មុននេះបន្តិច យោងតាមការចុះផ្សាយដោយ បេឡាជាតិសន្តិសុខសង្គម នៃក្រសួងការងារ និងបណ្តុះបណ្តាល វិជ្ជាជីវៈ បានប្រកាសប្រាប់ដល់សមាជិក ប.ស.ស ទាំងអស់ឱ្យដឹងថា បេឡាជាតិសន្តិសុខសង្គម បានបញ្ចប់កិច្ចព្រម ព្រៀងស្តីពីការប្រើប្រាស់និងការផ្តល់សេវាសុខាភិបាលរវាង ប.ស.ស. និងមូលដ្ឋានសុខាភិបាលឯកជន ចំនួន២ ក្នុងការផ្តល់សេវាជូនសមាជិក ប.ស.ស. មានដូចជា៖
១. មន្ទីរសម្រាកព្យាបាល មង្គលទួលពង្រ៖ ផ្ទះលេខA១-A២ ផ្លូវទួលពង្រ សង្កាត់ព្រៃស ខណ្ឌដង្កោ រាជធានីភ្នំពេញ។
២. មន្ទីរសម្រាកព្យាបាល ពន្លឺអង្គរ៖ ផ្ទះលេខ៩៤C ផ្លូវលំភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ក្នុងន័យនេះ ប.ស.ស. នឹងមិនធ្វើការទូទាត់ថ្លៃសេវាព្យាបាល និងថែទាំវេជ្ជសាស្ត្រជូនមូលដ្ឋាន សុខាភិបាលឯកជនទាំងពីរខាងលើ តាមរយៈការចូលប្រើប្រាស់សេវារបស់សមាជិក ប.ស.ស. ចាប់ពីកាលបរិច្ឆេទនៃការចេញលិខិតជូនដំណឹងនេះតទៅ ករណីសមាជិក ប.ស.ស. ចូលប្រើប្រាស់សេវានៅមូលដ្ឋានសុខាភិបាល ខាងលើនោះការចំណាយជាបន្ទុកផ្ទាល់របស់អ្នកជំងឺ៕
