ខណៈពេលអាជីវកម្មតូចធំកំពុងរីកដូចផ្សិត ការចាប់ផ្តើមអាជីវកម្មបានក្លាយទៅបញ្ហាដ៏ឈឺក្បាលរបស់អ្នករកស៊ីថ្មីថ្មោង មិនដឹងចាប់ផ្តើមមុខរបរអ្វីមានឱកាសខ្ពស់ក្នុងទីផ្សារ។ យ៉ាងណាមិញថ្ងៃនេះផងដែរយើងសូមលើកយកនូវគំនិតអាជីវកម្ម Start-Up ចំនួន៥ប្រភេទ សម្រាប់ចង់ចាប់ផ្តើមអ្នករកស៊ី អាចសម្លឹងមើល និងពិចារណាឱកាសបាន។​

១.សរសេរវេបសាយ

ការសរសេរមាតិកាគឺមានឥទ្ធិពលសម្រាប់ការផ្សាយពាណិជ្ជកម្ម ប្រសិនបើការសរសេរឬវីដេអូមាតិកាប្រភេទណាមួយផ្ទុះដល់អតិថិជនជាច្រើនលាននាក់ ពោលកាលណាប្លុករបស់អ្នកកាន់តែមានឥទ្ធិពល អ្នកនឹងទទួលបានការផ្សព្វផ្សាយពាណិជ្ជកម្មកាន់តែច្រើនដូចគ្នា។ ដោយឡែកការសរសេរវេសាយឬធ្វើវីដេអូនេះដែរ ជាប្រភេទអាជីវកម្មមានសក្តានុពលសម្រាប់សម័យអ៊ីនធើណេតនេះ ប៉ុន្តែការងារមួយនេះគឺទាមទារឱ្យអ្នកធ្វើមានទេពកោសល្យក្នុងការសរសេរ និងរៀបរៀងមាតិកាសម្បូរបែបឬផ្តោតឱ្យចំទៅលើគោលដៅណាមួយ។

២. ការពារបណ្តេញសង្គម

ប្រសិនបើជាបងប្អូនជាអ្នកព័ត៌មានវិទ្យា ចេះប្រើប្រាស់ប្រព័ន្ធទំនាក់ទំនងនិងកុំព្យូទ័រ អាជីវកម្មខ្នាតតូចមួយនេះសក្តិសមសម្រាប់បងប្អូន គឺធ្វើជាអ្នកការពារបណ្តេញសង្គមរបស់អ្នកប្រើប្រាស់ ផ្សេងៗដែលមានអ្នកតាមដានច្រើន ពួកគេនឹងត្រូវការសេវាកម្មថែទាំប្រព័ន្ធសុវត្ថិភាពតឹងរឹង។  ដូច្នេះអាជីវកម្មខ្នាតតូច១ប្រភេទនេះនឹងអាច ជួយដោះស្រាយបញ្ហា​ដល់ម្ចាស់អាជីវកម្មតូចធំ តារាល្បីៗ ការពារអ្នកលួចចូលអាខោន និងអ្នកបោកប្រាស់គ្រប់ទម្រង់ ដែលបងប្អូនអាចរៀបចំជាក្រុមហ៊ុនសេវាកម្មការពារតែម្តង។

៣. សេវាកម្ម SEO

សេវាកម្មមួយនេះមកពីពាក្យពេញថា (Search Engine Optimization ) គឺការអនុវត្តយុទ្ធសាស្ត្រអ៊ីនធឺណិត និងការអភិវឌ្ឍន៍គេហទំព័រសម្រាប់បង្កើនប្រសិទ្ធភាពឱ្យខ្លាំងជាងមុនទ្វេដង ពោលគឺរបៀបនៃការធ្វើបណ្តេញសង្គមឱ្យមានប្រសិទ្ធិភាពខ្ពស់។ ឧទាហរណ៍ដូចជា យុទ្ធសាស្រ្តបណ្តេញសង្គម យុទ្ធសាស្រ្តមាតិកា និងពាក្យគន្លឹះជាច្រើនទៀត។ សម្រាប់សេវាកម្មមួយនេះមានតម្រូវការច្រើនសម្រាប់វិស័យ វេជ្ជសាស្រ្ត អចលនទ្រព្យ អាជីវកម្មអនឡាញ និងភោជនីយដ្ឋានជាដើម។

៤. សេវាកម្មសរសេរផែនការអាជីវកម្ម

អ្នកសរសេរផែនការអាជីវកម្ម/ អ្នកប្រឹក្សាយោបល់ គឺជាអ្នកជំនាញខាងអាជីវកម្មនិងហិរញ្ញវត្ថុ ដែលអាចជួយណែនាំអតិថិជន ក្នុងដំណើរការ ការបង្កើតផែនការអាជីវកម្ម និងធ្វើការងារជាច្រើនដែលពាក់ព័ន្ធនឹងការបង្កើតមុខរបរមួយឡើង។ សេវាកម្មមួយនេះសក្តិសមសម្រាប់បងប្អូនដែលយល់ច្បាស់ពីទម្រង់ទាំងមូលរបស់អាជីវកម្ម ធ្វើការស្រាវជ្រាវច្រើនលើអាជីវកម្ម ដើម្បីដោះស្រាយបញ្ហាឈឺក្បាលរបស់អតិថិជនដែលមិនចេះរៀបចំរចនាសម័្ធន្ត និងធ្វើផែនការអាជីវកម្មសម្រាប់មុខរបររបស់ពួកគេ។

ជាការពិតណាស់ Start-Up គឺជាអាជីវកម្មតូចប៉ុន្តែអាចដោះស្រាយបញ្ហាមនុស្ស ដោយចាប់ផ្តើមប្រើដើមទុនតិចបំផុត ​ហើយជាអាជីវកម្មដែលមិនស្វែងរកប្រាក់ចំណេញខ្លាំងពេកនោះទេ។ យ៉ាងណាមិញគំនិតអាជីវកម្មបែបបច្ចេកវិទ្យាខាងលើនេះ គឺអាចចាប់ផ្តើមពីដើមទុនតិច ប្រើជំនាញច្រើន​ មានឱកាសខ្ពស់ តម្រូវការទីផ្សារខ្លាំង ដែលបងប្អូនអាចសម្លឹងមើលឬពិចារណាចាប់ឱកាសបាន៕

អត្ថបទដោយ៖ ពីង ជូអេង