និន្នាការបច្ចុប្បន្ន មានជំនាញមួយចំនួនកំពុងហក់ឡើងតម្រូវការខ្ពស់យ៉ាងខ្លាំង លើសពីសម័យមុនៗ ដោយសារការកើនឡើងនៃបច្ចេកវិទ្យា AI, សេដ្ឋកិច្ចឌីជីថល និងការផ្លាស់ប្តូរទីផ្សារ។ ខាងក្រោមនេះ គឺជាកំពូលជំនាញ ៣ ដែលចំណូលខ្ពស់ និងបង្កើតសេដ្ឋីបានច្រើនបំផុតក្នុងឆ្នាំ ២០២៥៖

១/. បញ្ញាសិប្បនិម្មិត (Artificial Intelligence - AI) និងការរៀនម៉ាស៊ីន (Machine Learning - ML)

AI កំពុងក្លាយជាបេះដូងនៃឧស្សាហកម្មស្ទើរតែទាំងអស់។ អ្នកដែលពូកែខាងអភិវឌ្ឍ ដាក់ពង្រាយ ឬប្រើប្រាស់ដំណោះស្រាយ AI ប្រកបដោយភាពច្នៃប្រឌិត (ដូចជា AI-powered products, robotics, automation systems) អាចបង្កើតក្រុមហ៊ុនដែលដោះស្រាយបញ្ហាទ្រង់ទ្រាយធំ និងមានតម្លៃទីផ្សារខ្ពស់បំផុត។ ជំនាញសំខាន់ៗមានដូចជា វិស្វកម្ម AI, វិទ្យាសាស្ត្រទិន្នន័យ, គំរូ ML (ML Modeling), ជំនាញបង្កើតប្រូម (AI Prompting) ជាដើម។

២/. បច្ចេកវិទ្យាផ្នែកហិរញ្ញវត្ថុ (FinTech) និងការវិនិយោគទុន

ហិរញ្ញវត្ថុគឺជាប្រភពដ៏ធំបំផុតនៃទ្រព្យសម្បត្តិ។ បច្ចេកវិទ្យាផ្នែកហិរញ្ញវត្ថុ (ដូចជា Blockchain, ការទូទាត់ឌីជីថល, វេទិកាវិនិយោគថ្មី) កំពុងផ្លាស់ប្តូររបៀបដែលលុយ ឬចរន្តសាច់ប្រាក់ត្រូវបានគ្រប់គ្រង។ ជំនាញសំខាន់ៗមានដូចជា ការយល់ដឹងផ្នែកហិរញ្ញវត្ថុ, យុទ្ធសាស្រ្តវិនិយោគ, ការវិភាគទីផ្សារ, ជំនាញទាក់ទងនឹង Blockchain/Crypto, ហានិភ័យ Cybersecurity ផ្នែកហិរញ្ញវត្ថុជាដើម។

៣/. ការអភិវឌ្ឍន៍ Software កម្រិតខ្ពស់ និង Cloud Computing

រាល់អាជីវកម្មសម័យទំនើបស្ទើរទាំងស្រុងបានពឹងផ្អែកប្រតិបត្តិការបែបឌីជីថល។ អ្នកអភិវឌ្ឍន៍ Software ជាន់ខ្ពស់ និងអ្នកជំនាញ Cloud Computing (AWS, Azure, Google Cloud) មិនត្រឹមតែមានប្រាក់ខែខ្ពស់ប៉ុណ្ណោះទេ ប៉ុន្តែពួកគេក៏ជាស្ថាបនិកបង្កើតវេទិកា ឬសេវាកម្មទូទាំងពិភពលោកផងដែរ។ ជំនាញសំខាន់ៗមានដូចជា Full Stack Development, Cloud Architecture, Cybersecurity, DevOps និងការគ្រប់គ្រងទិន្នន័យធំ (Big Data Management) ជាដើម។

យ៉ាងណាមិញ ក្រៅពីជំនាញបច្ចេកទេស ដើម្បីរកប្រាក់ចំណូលបានច្រើនតម្រូវឲ្យមាន ជំនាញភាពជាអ្នកដឹកនាំ, ភាពវៃឆ្លាតផ្នែកអារម្មណ៍, សមត្ថភាពក្នុងការដោះស្រាយបញ្ហាដ៏ស្មុគស្មាញ និង ឆន្ទៈក្នុងការប្រថុយផងដែរ។ ដូច្នេះចូរចាប់ផ្តើមឥឡូវនេះ ជាមួយអ្វីដែលអ្នកមាន ហើយធ្វើវាឲ្យល្អបំផុត នោះជីវភាពអ្នកនឹងប្រសើរ៕

អត្ថបទដោយ៖ កាន់ ដារ៉ា (ស្មេរពនេចរ) សៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម    https://t.me/BusinessCambodiaBook