ក្រសួងអប់រំ យុវជន និងកីឡា សម្រេចឲ្យផ្អាកចេញ ចូល បំពេញការងារ ហ្វឹកហាត់ ហាត់ប្រាណ និងការលេងកីឡាគ្រប់ប្រភេទ នៅក្នុងបរិវេណពហុកីឡដ្ឋានជាតិអូឡាំពិកចំនួន ២ ថ្ងៃ គឺថ្ងៃទី៦ និងថ្ងៃទី៧ ខែវិច្ឆិកា ឆ្នាំ២០២៦ ខាងមុខនេះ។

បើយោងតាមលិខិតរបស់ក្រសួងអប់រំ យុវជន និងកីឡា ផ្ញើមកកាន់អគ្គនាយកដ្ឋានកីឡា សហព័ទ្ធកីឡាជាតិ និងសាធារណជនទាំងអស់ មេត្តាជ្រាបថា ចាប់ពីថ្ងៃទី៥ រហូតដល់ថ្ងៃទី១៣ ខែវិច្ឆិកា ឆ្នាំ២០២៦ នៅក្នុងពហុកីឡាជាតិអូឡាំពិក នឹងរៀបចំកម្មវិធីប្រកួតកីឡាជាតិលើកទី៥ និងកីឡាជាតិជនពិការលើកទី៣ ឆ្នាំ២០២៦។

ដើម្បីរក្សាសណ្តាប់ធ្នាប់ របៀបរៀបរយ និងសុវត្ថិភាព ជូនថ្នាក់ដឹកនាំជាន់ខ្ពស់អគ្គនាយកដ្ឋានកីឡា សូមផ្អាកការចេញចូល ធ្វើការហាត់ប្រាណ និងលេងកីឡាគ្រប់ប្រភេទនៅក្នុងបរិវេណពហុកីឡាដ្ឋានជាតិអូឡាំពិកចំនួន ០២ថ្ងៃ គឺនៅថ្ងៃទី៦ និងថ្ងៃទី៧ ខែវិច្ឆិកា ឆ្នាំ២០២៦ ខាងមុខនេះ៕