប់ជួយទ្រទ្រង់ដល់ដល់មន្ទីរពេទ្យ គន្ធបុប្ផា ក៏ដូចជាជួយដល់កុមារ និងប្រជាជនយើង!”
ក្នុងកម្មវិធី “ទិវាគ្រួសារ” របស់មជ្ឈមណ្ឌភាសា អេ អាយ អាយ (1st Family Day) បានផ្តល់នូវសកម្មភាពកម្សាន្តជាច្រើន មានអាហារឆ្ងាញ់ៗ សកម្មភាពលេងហ្គេមកម្សាន្តសប្បាយៗ និងការសម្តែងពិសេសពីសិស្សានុសិស្ស នៃមជ្ឈមណ្ឌលភាសា អេ អាយ អាយ (Aii) និងសិស្សានុសិស្ស នៃសាលារៀនអន្តរទ្វីប អាមេរិកាំង (AIS) ខណៈដែលកម្មវិធីប្រគំតន្ត្រីសប្បុរសធម៌ (Concert for a Cause) នាពេលល្ងាចមានវត្តមានចូលរួមពីតារាចម្រៀងល្បីៗប្រចាំព្រះរាជាណាចក្រកម្ពុជារបស់យើង។ ថវិកាដែលយើងទទួលបានពីការលក់សំបុត្រនឹងយកទៅបរិច្ចាគជូនមន្ទីរពេទ្យគន្ធបុប្ផា និងមូលនិធិ ម៉េងលី ជេ. គួច។
យើងក៏សូមចូលរួមអបអរសាទរដល់អ្នកចូលរួមដែលមានសំណាងឈ្នះរង្វាន់ពីកម្មវិធីរបស់យើងដែលមានដូចជា៖
១. (A004801) ឈ្នះរង្វាន់កុំព្យូទ័រម៉ែកប៊ុក (MacBook)
២. (B003291) ឈ្នះរង្វាន់កុំព្យូទ័រយួរដៃ ACER LAPTOP
៣. (B001152) ឈ្នះរង្វាន់ទឹកប្រាក់សុទ្ធ ១លាន រៀល
៤. (B003075) ឈ្នះសំបុត្រទស្សនាភាពយន្តរយៈពេល ១ឆ្នាំ ឥតគិតថ្លៃ
៥. (A001323) ឈ្នះសំបុត្រទស្សនាភាពយន្តរយៈពេល ១ឆ្នាំ ឥតគិតថ្លៃ
៦. (A001892) ឈ្នះគូប៉ុងសាច់ប្រាក់ ៣០ ដុល្លារ ធ្វើដំណើរតាម TADA
៧. (A004850) ឈ្នះគូប៉ុងសាច់ប្រាក់ ៣០ ដុល្លារ ធ្វើដំណើរតាម TADA
៨. (A001893) ឈ្នះគូប៉ុងសាច់ប្រាក់ ៣០ ដុល្លារ ធ្វើដំណើរតាម TADA
៩. (A001894) ឈ្នះគូប៉ុងសាច់ប្រាក់ ៣០ ដុល្លារ ធ្វើដំណើរតាម TADA
១០. (A000757) ឈ្នះគូប៉ុងសាច់ប្រាក់ ៣០ ដុល្លារ ធ្វើដំណើរតាម TADA
គូសរម្លឹកផងដែរថាព្រឹត្តិការណ៍ប្រវត្តិសាស្ត្រដ៏អស្ចារ្យនេះអាចប្រព្រឹត្តទៅបានក៏ព្រោះតែមានការចូលរួមសហការពីអ្នកឧបត្ថម្ភរបស់យើងដូចជា៖ Sunshine Family Park, Pepsi, TADA, iOne, United Knowledge, EUGENETEK (CAMBODIA) CO., LTD. (Prime Cineplex), M Printing, Taing Kork Company, Proseth Solutions Co., Ltd., Power Live, Monument Books, GB & Coffee (Green Baker & Coffee) and Akara Dental Clinic។
ជាទីបញ្ចប់ ក្រុមហ៊ុន ម៉េងលី ជេ. គួច អេឌ្យូខេសិន និងមជ្ឈមណ្ឌលភាសា អេ អាយ អាយ សូមថ្លែងអំណរគុណដល់ ព្រះវត្តមាន ព្រះនាង នរោត្តម ជេណា សិល្បករទាំងអស់ ពិធីការនី ពិធីករ Jake Arcilla, Catherine Yue (Mutita), Nox, Sireya សិស្សានុសិស្ស សិស្សស្ម័គ្រចិត្ត សប្បុរសជន និងដៃគូសហការឧបត្ថម្ភទាំងអស់ដែលបានបរិច្ចាគក៏ដូចជាធ្វើឱ្យព្រឹត្តិការណ៍ប្រគំតន្ត្រីសប្បុរសធម៌នៃខួបគម្រប់ ២០ឆ្នាំ របស់ Aii ដ៏អស្ចារ្យនេះប្រព្រឹត្តទៅដោយរលូន និងជោគជ័យ។
Aii គឺជាគ្រឹះស្ថានអប់រំឈានមុខគេមួយនៅប្រទេសកម្ពុជា ដែលផ្តល់ជូននូវកម្មវិធី និងវគ្គសិក្សាយ៉ាងសម្បូរបែបលើ ជំនាញភាសាអង់គ្លេស ភាសាចិន និងភាសាថៃ។ ដោយមានការប្តេជ្ញាចិត្តយ៉ាងមុតមាំលើការផ្តល់ការអប់រំប្រកបដោយគុណភាព និងភាពជោគជ័យរបស់សិស្សានុសិស្ស Aii ទទួលបានកេរ្តិ៍ឈ្មោះ និងទំនុកចិត្តក្នុងការផ្តល់ការអប់រំលើជំនាញភាសាបរទេស៕
