ធនាគារ ABA បានទទូចឲ្យអតិថិជនទាំងអស់ កុំប្រើប្រាស់គណនី ABA របស់ខ្លួន ដើម្បីធ្វើប្រតិបត្តិការទិញ/លក់រូបិយប័ណ្ណគ្រីបតូ ឬទ្រព្យឌីជីថល រួមទាំងប្រតិបត្តិការ P2P ផងដែរ ខណៈអាចឈានដល់ការរឹតត្បិតនានាលើការប្រើប្រាស់គណនីផ្ទាល់តែម្តង។ នេះបើយោងតាមសេចក្តីប្រកាសរបស់ធនាគារ ABA កាលពីរសៀលថ្ងៃទី ២៦ ខែវិច្ចិកា ឆ្នាំ២០២៥។
យ៉ាងណាមិញ សេចក្តីប្រកាសនេះធ្វើឡើងដើម្បីឆ្លើយតបតាមការអំពាវនាវរបស់ធនាគារជាតិនៃកម្ពុជា ដោយបច្ចុប្បន្នពិនិត្យឃើញថាមាន ការចរាចរ ទិញ លក់ ទូទាត់ ផ្សព្វផ្សាយ រូបិយវត្ថុ Cryto ដូចជា Bitcion និងឧបករណ៍អេឡិចត្រូនិចប្រហាក់ប្រហែល ដោយមិនមានច្បាប់អនុញ្ញាត និងមិនមានការទទួលស្គាល់ពីធនាគារជាតិនៃកម្ពុជាឡើយ។
ក្នុងនោះ ការផ្សព្វផ្សាយ និងការធ្វើប្រតិបត្តិការណ៍ទាំងនេះ អាចបង្កហានិភ័យដល់សាធារណជន និងជាមធ្យោបាយសម្រាប់ការសម្អាតប្រាក់ ហិរញ្ញប្បទានភេវរកម្ម និងទីផ្សារងងឹត ដោយសារអ្នកប្រើប្រាស់និងវិនិយោគិនមួយចំនួនមិនមានការយល់ដឹងពីរូបិយវត្ថុ Cryto ដែលងាយរងការឆបោកផ្សេងៗ។
គួរជម្រាបផងដែរថា ធនាគារ ABA ជាគ្រឹះស្ថានហិរញ្ញវត្ថុឯកជនឈានមុខមួយរបស់កម្ពុជា។ ដោយត្រូវបានបង្កើតឡើងក្នុងឆ្នាំ ១៩៩៦ មានឈ្មោះថាធនាគារ វឌ្ឍនៈអាស៊ី ចំកាត់ ខណៈបច្ចុប្បន្នបានក្លាយជាធនាគារពាណិជ្ជធំបំផុតនៅកម្ពុជាគិតលើទ្រព្យសកម្មមានជាង ៣៩០ ប៊ីលានដុល្លារអាមេរិក, ប្រាក់បញ្ញើ, កម្ចីដុល និងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ ២០២១ ដល់ ២០២៤ របស់ធនាគារជាតិនៃកម្ពុជា។
ឆ្លងកាត់រយៈពេល ២៧ឆ្នាំ ក្នុងវិស័យធនាគារ ABA បានពង្រឹងជំហររបស់ខ្លួនយ៉ាងរឹងមាំក្នុងទីផ្សារ ដើម្បីបម្រើសេវាជូនដល់បណ្ដាអតិថិជនជាច្រើនដូចជា សហគ្រាសធុនតូច និងមធ្យម, អាជីវកម្មខ្នាតតូច និងរូបវន្តបុគ្គល។ ជាមួយបណ្ដាញសាខាចំនួន ១០១, ម៉ាស៊ីនស្វ័យសេវាជាង ១៨០០+ នៅទូទាំងប្រទេស, សេវាធនាគារអនឡាញ និងកម្មវិធីធនាគារតាមទូរស័ព្ទដ៏ទំនើប បានធ្វើឲ្យធនាគារ ABA អាចបម្រើអតិថិជនបានកាន់តែច្រើនឡើងៗ ជាមួយសេវាហិរញ្ញវត្ថុដ៏ទំនើបសម្បូរបែបនេះ គ្រប់ពេលវេលា និងគ្រប់ទីកន្លែង។ ករណីមានចម្ងល់បន្ថែម សូមទាក់ទងទៅកាន់ភ្នាក់ងារតាមរយៈទូរសារ info@ababank.com ឬផ្នែកបម្រើសេវាកម្មតាម Facebook Chat, Online Chat ឬទំនាក់ទំនងទៅកាន់ទូរស័ព្ទលេខ 1800 203 203 / +855 98 203 203 / +855 98 203 333 ដែលរង់ចាំបម្រើសេវាកម្មជូនអតិថិជន ២៤/៧។
